நண்பர்கள்

இணையத்திலும் வெளியானது “சிறிலங்காவின் கொலைக்களங்கள் – தண்டிக்கப்படாத போர்க்குற்றங்கள்“

2012-03-15T03:37:00.001-07:00

சிறிலங்காவின் கொலைக்களங்கள் – தண்டிக்கப்படாத போர்க்குற்றங்கள்' ஆவணப்படத்தை சனல்-4 தொலைக்காட்சி பிரித்தானிய நேரம் நேற்றிரவு 10.55 மணியளவில் ஒளிபரப்பியது.
பிரித்தானியா மற்றும் அயர்லாந்து நாடுகளில் மட்டும் இது ஒளிபரப்பானது. இந்த ஆவணப்படத்தை சனல் 4 தொலைக்காட்சி இணையத்தளத்திலும் சற்றுமுன்னர் வெளியிட்டுள்ளது.
பதிவு செய்து உள்நுழைவதன் மூலம், 49 நிமிடங்களைக் கொண்ட உயர் துல்லியமான இந்த ஆவணப்படத்தை காணமுடியும்.

ஆவணப்படத்தை http://www.channel4.com/programmes/sri-lankas-killing-fields/4od#3212461 இந்த இணைப்பில் காணலாம்.4od#3212461

பணத்தை இரட்டிப்பாக ஒரே சுலபமான வழி அதை இரண்டாக மடித்து சட்டைப் பையில் வைத்துக் கொள்வதுதான்.

ரயில்வே பட்ஜெட் 2012: முக்கிய அம்சங்கள்

2012-03-15T02:49:00.001-07:00

புறநகர் ரயில் கட்டணங்களும் கி.மீக்கு 2 பைசா உயர்வு

பிளாட்பார்ம் டிக்கெட் விலை ரூ. 5 ஆக உயர்வு

3வது வகுப்பு ஏசி பெட்டிகளில் கட்டணம் கிலோமீட்டருக்கு 10 பைசா உயர்வு

ஏசி முதல் வகுப்பு கட்டணம் கிலோமீட்டருக்கு 30 பைசா உயர்வு

சென்னை மெட்ரோ ரயில் திட்டம் 2013-ல் முடிவடையும்

ஏசி, முதல் வகுப்பு கட்டணமும் உயர்வு

கிலோமீட்டருக்கு 2 முதல் 30 பைசா வரை கட்டணம் உயர்வு

300 கி.மீக்கு மேல் கட்டணம் ரூ. 12 வரை உயர்வு

10 ஆண்டுகளுக்குப் பின் ரயில் கட்டணம் முதன்முறையாக உயர்வு

2ம் வகுப்பு ரயில் கட்டணம் கிலோமீட்டருக்கு 2 பைசா உயர்வு

மாற்றுத் திறனாளிகளுக்காக பிரத்யேகமாக வடிவமைக்கப்பட்ட பெட்டிகள்

ரயில்வே விளையாட்டுவீரர்களுக்கு ரயில் கேல் ரத்னா விருது

1 லட்சம் பேருக்கு வேலைவாய்ப்பு

75 எக்ஸ்பிரஸ் ரயில்கள், 21 பயணிகள் ரயில்கள் அறிமுகம்

ரயில்வே துறை செலவுகளை 10% குறைக்க திட்டம்

இதுவரை எந்த உருப்படியான அறிவிப்பும் ரயில்வே பட்ஜெட்டில் இல்லை

சோனியா குடும்பத்தின் ரே பரேலி தொகுதியில் ரயில் பெட்டி தொழிற்சாலை

12வது ஐந்தாண்டு திட்ட காலத்தில் ரயில்வே துறை ரூ 3.5 லட்சம் முதலீடு செய்ய திட்டம்

விபத்து சதவீதம் 0.77ல் இருந்து 0.55% ஆகக் குறைந்துள்ளது

லாலு பெயரை குறிப்பிடாத ரயில்வே அமைச்சர். லாலு கட்சி எம்பிக்கள் கோஷம்

வரும் நிதியாண்டில் 20,000 வேகன்கள் தயாரிக்கப்படும்

டபுள் டக்கர் ரயில்வே கன்டெய்னர்கள் தயாரிக்க திட்டம்

சுய அதிகாரம் கொண்ட ரயில்வே பாதுகாப்பு அதிகாரிகள் நியமிக்கப்படுவர்

ரயில்வே ஆராய்ச்சி, மேம்பாட்டு கவுன்சில் அமைக்க பரிந்துரை

உருப்படியான அறிவிப்புகள் இல்லை என எதிர்க் கட்சி எம்பிக்கள் கோஷம்

ரயில்களின் சராசரி வேகத்தை 160 கி.மீயாக உயர்த்த திட்டம்

5 ஆண்டுகளில் அனைத்து ரயில்வே கிராசிங்களும் நீக்கம். அனைத்திலும் மேம்பாலங்கள் அமைக்கப்படும்

ரயில்வே துறைக்கு அடுத்த 10 ஆண்டுகளில் ரூ. 14 லட்சம் கோடி தேவை

2012-13ம் ஆண்டில் ரயில்வேதுறைக்கான திட்ட ஒதுக்கீடு ரூ. 60,000 கோடி

அணு விஞ்ஞானி அனில் ககோட்கர் தலைமையில் ரயில்வே பாதுகாப்புக்கு குழு

487 திட்டங்களுக்கு உடனடி நிதி தேவை

புதிய சிக்னல்கள் அமைக்க, சிக்னல்களை மேம்படுத்த ரூ. 39,111 கோடி

புதிய ரயில்களை அறிமுகப்படுத்த புதிய டிராக்குகள் தேவை

19,000 கி.மீ நீள தண்டவாளங்களை நவீனமாக்க திட்டம்

ரயில்வே துறைக்கு மத்திய அரசு ரூ. 25,000 கோடி ஒதுக்கீடு. நிதி தேவையோ ரூ.45,000 கோடி

கேரளா உள்பட 4 இடங்களில் புதிய ரயில் பெட்டி தயாரிப்பு தொழிற்சாலை

சென்னை ராயபுரம் ரயில் நிலையம் புதிய முனையமாக்கப்படும்

அனைத்து ரயில் நிலையங்களும் விமான நிலையங்களைப் போல மேம்படுத்தப்படும்

ரயில் நிலையங்களை மேம்படுத்த புதிதாக ரயில்வே நிலைய மேம்பாட்டுக் கழகம் அமைப்பு

நாடு முழுவதும் 11,250 ரயில்வே பாலங்கள் மேம்படுத்தப்படும்

19,000 கிலோமீட்டர் ரயில் பாதைகள் சீரமைக்கபப்டும்

அனைத்து சிக்னல்களும் நவீனமயமாக்கப்படும்

பயணிகள் பாதுகாப்புக்கு புதிய ரயில்வே பாதுகாப்பு ஆணையம் அமைக்கப்படும்

40% ரயில் விபத்துகள் ஆளில்லா ரயில்வே கேட்களில் தான் நடக்கின்றன

ரயில் பாதுகாப்புக்கே முன்னுரிமை தரப்படும்

12வது திட்ட காலத்தில் ரயில்வே மேம்பாட்டுக்கு ரூ. 7.35 லட்சம் கோடி ஒதுக்கீடு

நவீனமயாக்கல் குறித்து ஆராய சாம் பித்ரோடா தலைமையில் குழு

ரயில்வே பாதுகாப்புக்கு ரூ. 16,842 கோடியில் திட்டம்

ரயில்வேயை நவீனமயமாக்க அடுத்த 10 ஆண்டுகளில் ரூ.14 லட்சம் கோடி தேவை

வட கிழக்கு மாநிலங்கள், காஷ்மீரை இணைக்க புதிய திட்டங்கள்

பட்ஜெட்டில் கவிதைகளை பாடி நேரத்தை கடத்தும் அமைச்சர் திரிவேதி

TAMILNADU NEW TRAINS

2012-03-15T01:31:00.001-07:00

கோவை-பிகானீர் ஏசி எக்ஸ்பிரஸ்(வாராந்திர ரயில்)

சென்னை-பெங்களூர் ஏசி டபுள் டெக்கர் எக்ஸ்பிரஸ்(தினசரி)

திருச்சி-திருநெல்வேலி(தினசரி)

தாதர்(டி)-திருநெல்வேலி எக்ஸ்பிரஸ்(வாராந்திர ரயில்)

விசாகப்பட்டினம்-சென்னை எக்ஸ்பிரஸ்(வாராந்திர ரயில்)

கச்சேகுடா-மதுரை எக்ஸ்பிரஸ்(வாராந்திர ரயில்)

ஷாலிமார்-சென்னை எக்ஸ்பிரஸ்(வாராந்திர ரயில்)

சென்னை-புரி எக்ஸ்பிரஸ்(வாராந்திர ரயில்)

அசன்சோல்-சென்னை எக்ஸ்பிரஸ்(வாராந்திர ரயில்)

மன்னார்குடி-திருப்பதி எக்ஸ்பிரஸ்(3 வாரத்துக்கு ஒருமுறை)

விழுப்புரம்-காட்பாடி பயணிகள் ரயில்(தினசரி)

விழுப்பரம்-மயிலாடுதுறை பயணிகள் ரயில்(தினசரி)

தமன்னா நடித்தால் நான் மீண்டும் நடிக்கிறேன் : சிரஞ்சீவி!

2012-03-15T00:53:00.001-07:00

"நான் 150வது திரைப்படத்தில் நடிக்க, நல்ல கதையும் தேவை, கதாநாயகியாக நடிக்க நடிகை தமன்னாவும் தேவை என, நடிகர் சிரஞ்சீவி தன் ஆசையை வெளிப்படுத்தியுள்ளார். தீவிர அரசியலுக்கு வந்த பின்னரும், சினிமாவில் நடிக்கும் ஆசை தன்னை விடவில்லை என்றும் அவர் கூறியுள்ளார்.

ஐதராபாத் டவுனில் பீப்பிள்ஸ் பிளாசா வளாகத்தில், சிரஞ்சீவியின் மகன் தெலுங்கு திரைப்பட கதாநாயகன் ராம் சரண் தேஜா நடித்துள்ள "ரச்ச (கலாட்டா) என்ற தெலுங்கு படத்தின், "சிடி வெளியீட்டு விழா நிகழ்ச்சி நடைபெற்றது. இதில், நடிகர் சிரஞ்சீவியும் கலந்து கொண்டார்.

விழாவில், நடிகை தமன்னா பேசும் போது, ""ராம்சரண் தேஜா நடித்து வெளியாகிய மகதிரா , ஆரென்ஜி ஆகிய திரைப்படங்கள் போல, இந்த "ரச்ச திரைப்படமும் ரசிகர்களிடம் வரவேற்பைப் பெறும். ரசிகர்களின் ஆதரவு, ஆசியினால் தான் எனது குடும்பத்தினரும், மைத்துனர் அல்லு குடும்பத்தினரும், இந்த அளவுக்கு உயர்வை எட்ட முடிந்தது. ரசிகர்கள் தொடர்ந்து ஆதரவு அளிக்க வேண்டும் என்றார்.

பின்னர் சிரஞ்சீவி பேசுகையில், "இந்தப் படத்தின் காட்சிகளைப் பார்த்தேன். கதாநாயகி தமன்னா தனது திறமையையும், அழகையும் வெளிப்படுத்தி நடித்துள்ளார். அவரது நடிப்பை பார்க்கும் போது, எனக்கும் உற்சாகம் ஏற்படுகிறது. ரசிகர்களின் விருப்பப்படி, நல்ல கதை கிடைத்தால், 150வது திரைப்படத்தில் நடிப்பேன். அப்போது அந்த படத்திற்கு, தமன்னாவையே கதாநாயகியாக தேர்ந்தெடுப்பேன் என, ரசிகர்களின் ஆரவார கரவொலிக்கிடையே நடிகர் சிரஞ்சீவி தெரிவித்தார்.

விஜயகாந்துடன் விவசாயி வாக்குவாதம்: தேர்தல் பிரசாரத்தில் பரபரப்பு

2012-03-15T00:51:00.001-07:00

தே.மு.தி.க. தலைவர் விஜயகாந்த் நேற்று சங்கரன் கோவில் அருகே உள்ள கடையாலுருட்டி என்ற கிராமத்தில் பிரசாரம் செய்தார். பிரசார வேனில் இருந்த படி அவர் பேசினார். அவர் பேசும் போது, இடைத் தேர்தலுக்கு பிறகு மின் வெட்டு மேலும் அதிகரிக்கும் என்கிறார்கள்.தற்போதைய நிலவரப்படி அதிகளவு மின் வெட்டு நிலவுகிறது என்றார்.

அப்போது, கிராம வாசி ஒருவர் குறுக்கிட்டு, மின்சாரம் இருக்கிறது என்பதால் தானே நீங்க பேசுறீங்க என கேள்வி கேட்டார். இதைக் கேட்டு எரிச்சல் அடைந்த விஜயகாந்த், 'யாரு நீங்க...' என அவரை நோக்கி கேட்டார். அதற்கு, எங்க ஊர்ல வந்து என்னை கேட்க, நீங்க யாரு? என்று கிராம வாசி எகிற, மேலே வா சொல்றேன் என்று விஜய காந்த் சூடாக சொல்ல, அதே வேகத்துடன் நீ கீழே வா என்று கத்தினார் அந்த கிராம வாசி.

இப்படி இருவருக்கும் இடையே வாக்கு வாதம் முற்றவே, போலீசார் தலையிட்டு கிராம வாசியை அமைதிப்படுத்தினார். போலீசாரை முற்றுகையிட்ட தே.மு.தி.க.வினர், நாங்கள் போகும் இடமெல்லாம், ஏதாவது செய்து கொண்டே இருக்கிறார்கள். முதல்வர் ஜெயலலிதா வரும் போது, நாங்களும் பதிலுக்கு ஏதாவது செய்வோம் என்றனர்.

சம்பந்தப்பட்ட நபர் எந்த கட்சியையும் சார்ந்தவர் அல்ல, என்று கூறி தே.மு.தி.க. வினரை போலீசார் சமாதானப்படுத்தினர். தகராறை தொடர்ந்து, அங்கு தனது பிரசாரத்தை முடித்த விஜயகாந்த், வேறு பகுதிக்கு கிளம்பிச் சென்றார்.

சங்கரன்கோவில் தொகுதி தே.மு.தி.க. வேட்பாளர் முத்துக்குமாரை ஆதரித்து கட்சி தலைவர் விஜயகாந்த் மேலநீலிதநல்லூர் ஒன்றியத்திற்குட்பட்ட தர்மத்தூரணி கிராமத்தில் பிரசாரம் செய்தார். அப்போது அந்த கிராமத்தை சேர்ந்த கட்சியின் முன்னாள் செயலாளர் பரமன் தனது கோஷ்டியினருடன் நின்று கொண்டு விஜயகாந்த்தை பேச விடாமல், தடுத்தார்.

தனக்கு ஏன் பொறுப்பு வழங்க வில்லை என்று கேள்வி கேட்டார். அதற்கு விஜயகாந்த் பிரசாரம் முடிந்த பிறகு பேசிக் கொள்ளலாம். அமைதியாக இருங்கள் என்று கூறினார். ஆனால் பரமனும், அவரது கோஷ்டியினரும் தொடர்ந்து குரலெழுப்பி கொண்டே இருந்தனர்.

இதனால் விஜயகாந்த் டென்ஷன் ஆனார். உடனே அவரது உதவியாளர் பார்த்தசாரதி, விஜயகாந்திடம் விரைவில் பேச்சை முடியுங்கள் என்றார். இதையடுத்து விஜயகாந்த் அங்கிருந்து வேப்பங்குளத்திற்கு புறப்பட்டு சென்று விட்டார். விஜயகாந்த் எந்த முடிவும் தெரிவிக்காததால் பரமன் கோஷ்டியினர் அங்கு கட்டப்பட்டிருந்த தே.மு.தி.க. டிஜிட்டல் போர்டுகளை தேசப்படுத்தினர்.

இதனால் அப்பகுதியில் பரபரப்பு ஏற்பட்டது.

தயாரிப்பாளரும், இயக்குநரும் கேட்டதையெல்லாம்., கொடுத்தேன். புலம்பும் நீலிமா ராணி(video in)

2012-03-15T00:08:00.001-07:00

எண்ணிலடங்கா சின்னத்திரை சீரியல்களில் முக்கிய பாத்திரங்களில் முகம் காட்டி வரும் வளரும் நடிகை நீலிமா ராணி, அங்கொன்றும் இங்கொன்றுமாக பெரிய திரைப்படங்களிலும்இரண்டாவது மூன்றாவது நாயகியாக, நண்பியாக தலைகாட்டி வருவதைப் பார்த்திருக்கலாம்! அம்மணி மீது யார் கண் பட்டதோ., சமீபத்தில் ரிலீஸ் ஆன காதல் பாதை என்றொரு படத்தில் இரண்டொரு சீன்களில் மட்டுமே வந்து போனார். இது பற்றி நீலிமாராணி இவ்வாறு புலம்பி வருகிறார்.

தயாரிப்பாளரும், இயக்குநரும் கேட்டதையெல்லாம்., கொடுத்தேன். என்னை இரண்டு நாயகிகளில் ஒருவர் என சொல்லி புக் பண்ணி படம் பண்ணி, இரண்டொரு சீன்களில் மட்டும் வரும்படி எடிட் பண்ணி விட்டனர்.இனி பெரிய திரையுலக புரடியூசர்கள், டைரக்டர்களிடம் உஷாராக இருக்க வேண்டும்… என்று நீலிமா கண்ணீர் வடித்து வருகிறாராம்.

மீறல்களுக்கு சிறிலங்கா பதிலளிக்க வேண்டும் – அழுங்குப் பிடியில் நோர்வே, ஐரோப்பிய ஒன்றியம்!

2012-03-14T23:17:00.001-07:00

விடுதலைப் புலிகளுக்கு எதிரான போரின்போது இடம்பெற்ற மீறல்களுக்கு சிறிலங்கா பதிலளித்தேயாக வேண்டும் என்று நோர்வேயும் ஐரோப்பிய ஒன்றியமும் வலியுறுத்தியுள்ளன. ஐ.நா மனிதஉரிமைகள் பேரவையில் நேற்று நோர்வே அறிக்கை ஒன்றை வெளியிட்டுள்ளது.

"அனைத்துலக சட்டமீறல்கள் பற்றிய குற்றச்சாட்டுகளுக்கு தாமதமின்றி பதிலளிக்க வேண்டும் என்றும், நல்லிணக்க ஆணைக்குழுவின் பரிந்துரைகளை நடைமுறைப்படுத்த வேண்டும் என்றும் சிறிலங்கா அரசிடம் நோர்வே கேட்டுக் கொண்டுள்ளது. அத்துடன் ஜெனிவாவில் சிறிலங்காவுக்கு எதிராக அமெரிக்கா கொண்டு வந்துள்ள தீர்மானத்தை ஆதரிக்கப் போவதாகவும் நோர்வே அறிவித்துள்ளது.

அதேவேளை, ஐ.நாவுக்கான டென்மார்க்கின் நிரந்தரப் பிரதிநிதியும், ஐரோப்பிய ஒன்றியத்தின் சார்பில் ஐ.நா மனிதஉரிமைகள் பேரவைக் கூட்டத்தில் பங்கேற்பவருமான ஸ்டீபன் ஸ்மிட், "சிறிலங்கா அரசாங்கம் ஐ.நா நிபுணர்குழுவின் அறிக்கையுடன் இணங்கிச் செயற்பட வேண்டும் என்றும், நல்லிணக்க ஆணைக்குழுவின் பரிந்துரைகளை நடைமுறைப்படுத்த வேண்டும்" என்றும் வலியுறுத்தியுள்ளார்.

"மனிதஉரிமைகள் பாதுகாப்பு, சட்டத்தின் ஆட்சிக்கு மதிப்பளித்தல், பொறுப்புக்கூறும் விவகாரங்களுக்கு பதிலளித்தல் என்பன தேசிய நல்லிணக்கத்தை ஏற்படுத்துவதற்கு அவசியம்" என்றும் அவர் குறிப்பிட்டுள்ளார்.

குழந்தைகள் நோய்களுக்கு தீர்வு!

2012-03-14T22:13:00.000-07:00

குழந்தையின் வளர்ச்சிக்கு ஏற்ப உணவு தருவதில் அறியாமை, நோயின்
அறிகுறிகள் பற்றிய தெளிவின்மையால் பெரிய பிரச்னைகளை குழந்தைகள் சந்திக்க
வேண்டியுள் ளது. இது போன்ற அபாயங்களைத் தடுக்க குழந்தைகள் விஷயத்தில்
செலுத்த வேண்டிய சிறப்பு கவனம் குறித்து விளக்குகிறார் குழந்தை கள் நல
மருத்துவர் மற்றும் குழந்தைகள் உளவி யல் நிபுணர் டாக்டர் வினோதினி
கிருபாகரன். குழந்தைகளுக்கு நுரையீரலில் வைரஸ் தாக்குதலால் சளி, காய்ச்சல்
அடிக்கடி ஏற்பட வாய்ப்புள்ளது.

உலக அளவில் 90 சதவீதம் குழந்தைகளை
இது போன்ற நோய்கள் தாக்குவதாக உலக சுகாதார நிறுவனம் தெரிவித்துள் ளது.
இந்தக் காய்ச்சலுக்கான அறிகுறிகளை ஆரம்பத்தில் கண்டறிந்து சிகிச்சை
எடுத்துக் கொள்வதன் மூலம் மூளைக்காய்ச்சல் போன்ற அபாயங்களைத் தவிர்க்க
முடியும். மருத்துவரின் ஆலோசனைப்படி குழந்தைகளுக்கு குறிப்பிட்ட
இடைவெளியில் தடுப்பூசிகள் போட்டுவிட வேண்டும். 6 மாதம் வரை குழந்தைக்கு
கட்டாயம் தாய்ப்பால் தர வேண்டும். தாய்ப்பாலில் இருந்து நோய் எதிர்ப்பு
சக்தி கிடைப்பதால் குழந்தைகள் ஆரோக்கியமாக வளரமுடியும்.

அது வரை
வேறு உணவுகள் தரத் தேவையில்லை. குழந்தை பருவத்தில் அறிகுறி இல்லாமல்
காய்ச்சல் ஏற்படும். காய்ச்சல் என்பது நேரடியான நோய் கிடையாது. உடலில் உள்ள
வேறு ஒரு பிரச்னையை வெளிப்படுத்தும் அறிகுறியாகும். எனவே காய்ச்சலுக்கு
சரியான காரணம் கண்டறிந்து மருந்து அளிக்க வேண்டும். குழந்தைகளுக்கு
அடிக்கடி மூக்கில் நீர்வடிதல், மூக்கடைப்பு போன்ற தொந்தரவுகள் ஏற்படும்.
இந்த சமயத்தில் ஆரம்ப அறிகுறியை மருத்துவரிடம் காட்டி மூக்கடைப்பு, சளித்
தொல்லைகளுக்கான மருந்துகளை உபயோகிக்கவும்.

அதேபோல் சத்தான உணவுகள்
தருவதன் மூலமும் குழந்தைகளை நோய்த் தொற்றில் இருந்து காக்கலாம். குழந்தைகள்
தூங்கும் இடம், அவர்கள் பயன்படுத்தும் பொருள் அனைத்தும் சுகாதாரமானதாக
இருக்க வேண்டும். கிருமி நாசினி பயன்படுத்தி துணியை துவைக்க வேண்டும்.
குழந்தைகள் பயன்படுத்தும் துணியை வெயிலில் உலர்த்துவதன் மூலம் நோய்த்தொற்று
ஏற்படுவதை தவிர்க்க முடியும். குழந்தைகளுக்கு உணவு கொடுப்பதிலும் கவனம்
தேவை. தாய்ப்பால் குறைவாக இருந்தால் புட்டிப் பால் கொடுக்கப்படுகிறது.

இது
போன்ற சமயத்தில் கவனமின்மையால் நோய்த் தொற்று பரவுகிறது. மேலும்
குழந்தைகளுக்கு சாப்பிட கொடுக்கும் காய்கறிகள், கீரை வகைகளை கல் உப்பு
சேர்த்த தண்ணீரில் கழுவி சமைக்க வேண்டும். தண்ணீரின் வழியாக அதிகளவில்
நோய்கள் பரவுவதால் காய்ச்சி வடிகட்டிய நீரை மட்டுமே குழந்தைகளுக்குக்
கொடுக்க வேண்டும். இவற்றில் கவனம் செலுத்தாமல் விடும் போது குழந்தைக்கு
வயிற்றுப் போக்கு ஏற்படுகிறது. மேலும் சுகாதாரமற்ற உணவுகள், பழச்சாறுகள்
மூலம் தொற்று நோய்கள் ஏற்பட வாய்ப்புள்ளது.

குழந்தை வழக்கத்துக்கு
மாறாக அதிக முறை தண்ணீர் போல மலம் கழித்தால் உடனடியாக மருத்துவரின் ஆலோசனை
பெற வேண்டும். வயிற்றுப் போக்கின் போது குழந்தையின் உடல் நீர்ச்சத்தை
இழக்க நேரிடும். குழந்தைகளுக்கு அடிக்கடி வரும் பிரச்னைகளுக்கு
மருத்துவரின் ஆலோசனைப்படி மருந்துகள் தயாராக வைத்திருப்பது நல்லது.
குறைப்பிரசவம் மற்றும் எடை குறைவாகப் பிறந்த குழந்தைகளுக்கு ரத்தத்தில்
கிருமித் தொற்று ஏற்பட வாய்ப்புள்ளது. இதற்கு தற்போது தடுப்பூசி உள்ளதால்
மருத்துவரின் ஆலோசனைப்படி போட்டுக் கொள்ளலாம்.

சாதாரண சளித் தொல்லை
ஏற்பட்ட குழந்தைக்கு மூன்று நாட்களில் காது வலி வர வாய்ப்புள்ளது. அப்போது
எந்த அறிகுறியும் இன்றி குழந்தை அழுதபடியே இருக்கும். குழந்தை அழும் போது
அதன் காது, வயிறு என உடலின் பாகங்களைத் தொடும் போது குழந்தை காட்டும்
எதிர்ப்பை வைத்து அதன் வலியைக் கண்டறிய முடியும். குழந்தைக்கு 6 மாதங்கள்
முடிந்த பின்னர் வீட்டு உணவுகளைப் பழக்க வேண்டும்.

சரியான சத்தான
உணவு முறை மற்றும் சுகாதாரத்தை கடைபிடித்தால் குழந்தைகளுக்கு நோய்த் தொற்று
ஏற்படாது. சின்ன பிரச்னை வந்தாலும் குழந்தைகள் மருத்துவரிடம் ஆலோசனை
பெற்று மருந்து தரலாம். மருந்துக் கடைகளில் மருந்து வாங்கித் தருவது
மற்றும் மற்ற குழந்தைகளுக்கு கொடுக்கும் மருந்தைப் பயன்படுத்துவதும் தவறு.
ஒவ்வொரு குழந்தையும் தனித்தன்மை மிக்கது. அந்தக் குழந்தையை ஆரோக்கியமாக
வளர்க்க வேண்டியது தாயின் பொறுப்பு.

ரெசிபி

நவதானியக்
கஞ்சி: முழு கோதுமை, கம்பு, கேழ்வரகு, பாதாம், முந்திரி, பிஸ்தா, உலர்ந்த
திராட்சை, சோயா, நிலக்கடலை, கொண்டைக்கடலை ஆகியவற்றை தலா 50 கிராம் எடுத்து
தனித்தனியாக வறுத்து அரைக்கவும். இதில் சர்க்கரை சேர்க்க தேவை
யில்லை.
காய்ச்சிய பாலில் இந்த தானிய மாவைக் கலந்து குழந்தைக்கு குடிக்க
கொடுக்கலாம். வழக்கமாக தாய்ப்பாலை அடுத்து புட்டிபால் கொடுக்கும் போது இந்த
உணவை துவங்கலாம்.

வெஜ்ரைஸ்: கேரட், பீன்ஸ், பீட்ரூட், உருளைக்
கிழங்கு, காலிபிளவர் ஆகியவற்றை பொடியாக நறுக்கி ஒரு கப் அளவுக்கு எடுத்துக்
கொள்ளவும். இத்துடன் ஒரு ஸ்பூன் துவரம்பருப்பு, இரண்டு ஸ்பூன் அரிசி
ஆகியவற்றை ஒன்றாக குக்கரில் போட்டு தேவையான அளவு தண்ணீர் சேர்க்கவும்.
இத்துடன் சீரகம், தேவையான அளவு உப்பு, மஞ்சள் தூள் சேர்த்து குக்கரை மூடி
சாதம் குழைய வேக விடவும். வெளியில் எடுத்து சாதத்தை லேசாகக் கடைந்து நெய்
சேர்த்து ஊட்டலாம்.

ஸ்வீட் ஆப்பிள்: ஆப்பிளை நன்றாகக் கழுவி விட்டு
ஆவியில் அல்லது நேரடியாக தண்ணீரில் 10 நிமிடங்கள் வேக விடவும். பின்னர்
தோலை சீவி விட்டு ஆப்பிளை மசித்துக் கொள்ளவும். அத்துடன் சிறிதளவு சர்க்கரை
சேர்த்து பிசைந்து குழந்தைக்குக் கொடுக்கலாம். தினமும் இப்படிக்
கொடுப்பதன் மூலம் எளிதில் ஜீரணம் ஆகும். விரும்பி சாப்பிடும். போதுமான
சத்துகள் உடலுக்குக் கிடைக்கும்.

டயட்

குழந்தை
பிறந்து 5 மாதங்கள் வரை தாய்ப்பால் தான் சிறந்த உணவு. இந்தக்
காலகட்டத்தில் சத்துள்ள உணவுகளை தாய் உட்கொள்ள வேண்டும். பிரசவ காலத்தில்
தாயின் உடலில் இருந்து அதிக ரத்தம் வெளியேறுவதால், ரத்த சோகை ஏற்பட
வாய்ப்புள்ளது. எனவே தாயும் உணவில் கவனம் செலுத்த வேண்டும். குழந்தைக்கு
நான்கு, ஐந்து மாதங்கள் ஆகும் போது, கலப்புணவு கொடுக்க வேண்டும். கஞ்சி,
சூப் போன்ற திரவ உணவுகளில் துவங்கலாம். பழச்சாறுகள் ஐஸ் சேர்க்காமல்
கொடுக்கலாம். குழந்தைக்கு பல்வேறு சுவைகளையும் இவ்வாறு அறிமுகம் செய்யலாம்.

கலப்புணவு கொடுக்கும் போது சாதத்துடன் துவரம் பருப்பு சேர்த்து
வேக வைத்து கொடுக்கலாம். இதன் அடுத்தகட்டமாக காய்கறிகள் சேர்த்து வேகவைத்து
தரலாம். வேக வைத்த முட்டையும் சாப்பிட தரலாம். குழந்தைக்கு எட்டு மாதங்கள்
ஆனதும் இட்லி, சப்பாத்தி, தயிர்சாதம் கொடுத்து பழக்கலாம். குழந்தைக்கு
ஊட்டும் உணவு மிருதுவாகவும், எளிதில் ஜீரணம் ஆகும் வகையிலும் இருக்க
வேண்டியது அவசியம். வளரும் குழந்தைக்கு இரண்டு கப் பால் அவசியம். தயிர்,
வெண்ணெய், ஐஸ்கிரீம் ஆகியவையும் தரலாம். இனிப்பு குறைவான சாக்லேட்,
பிஸ்கெட் தரலாம். குழந்தைகள் பசித்தால் அழுவார்கள். அவர்களை வற்புறுத்திக்
கொடுக்கவேண்டியதில்லை என்கிறார் உணவு ஆலோசகர் சங்கீதா.

பாட்டி வைத்தியம்

சுத்தமான
தேங்காய் எண்ணெயை சுட வைத்து அதில் ஒரு டேபிள்ஸ்பூன் தேங்காய்ப்பால்
விடவும். அது கொதித்து அடங்கியதும் ஒரு ஸ்பூன் கஸ்தூரி மஞ்சள் பொடி
சேர்த்து இறக்கவும். ஒரு வயது வரை குழந்தையின் உடலில் இந்த எண்ணெய்
தேய்த்து பின்னர் பாசி பயறு மாவு தேய்த்து குளிக்க வைப்பதன் மூலம் சரும
நோய்கள் வராமல் தடுக்கலாம்.

ஒரு ஸ்பூன் வெந்தயம், மிளகு அரை
ஸ்பூன், வேப்பிலை 4, துளசி 4 ஆகியவற்றை அரைத்து குழந்தையின் தலையில்
தேய்த்து ஊற விட்டு குளிக்க வைத்தால் சூடு தணிக்கும். கிருமித் தொற்றில்
இருந்து தடுக்கும். மாதம் ஒரு முறை மட்டுமே இப்படிக் குளிக்கலாம்.

கடுக்காய்த் தூளை வெந்நீரில் கொதிக்க வைத்து அந்தத் தண்ணீரில் குளிப்பாட்டினால் குழந்தைக்கு ஜலதோஷம் வராமல் தடுக்கலாம்.

முற்றிய
தேங்காயில் இருந்து எடுத்த கெட்டியான பாலைக் காய்ச்சி எண்ணெய் எடுக்க
வேண்டும். அந்த எண்ணெயை வடிகட்டி குழந்தைக்கு ஒரு ஸ்பூன் அளவுக்கு
குடிக்கக் கொடுத்தால் வாய்ப்புண், வயிற்றுப் புண் குணமாகும்.

6
மாதக் குழந்தைக்கு வேப்பங்கொழுந்து, ஓமம், உப்பு சேர்த்து வெந்நீர் விட்டு
அரைத்து வடிகட்டிக் கொடுத்தால் வயிற்றில் பூச்சிகள் வராது.

கொய்யா இலையை நீரில் போட்டு நன்றாகக் கொதிக்க வைத்து வடிகட்டி சிறிது உப்பு சேர்த்துக் கொடுத்தால் பேதி நின்று விடும்.

கேழ்வரகை
முதல் நாள் ஊற வைத்து அதை அரைத்து துணியில் போட்டு வடிகட்டி சிறிது
தண்ணீர் சேர்த்து கொதிக்க விட வும். இத்துடன் பால், சர்க்கரை சேர்த்துக்
கொடுக்கலாம். 6 மாதம் நிறைவடைந்த குழந்தைக்கு ரசம் சேர்த்தும் கொடுக்கலாம்.

உயிருக்கு உயிரான தோழியிடம் பாலியல் பலாத்காரம்: இன்ஜினியரிங் கல்லூரி மாணவர்கள் கைது

2012-03-11T10:34:00.001-07:00

குளிர்பானத்தில் மதுவை கலந்து கொடுத்து, மயக்க நிலையில் பெண்ணை இரவு
முழுவதும் பாலியல் பலாத்காரம் செய்த மாணவர்களை, போலீசார் நேற்று
முன்தினம் கைதுசெய்தனர். உயிருக்கு உயிராக பழகிய தோழியை, மிருகத்தனமாக
இம்சித்த இந்த செயல், மாணவர்கள் வட்டாரத்தில் பெரும் அதிர்ச்சியை
ஏற்படுத்தியுள்ளது.
சென்னை அனகாபுத்தூரைச் சேர்ந்தவர் காஞ்சனா; விதவை. தனியார் நிறுவனத்தில்
பணிபுரிகிறார். இவரது மகள் கவிதா, 19. பிளஸ் 2 முடித்து, தனியார்
நிறுவனத்தில் பணிபுரிந்தார். (பெயர்கள் மாற்றப்பட்டுள்ளன) அனகாபுத்தூர்,
காமராஜபுரத்தைச் சேர்ந்தவர் சிவானந்தம், 19. பள்ளியில் படித்த போது
கவிதாவை காதலித்தார்.
தற்போது அவர் தனியார் கல்லூரியில் ஓட்டல் மேனேஜ்மென்ட் மாணவர். இவரது
நண்பர் அரவிந்த் சந்தோஷ், 19; சிவில் இன்ஜினியரிங் முதலாண்டு மாணவர்.
இவர் மூலம் சேலையூர் தீபன்குமார், 19; இன்ஜினியரிங் மாணவர், கேம்ப் ரோடு
நவீன், 19; இன்ஜினியரிங் மாணவர், அனகாபுத்தூர் அரிஹரன், 19; பாலிடெக்னிக்
மாணவர் ஆகியோரும் நண்பர்களாயினர். ஐந்து பேரும் பெண்ணின் வீட்டிற்கு
செல்வது, வீட்டில் சாப்பிடுவது என, குடும்பத்துக்கு நெருக்கமாக
இருந்துள்ளனர்.
கடந்த 5ம் தேதி மாலை சிவானந்தம்,கவிதாவை தொலைபேசியில் அழைத்து அரவிந்த்
சந்தோஷ் விபத்தில் காயமடைந்துவிட்டதாகக் கூறி, பெண்ணை அழைத்து சென்றார்.
பொழிச்சலூர் விமான் நகரில் உள்ளஅரவிந்த் சந்தோஷ் வீட்டிற்கு சென்றனர்.
அங்கு அரவிந்த் சந்தோஷ், நவீன், அரிஹரன், தீபன்குமார் ஆகியோர் மது
போதையில் இருந்தனர்."ஏன் பொய் சொல்லி என்னை அழைத்து வந்தீர்கள்' என கவிதா
கேட்ட போது, "சும்மா தான்' என கூறி சமாளித்துள்ளனர்.சிறிது நேரத்தில்
சிவானந்தமும் மது குடித்தார். போதை ஏறியதும், குளிர்பானத்தில் மதுவை
கலந்து பெண்ணுக்கு கொடுத்தனர். அவர் மறுத்தும் வலுக்கட்டாயமாக குடிக்க
வைத்தனர். போதை ஏறியதும், வாலிபர்கள் அனைவரும் அவரை பலாத்காரம்
செய்துள்ளனர்.
இரவு முழுவதும் ஐந்து பேரும் மாறி மாறி பலாத்காரம் செய்ததால், சுய நினைவு
இழந்த பெண்ணை, பல்லாவரத்தில் உள்ள மருத்துவமனையில் சேர்த்தனர். அங்கு
முதலுதவி சிகிச்சை அளித்து, மறுநாள் காலை 10 மணிக்கு வீட்டிற்கு
அழைத்துச் சென்றனர். அப்போதும் சரியாக நினைவு திரும்பவில்லை.
பெண்ணின்தாய் சிவானந்தத்திடம் கேட்ட போது, "என்ன நடந்தது என்று
தெரியவில்லை' என்று கூறியுள்ளனர்.
இதற்கிடையே நினைவு திரும்பிய பெண், "ஏன்டா இப்படி மாறி மாறி என்ன
சீரழிக்கிறீங்க' என முனகியதும், தாய் அதிர்ச்சியடைந்தார். குரோம்பேட்டை
அரசு மருத்துவமனைக்கு பெண்ணை அழைத்துச் சென்றார். டாக்டர்கள், எழும்பூர்
மகப்பேறுமருத்துவமனைக்கு பரிந்துரைத்துஅனுப்பி வைத்தனர். எழும்பூர்
மகப்பேறு மருத்துவமனையில் தீவிர சிகிச்சை பிரிவில் ஆபத்தான நிலையில்
சிகிச்சை பெற்று வருகிறார்.
மாணவர் விஷம் குடிப்பு:பெண்ணை பாலியல் பலாத்காரம் செய்த வழக்கில் நான்கு
பேர் கைது செய்யப்பட்டனர் . தலைமறைவாக இருந்த மாணவர் நவீன், விஷம்
குடித்தது தற்போது தெரியவந்துள்ளது. காட்டாங்கொளத்தூரில் உள்ள தனியார்
மருத்துவமனையில் சேர்க்கப்பட்டிருப்பது தற்போதுதெரியவந்துள்ளது. போலீஸ்
தேடுவதை அறிந்ததும் நவீன், வகுப்பில் இருந்து நண்பர்கள் தங்கியிருந்த
விடுதிக்கு சென்றார். அங்கு ஆல் அவுட் கொசு மருந்தை குடித்து தற்கொலைக்கு
முயன்றார். மற்ற மாணவர்கள் அவரை,கட்டாங்கொளத்தூரில், தனியார்
மருத்துவமனையில் சேர்த்தனர். உயிருக்கு ஆபத்தாக எதுவும் இல்லை என்பதால்,
அவரை கைது செய்யபோலீசார் ஏற்பாடுகளை செய்து வருகின்றனர்.

இளம்பெண்ணின் கற்பின் விலை ஒரே ஒரு ஐ.போன்(iPhone)

2012-03-11T10:21:00.001-07:00

சீன நாட்டைச் சேர்ந்த இளைஞர்கள்மற்றும் யுவதிகள் அப்பிள் நிறுவனத்தின்
விலை உயர்ந்த தயாரிப்புக்களை வாங்குகின்றமைக்காக மிகவும் பாரதுரமான
தீர்மானங்களை எடுக்கின்றார்கள். ஐ போன் ஒன்றுக்காக கற்பை பண்டமாற்று
செய்ய முன் வந்து உள்ளார் கட்டிளம் யுவதி ஒருவர். இவருடைய இலட்சியக் கனவு
ஐ போன் ஒன்றை சொந்தமாக வைத்திருக்க வேண்டும் என்பது. ஆனால் இவரது தகப்பன்
ஐ போன் வாங்கிக் கொடுக்கின்றார் இல்லை

என்னை கெடுத்த தமிழ் நடிகர்கள். நயன்தாரா ஒப்புதல் வாக்குமூலம்

2012-03-11T10:20:00.001-07:00

பலரிடம் பணத்தையும் மானத்தையும் பறிகொடுத்து நடுத்தெருவில் நிற்கும்
நயன்தாரா - குடுப்பத்தினர் கண்டனம்
[image]
நயன்தாராவிடம் எக்கச்சக்க பணத்தை பிடுங்கிக் கொண்டு, இப்படி அம்போன்னு
ஏமாத்திட்டாரே, என பிரபு தேவாவுக்கு நயன்தாராவின் குடும்பத்தினர்
கடுமையாக கண்டனம் தெரிவித்துள்ளனர்.
நயன்தாரா - பிரபு தேவா காதல் அத்தியாயம் முடிந்து, இப்போது துரோகத்தைப்
பட்டியலிடும் அத்தியாயம் தொடங்கியுள்ளது. தன்னைக் கல்யாணம் செய்து
கொள்வதாகக் கூறிவிட்டு, வேறு பெண்ணுடன் பிரபு தேவா நெருக்கமாகிவிட்டதால்
இந்தப் பிரிவு வந்ததாக நயன்தாரா தரப்புகூறுகிறது.
இந்த திருமணத்துக்காகவே நயன்தாரா சினிமாவுக்கு முழுக்கு போட்டார்.
இந்துவாகவும் மதம் மாறினார். ஆனால் அவருக்கு ஏமாற்றமே மிஞ்சியது.
பிரபுதேவா திருமணத்துக்கு தயாராக இல்லை என்பது அவருக்கு முழுமையாகத்
தெரிந்ததும், விலகி வந்து சினிமாவில் பிஸியாகிவிட்டார்.
இதற்கிடையில் நயன்தாரா குடும்பத்தினர் பிரபு தேவா மீதுபரபரப்பான
குற்றச்சாட்டுகளை கூறியுள்ளனர். நயன்தாராவின் ஊரான கேரள மாநிலம்
திருவல்லாவில் வசிக்கும் அவரது சித்தி, சித்தப்பா மற்றும் உறவினர்கள்
கூறுகையில், பிரபுதேவா எங்கள் குடும்பத்து பெண் நயன்தாராவை ஏமாற்றி
விட்டார்.
அவள் நாங்கள் தூக்கி வளர்த்த பெண். அவள் நிலைமை இந்த அளவு மோசமாகும்
என்று எதிர்பார்க்கவில்லை. நயன்தாராவுக்கு பிடிவாத குணம் அதிகம் என்று
சொல்வதெல்லாம் தவறு. அவள் ஒரு அப்பாவி. யாரையும் எளிதில் நம்பி
ஏமாந்துவிடுவாள்.
முதலில் சிம்புவிடம் ஏமாந்தாள்.இப்போது பிரபு தேவாவிடம் ஏமாந்து போனாள்.
சிம்பு சுட்ட பணம்! சிம்பு வல்லவன் படம் எடுத்த போது பண நெருக்கடி
ஏற்பட்டது. அப்போது அவருக்கு நயன்தாரா உதவினார். ஆனாலும் சிம்பு ஏமாற்றி
விட்டார்.
[image]
அவரை பிரிந்து பிரபுதேவாவிடம் வந்ததும் இனியாவது சந்தோஷமாக இருப்பாள்
என்று எதிர்பார்த்தோம். இங்கும் அவள் நிலைமை பரிதாபமாகி உள்ளது.
பிரபுதேவாவை நயன்தாரா ரொம்ப நம்பினாள். ஆட்டயப் போட்ட பிரபு தேவா!
ரம்லத்தை பிரபுதேவா விவாகரத்து செய்வதற்கு பணம் தந்தது யார் என்பது
அவரவர் மனசாட்சிக்கு தெரியும். பிரபுதேவா இயக்கிய எங்கேயும் காதல்
படத்துக்காகவும் நயன்தாரா பணம் பறி போனது. அவர்களுக்கு பணம்தான்
முக்கியமாக இருந்ததே தவிர நயன்தாராவின் பாசம் அல்ல.
நயன்தாரா இனிமேல் சினிமாவில் நடிக்க மாட்டேன் என்று சொன்னதுதான்
அவர்களுக்கு ஏமாற்றமாகிவிட்டது. எல்லா பணத்தையும் ஏமாற்றி
வாங்கிவிட்டனர்.
இப்போது எதுவும் இல்லை என்று தெரிந்ததும் கழற்றி விட்டுவிட்டார்கள்.
நயன்தாரா சினிமாவை விட்டு வந்தால் எங்கள்குடும்பத்திலேயே நல்ல பையனை
பார்த்து திருமணம் செய்து வைக்கதயாராக உள்ளோம் என்றனர்.

அதிவேகமாக பைக் ஓட்டி 2 பேரை கொன்ற நடிகர் ஜான் அபிரகாம்

2012-03-10T00:04:00.000-08:00

பாலிவுட்டின் பிரபல நடிகர் ஜான் அபிரகாம் தனது பைக்கில் மும்பையின் ஹார் பகுதியில் சென்று கொண்டிருந்தார். மிக வேகமாக அவர் சென்று கொண்டிருந்தபோது சாலையோரமாக நடந்து சென்ற இரண்டு பேர் மீது பைக் மோதியது. இதில் படுகாயமடைந்த இருவரையும் மருத்துவமனையில் சேர்த்தார்.

ஆனால் அவர்கள் சிகிச்சை பலனின்றி உயிரிழந்தனர். இதனையடுத்து ஜான் ஆபிரகாம் கைது செய்யப்பட்டார். அவரது வழக்கு மும்பை செச்சன்ஸ் கோர்ட்டில் தாக்கல் செய்யப்பட்டது. வழக்கினை விசாரித்த நீதிபதி அவருக்கு 15 நாட்கள் போலீஸ் காவலுக்கு உத்தரவிட்டார். ஆனால் ஜான் உயர் நீதிமன்றத்தில் மேல்முறையீடு செய்யப்போவதாகவும் அதனால் தனக்கு 5 நாட்கள் அவகாசம் கொடுக்க வேண்டும் என்றும் கூறி மனு அளித்திருந்தார்.

ஆனால் மும்பை நீதிமன்றம் இந்த மனுவை நிராகரித்தது. இதனைத்தொடர்ந்து ஜான் ஆபிரகாம் மும்பை உயர்நீதிமன்றத்தில் தண்டனையை எதிர்த்து மேல்முறையிடு செய்தார். இந்த மனுவை விசாரித்த உயர்நீதிமன்ற நீதிபதி தண்டனையை ரத்து செய்து ரூ.20 ஆயிரம் அபராதத்துடன் ஜாமீன் வழங்கியது.

காமெடி படங்களே ஜெயிக்கும் - நடிகர் விவேக்

2012-03-09T23:57:00.000-08:00

புதுமுகங்களை வைத்து டி.எஸ். திவாகர் இயக்கும் கஞ்சா கூட்டம் படத்தின் பாடல் சி.டி. வெளியிட்டு விழா வடபழனி பிரசாத் லேப் தியேட்டரில் நடந்தது. காமெடி நடிகர் விவேக் இதில் பங்கேற்று பாடல் சி.டி.யை வெளியிட்டு பேசியதாவது:-

தமிழ் பேசும் தமிழச்சிகள் கஞ்சா கூட்டம் படத்தில் நாயகிகளாக நடித்திருப்பது சந்தோஷமாக இருக்கு. கதாநாயகர்களும் நம்ம மண்ணுக்காரங்கதான். அவர்களை எல்லோரும் உற்சாகப்படுத்தனும். சின்னதா ஆரம்பிச்ச படங்கள் பெரிய லெவலுக்கு போய் வசூலை கொட்டி இருக்கு. நிறைய செலவு செய்து எடுத்த படங்கள் கீழே விழுந்திருக்கு.

எனவே புதுமுகங்கள் நடிச்ச படம்னு எதையும் ஒதுக்க முடியாது. திறமை எங்கிருந்தாலும் வரவேற்பது தமிழன் பண்பு. எந்த மொழி, எந்த இனம் என்றெல்லாம் பாகுபாடு பார்க்காமல் பாராட்டுவான். முன்பெல்லாம் ஒரு படத்தை 4 தியேட்டரில் திரையிட்டு 100 நாட்கள் ஓட்டுவார்கள். இப்ப ஒரு படத்தை 100 தியேட்டரில் திரையிட்டு 4 நாட்கள் ஓட்டுறாங்க.

சினிமா ரேஸ்மாதிரி அது சுத்திக்கிட்டே இருக்கனும் 50-வது நாள் வெள்ளி விழா 100-வது நாள் விழா என்றெல்லாம் போஸ்டர் ஒட்டி கொண்டாடனும் அப்ப தான் சினிமா செழிப்பா இருக்கும். இன்றைக்கு பெரிய ஹீரோக்கள் படங்கள் ஹிட்டாகும் என்பதற்கு உத்தரவாதம் இல்லை. சிறு பட்ஜெட் படங்கள் வெற்றி பெறாது என்றும் சொல்ல முடியாது.

நல்ல கதையும், காமெடியும் இருந்தால் படம் ஜெயிச் சிடும். தமிழ் சினிமாவின் சூப்பர் ஸ்டார் ரஜினி அதுபோல் இன்னொரு மறைமுக சூப்பர் ஸ்டாரும் இருக்கார். அதுதான் திருவாளர். நகைச்சுவை, காமெடி படத்தில் இருந்தால் கண்டிப்பாக ஹிட்டாகும். சினிமாவில் கஷ்டப்பட்டா நிச்சயம் ஜெயிக்கலாம். ஏ.வி.எம். ஸ்டூடியோ வாசலில் சுற்றிக் கொண்டிருக்கிற உருண்டையை பார்த்து நாம் இந்த ஸ்டூடியோவுக்குள் நுழைய முடியுமா என்று ஏங்கியவர் பாலச்சந்தர் அவர்தான் தாதா சாகேப் பால்கே அவார்டை பெற்றார். எனவே எவ்வளவு கஷ்டம் வந்தாலும் தளராமல் தொடர்ந்து போராடினால் சினிமாவில் ஜெயிக்கலாம். இ

வ்வாறு அவர் பேசினார்.

மகளீர் உரிமை சுவரொட்டிகளை அகற்றிய இராணுவம்!

2012-03-09T03:52:00.000-08:00

சர்வதேச மகளீர் தினத்தில் 'விடுதலைக்கான மகளிர் அமைப்பினால்" ஏற்பாடு செய்யப்பட்டிருந்த ஆர்ப்பாட்டம் குறித்த சுவரொட்டிகளை இராணுவத்தினர் அகற்றியுள்ளனர்.கொழும்பு, கோட்டே பிரதேசத்தில் நேற்று காலை சிலர் சுவரொட்டிகளை ஒட்டிக்கொண்டிருந்த போது, LA 7438 என்ற இலக்கத்தகடு பொருத்தப்பட்ட வாகனத்தில் சென்ற இராணுவத்தினர், சுவரொட்டிகளை ஒட்டக்கூடாது எனத் தடை விதித்துள்ளனர்.

இதற்கு என்ன காரணம் என மகளீர் அமைப்பினர் கேள்வியெழுப்பியதற்கு பதிலளித்த இராணுவத்தினர், சுவரொட்டிகளை ஒட்டுவதால் சூழல் அசுத்தமடைகிறது எனக் கூறியுள்ளனர்.

எனினும், வேறு ஏராளமான சுவரொட்டிகள் ஒட்டப்பட்டிருப்பதை சுட்டிக்காட்டிய மகளிர் அமைப்பினர், இவற்றால் சூழல் மாசடையவில்லையா எனக் கேள்வியெழுப்பியுள்ளனர்.

இந்தச் சந்தர்ப்பத்தில் இராணுவ அதிகாரியொருவர், இராணுவ உயர் அதிகாரியொருவரை தொலைபேசியில் தொடர்புகொண்டுள்ளார்.

இதனையடுத்து, இவை அரச விரோத சுவரொட்டிகள் என்பதால் இவற்றை ஒட்டக்கூடாது என உத்தரவிட்டுள்ளார்.

இந்தச் சந்தர்ப்பத்தில் சர்வதேச மகளீர் தினத்தில் நடத்தப்படும் ஆர்ப்பாட்டம் எந்தவகையில் அரச விரோத ஆர்ப்பாட்டமாக முடியும் என மகளீர் அமைப்பினர் இராணுவத்தினரிடம் கேள்வியெழுப்பியுள்ளனர்.

இதற்குப் பதிலளித்த இராணுவத்தினர், இது உங்களுக்குத் தேவையில்லையாத விடயம் எனவும், உடனடியாக இந்த சுவரொட்டிகளை அகற்றுமாறு மேலிடத்திலிருந்து உத்தரவு பிறப்பிக்கப்பட்டுள்ளதாகவும் மகளீர் அமைப்பினரை அச்சுறுத்தியுள்ளனர்.

இதேவேளை, இவ்வாறான செயற்பாடுகளில் தலையீடு செய்ய இராணுவத்திற்கு தார்மீக உரிமை கிடையாது என மகளீர் அமைப்பினர் சுட்டிக்காட்டியுள்ளனர்.

எனினும், தமக்கு மேலிடத்திலிருந்து கிடைத்த உத்தரவிற்கமையவே தாம் பணியாற்றுவதாகவும், ஒட்டப்பட்ட சுவரொட்டிகளை அகற்றுமாறும் இராணுவத்தினர் கூறியுள்ளனர்.

எனினும், இராணுவத்தினரின் உத்தரவிற்கு செவிசாய்க்காது மகளிர் அமைப்பினர் அங்கிருந்து அகற்றுசென்றுள்ளர்.

இதனையடுத்து மகளீர் அமைப்பினரது சுவரொட்டிகளை இராணுவத்தினர் முழுமையாக அகற்றியுள்ளனர்.

சபாஷ், இதான் சரியான ரிவார்டு: நாலுபேரை ஜெயிலில் தள்ளிய 'கொலவெறி..'!

2012-03-08T22:40:00.000-08:00

ஊர் உலகமெல்லாம் கொல வெறி பாடல் புராணம்தான். இந்தப் பாடலைப் பாடியதற்காக தனுஷுக்கு அம்பானி வீட்டில் விருந்து, டாடா வீட்டில் தட புடல் உபச்சாரம், பிரதமர் வீட்டில் பிரமாத மரியாதை... தனுஷும் சந்தோஷத்தின் உச்சிக்கே போய் விட்டார்.

இன்னொரு பக்கம், இந்த கொலவெறி பாடலைக் கேட்கும் சாதாரண, நடு வயதுக்காரர்கள் அல்லது இனிமையான சினிமா இசை ரசிகர்கள் 'பிபி' ஏறி வாய்க்கு வந்தபடி திட்டிக் கொண்டிருந்ததும் நடந்தது.

இந்த இரண்டாவது சம்பவம்தான் சமீபத்தில் சென்னையில் நடந்துள்ளது. சென்னையில் 'கொலவெறிப்' பாடலைப் பாடி ரயிலில் பயணிகளைத் 'துன்புறுத்திய' நான்கு பேரை ரயில்வே போலீசார் கைது செய்தனர்.

சைதாப்பேட்டையில் குடிபோதையில் ரயிலில் ஏறிய இந்த நால்வரும் சமீபத்திய ஹிட் பாடலான 'ஒய் திஸ் கொலவெறி டி..' பாடலை பாடி பெண்களை கேலி செய்துள்ளனர். இதையடுத்து ரயில்வே போலீசார் அந்த 4 பேரையும் கைது செய்தனர். அவர்கள் விவரம்: செங்குன்றத்தைச் சேர்ந்த கணேசன், சைதாப்பேட்டையைச் சேர்ந்த பாஸ்கர், சேஷப்பா, பாபு என விசாரணையில் தெரியவந்துள்ளது.

4 பேரும் இரண்டாம் வகுப்பு டிக்கெட் வாங்கிக் கொண்டு முதல் வகுப்பில் ஏறி கோரஸாக கொலவெறி பாடலைப் பாடியுள்ளனர். அதில் ஒருவர் லுங்கி அணிந்துகொண்டு தனுஷைப் போல நடனமாடி சக பயணிகளை தொந்தரவு செய்ததாக என போலீசார் தெரிவித்தனர்.

மாம்பலம் ரயில் நிலையத்துக்கு அந்த ரயில் வந்தபோது கூச்சலைக் கேட்டு ரயில்வே போலீசார் பெட்டிக்குள் ஏறினர். அப்போது அமைதியாகிவிட்டிருந்தனர் இளைஞர்கள். பின்னர் ரயில் புறப்பட்டபோது மீண்டும் பாடத் தொடங்கினர். அப்போது போலீசார் அவர்களைப் பிடித்து கைது செய்தனர். தனுஷின் கொலவெறி பாடலை மகா வெறியோடு பாடி ஆடி தொல்லை கொடுத்த அந்த நால்வரும், தற்போது புழல் சிறையில் கம்பி எண்ணிக் கொண்டுள்ளனர்!

தமிழ்நாடு நெல்லையில் இருந்து விரட்டப்பட்ட சிங்கள பேராசிரியை.

2012-03-08T18:33:00.000-08:00

தமிழ்நாடு நெல்லை மாவட்டத்தில் மனோன்மணியம் சுந்தரனார் பல்கலைக்கழகத்தின் குற்றவியல் துறை சார்பில் சர்வதேச மகளிர் தினத்தையொட்டி விரிவுரை நடத்துவதற்காக சென்ற சிங்கள பெண் விரிவரையாளாரின்வரவிற்கு கடும் எதிர்ப்பு தெரிவிக்கப்பட்டுள்ளது.'போதை பழக்கமும்இ குற்றங்களால் பாதிக்கப்பட்டவர்களும்' என்ற தலைப்பில் நடந்த கருத்தரங்கில் இலங்கையின் கொழும்பு பல்கலைக்கழக சட்டத்துறை பேராசிரியை ஜீவா நீரல்லாஇ இங்கிலாந்தின் லங்காஷயர் பல்கலைக்கழகத்தின் பேராசிரியை ஹெலன்காட் உள்ளிட்ட பெண் பேராசிரியைகள் பங்கேற்றனர்.

கொழும்பு பல்கலை பேராசிரியை ஜீவா நீரல்லாஇ இலங்கையில் பெண்களுக்கு எதிரான கொடுமைகள் நடக்கவில்லை என்றும் அவ்வாறு நடப்பதாக சித்தரிப்பது சரியல்ல என்றும் பேசியதாக கூறப்படுகிறது. இலங்கை பேராசிரியை பங்கேற்பது குறித்து ஏற்கனவே தெரிந்திருந்த நெல்லையை சேர்ந்த தமிழ்ஆர்வலர்கள்இ இந்திய கம்யூனிஸ்ட் கட்சி பிரமுகர் சேவியர் தலை மையில் பல்கலையின் கருத்தரங்கு அரங்கிற்குள் புகுந்தனர்.

தாங்கள் கொண்டுசென்றிருந்த பேனர்களைதூக்கி பிடித்தபடி 'இலங்கை பேராசிரியை வெளியேறு' என்ற கோஷங்களுடன் ஆர்ப்பாட்டத்தில் ஈடுபட்டனர். இதனால் அங்கு பரபரப்பு ஏற்பட்டது. இதையடுத்து போலீசார் அங்கு குவிக்கப்பட்டனர். பேராசிரியை ஜீவா நீரல்லாவை உடனடியாக பாதுகாப்புடன் அனுப்பிவைக்க ஏற்பாடு செய்யப்பட்டது.

திராவிட் ஓய்வு அறிவிப்பு

2012-03-08T09:34:00.001-08:00

15 வருடங்களுக்கும் முன் நானும் என் மாமாபையனும் மே.இ தீவுகளில் திராவிட் சச்சினுடன் டெஸ்டில் ஆடுவதைஇரவில் பார்த்துக் கொண்டிருப்போம். சச்சின் ஆடினால் கூப்பிடு என்றுசொல்லி விட்டு தூங்கி விடுவேன். எழுந்தால் அடுத்த ஓவருக்குள்ஒன்றும் நடந்திருக்காது - திராவிட் ஏமாற்றிருக்க மாட்டார். இப்படிஓவர் விட்டு ஓவர் எனக்கு ஓய்வளித்த திராவிட் நிரந்த ஓய்வெடுக்க போவதுஅறிந்ததும் மிகுந்த வருத்தம்!

யுவ்ராஜ் சிங்: எதிர்பார்ப்புகளின் அவலம்

2012-03-08T09:34:00.000-08:00

இந்தியகிரிக்கெட்டில் மிக அதிகமாக எதிர்பார்ப்புகளுக்கும் அதனாலே ஏமாற்றங்கள் கண்டனங்கள்விமர்சனங்களுக்கு உள்ளான சமகால வீரர் யுவ்ராஜ் தான். இன்று ரெய்னா, ரோஹித் ஷர்மா,மனோஜ் திவாரி, கோலி, சுவரப் திவாரி, மனிஷ் திவாரி என இந்திய கிரிக்கெட்டின்எதிர்கால பட்டியலில் நிறைந்துள்ள ஆர்ப்பாட்டமான அதிரடி ஆட்டமும், மீடியா தளுக்கும்மிக்க இளைய வீரர்களுக்கு ஒரு முன்னோடி அவர் தான். யுவ்ராஜுக்கு முந்தின தலைமுறைஒருநாள் கிரிக்கெட்டில் தனது ஒற்றைபட்டையான திறன்கள் மற்றும் திட்டமிடல்சுயகட்டுப்பாடு ஆகிய விழுமியங்களை பிரதானப்படுத்தியது. சச்சின், கங்குலி, திராவிட்ஆகியோர் நிலைத்து ஆடுவதை, குறைவாக ஆபத்துகளை எதிர்கொள்வதில், வளமான சராசரியை தக்கவைப்பதில் கவனம் மிக்கவர்கள். அவர்களின் காலகட்டம் இந்திய கிரிக்கெட்டின் கல்லும்முள்ளும் நிறைந்த மலையேற்றம் எனலாம். அவர்கள் அணியின் வீழ்ச்சிக்கு சரிவுக்குஎப்போதும் தயாராக இருந்தார்கள். மோசமாக தோற்காமல் இருப்பதே பிரதானம். பிறகு மெல்லமெல்ல எதிரணிக்கு சமமாக போட்டியிட தமது அணிக்கு உதவினர். ஆனால் யுவ்ராஜின் தலைமுறைபின்வாங்குதலை, தற்பாதுகாப்பை, சுதாரிப்பை அறியாதது. யாரையும் அஞ்ச வேண்டியதில்லை,எதற்கும் தயங்க வேண்டியதில்லை என அவர்கள் முழங்கினர். தனித்தே தம்மால் வெற்றியைவாங்கித் தந்து படக்கருவிகளின் பிளாஷுக்கு முன்னால் பளிச் புன்னகை செய்து பேட்டிதருவதே சாதனை என்று கருதினர். ஓட்ட சராசரி அளவுக்கு மீடியாவில் கிடைக்கும் நல்லபெயரும் பிரபலமும் முக்கியம் என்று அறிந்தனர். கிரிக்கெட் வீரர் கிரிக்கெட்மட்டும் ஆடுபவன் அல்ல, அவன் விளம்பர நாயகன், அபிப்ராயங்களை சதா முழங்குபவன்,கேட்டாலும் கேட்காவிட்டாலும் தொடர்ந்து சவால்களை விடுப்பவன், யாரும் கவனிக்காமல்இருந்தாலும் யாரையாவது பரிகசித்து அவமானித்து கண்டித்து கவனத்தை பெறுபவன் என்றுநிலைப்பாடு உருவானது. இப்படியான பரிணாமத்துக்கு 2000இல் ஐ.சி.சி நாக் அவுட் கோப்பைதொடரில் ஆஸ்திரேலியாவுக்கு எதிராக யுவ்ராஜ் தனது இரண்டாவது ஆட்டத்தில் அடித்த 84ஒரு நல்ல உதாரணம்.

சச்சின் அதுவரை சதம்அடித்து மட்டும் தான் இந்திய அணிக்கு வெற்றி வாய்ப்பு ஏற்படுத்துவார். ஆனால்யுவ்ராஜ் இதெல்லாம் போதாது என்று நிரூபித்தார். ஒரு நவீன கிரிக்கெட் வீரன்வெற்றிக்காக காத்திருப்பதில்லை; யுவ்ராஜ் தானாகவே அதிக ஓட்டங்கள் அடித்து அன்றுஅணியை ஒரு நல்ல ஸ்கோருக்கு உயர்த்தினார். அப்போதும் அணி மெல்ல சரிந்து வந்த போதுவெறுமனே நகம் கடித்து "இதற்கு மேல் ஒன்றும் இல்லை" என்று கல்லியில் நின்று யோசிக்காமல் பாய்ந்து வந்துஒரு காட்ச் பிடித்தார். இந்திய வரலாற்றில் முன்னெப்போதும் நமது வீரர் ஒருவர்இவ்வளவு வேகமாக எளிதாக சரளமாக மைதானத்தில் காற்றில் பறந்ததில்லை. அப்போதும்இந்தியா மீண்டும் துவண்டு வந்த போது நன்றாக ஆடி வந்த பெவனை ரன் அவுட் செய்தார்.. இனிமேலும்ஒன்றும் இல்லை என்ற நிலையில் இந்தியா அந்த ஆட்டத்தை வெல்ல நேர்ந்தது. பின்னர்நடந்த ஆட்டங்களிலும் பந்துவீச்சாளராக யுவ்ராஜ் பல முக்கிய விக்கெட்டுகளைவீழ்த்தினார். ஸ்டீவ் வாஹை போல யுவ்ராஜை ஆட்டத்தில் இருந்து ஓய்வாக வைக்கவேமுடியாது. இப்படி தன்னை யுவ்ராஜ் வலுவாக அறிவித்த போதும் சரி பின்னரும் சரி ஒருமேலான மட்டையாளராக அல்லது அனைவரும் அங்கீகரிக்கக் கூடிய ஒரு கிரிக்கெட்டராக அவர்உயரவே இல்லை. ஆனால் அவர் வெற்றி நாயகனாக இருந்தார். சச்சினுக்கு மாறாக யுவ்ராஜ்நன்றாக ஆடிய போதெல்லாம் இந்தியா வென்றது. 2006இல் மே.இ தீவுகளில் யுவ்ராஜ் 90அடித்து அணிக்கு வெற்றி பெற ஒரு ஓட்டம் தேவையிருந்த நிலையில் அவர் ஆட்டமிழக்க நடந்தஇரண்டாவது ஒருநாள் ஆட்டம் மட்டுமே விதிவிலக்கு. ஒரு நல்ல கிரிக்கெட்டர் தரமானவராகஉலக அங்கீகாரம் பெற்றவராக வலுவான தொழில்நுட்பமும் பொறுமையும் கொண்டவராக தன்பொறுப்பை நன்றாக உணர்ந்து ஆடக் கூடியவராக இருக்க வேண்டும் என்று பிம்பம் யுவ்ராஜின்வருகையுடன் உடைந்தது. இந்திய கிரிக்கெட்டில் அவருக்கு பின் தோன்றியர்கள்அனைத்தையும் செய்பவர்களாக தாம் ஆடினால் அணி தானே வெல்லும் எனும் மிகையானதன்னம்பிக்கை கொண்டவர்களாக பேச்சு, கேளிக்கை, புகழ்வேட்டை, பந்தைத் துரத்துவதற்குசமானமாய் பணத்தையும் துரத்துவதே சாமர்த்தியம் என்று நம்புபவர்களாக ஆனார்கள்.

சச்சின் வாழ்நாளெல்லாம்தன்னை ஒரு குறையற்ற முழுமையான மட்டையாளராக மெருகேற்றுவதற்கே செலவழித்தார். ஒருபாறை சிற்பமாவது போல் அவர் மெல்ல மெல்ல தன்னையே வேறொன்றாக மாற்றினார். கடந்தமுப்பது வருடங்களில் சச்சின் அளவுக்கு தன்னை தொழில்நுட்ப ரீதியாகவும் ஷாட்களின்தேர்வு, ஆட்டவேகம் ஆகிய விசயங்களிலும் தொடர்ந்து மாற்றிக் கொண்டே வந்துள்ள வேறொருமட்டையாளர் இல்லை எனலாம். உதாரணமாக லாராவும் ரிச்சர்ட்ஸும் கடைசி ஆட்டம் வரை தாம் வாழ்வில்முதலில் மட்டையை ஏந்திய போது இருந்த அதே திறந்த மனதுடன் தான் ஆடினர். ஆனால் சச்சின்மெல்ல மெல்ல இயல்பை மாற்றிக் கொண்டே வந்தார். அதனாலே அவரது ஆவேசமான ரசிகர்களும்கூட அவரை முப்பது வயதுக்கு மேல் வெறுக்கவும் கண்டிக்கவும் தொடங்கினர். சச்சின்அதற்கு பதிலாக ஓட்டங்களை குவிக்கும் சாதனைகளை ஒரு கண்மூடித்தனமான மூர்க்கத்துடன்செய்ய துவங்கினார். ஆடத் துவங்கிய போது கிரிக்கெட் அவருக்கு ஒரு சாகசம், சவால்,சுயவெளிப்பாடு என்றால் கடந்த பத்து வருடங்களில் அது ஒரு கச்சிதமாக, தவறின்றி செய்துபுரோகிரஸ் கார்டில் முதல் மதிப்பெண் வாங்க வேண்டிய வேலை போல ஆகி விட்டது. யுவ்ராஜ்முதன்முதலில் சச்சின் அதுவரை எதெற்கெல்லாம் முன்மாதிரியாக விளங்கினாரோ அதெல்லாம்நவீன கிரிக்கெட்டில் இனி செல்லாது என்று நிறுவினார். கடந்த வருடம் ஒரு பேட்டியில்சச்சினை அணியில் "தாத்தா" என்று செல்லப்பெயரில் அழைப்பதாக யுவ்ராஜ சின்னநக்கலுடன் கூறினார் (சச்சின் பதிலுக்கு சற்று கோபப்பட்டார்). குறியீட்டுரீதியாகவும் அது உண்மை தான்.

மிக சுதந்திரமாகநேர்மையாக உந்துதல் படி ஆடத் துவங்கின யுவ்ராஜின் ஆட்டத்தில் அந்த தடையின்மையைதான் ஒவ்வொருவரும் ரசித்தனர். அவர் தலைமுறையில் அந்தளவுக்கு இயல்பான வேறு ஒருதிறமை தோன்றாததால் மீண்டும் மீண்டும் அவரை வியந்தனர். யுவ்ராஜுடன் அறிமுகமானகாயிப் இந்த வியப்புக்கு மறைமுகமாக ஒருவிதத்தில் பயன்பட்டார். சச்சின் திராவிட்போல் இந்த முரண்பட்ட ஜோடி இரண்டு விதமான இயல்புகளை அதன் விளைவுகளை நமக்குகாட்டியது. ஒருவர் மிகுதியான திறனும் ஆனால் குறைவான சுயகட்டுப்பாடும் கொண்டவர்.மற்றவர் நேர்மாறானவர். காயிப்பின் இயல்பு நவீன கிரிக்கெட்டில் காலாவதியான ஒன்று.கவனம் என்றால் என்னவென்றே மறந்து போன ஒரு யுகம் இது. யுவ்ராஜ் காலத்தின் நாயகனாகபெரும் எழுச்சியை அடைந்தார். காயிப் உள்ளூர் கிரிக்கெட்டில் கூட சராசரி மொஜும்தர்களுக்கும்ஜேக்கப் மார்டின்களுக்கும் இடையே காணாமல் போனார். யுவ்ராஜ் சமகாலத்தின் சிறந்தஒருநாள் மட்டையாளராக பரவலாக பாராட்டப்பட்டார். சச்சினை விட சேவாகுக்கு அடுத்தபடியாய் யுவ்ராஜை அணிகள் அதிகம் அஞ்சத் தொடங்கின. அவரது பந்துவீச்சு நன்றாகமெருகேறி ஆல்ரவுன்டர் ஸ்தானத்துக்கு நகர்ந்தார். அவ்வளவு பெரிய உயரத்தை மிகசீக்கிரமாகவே எட்டி விடுவது ஒரு துர்பாக்கியமே. மெல்ல மெல்ல இறங்குமுகம்துவங்கியது. அதன் முதல் அறிகுறியாக யுவ்ராஜ் தனது டெஸ்ட் ஆட்டம் பற்றிவிமர்சகர்கள் கூறும் குற்றச்சாட்டுகளை சீரியசாக எடுத்துக் கொண்டார். இந்தஎதிர்பார்ப்புகளின் நெருக்கடியில் அவர் பதற்றமானவராக இயல்பற்றவராக மாறினார்.

யுவ்ராஜின் இளமைப்பருவம் இப்படியான எதிர்பார்ப்புகளின் கடும் நெருக்கடியில் தான் கழிந்தது எனலாம்.அவர் கிரிக்கெட்டை விரும்பி ஏற்றவர் அல்ல. அவரது தந்தை யோக்ராஜ் சிங் ஒரு முன்னாள்வேகப்பந்து வீச்சாளர். கபில்தேவின் சமகாலத்தவர். நண்பர். இரண்டொரு ஆட்டங்கள் ஆடிவிட்டு விலகியவர். அவர் தனது தனிப்பட்ட தோல்விக்கு பரிகாரமாக மகனை கிரிக்கெட்டில்வலுக்கட்டாயமாக ஈடுபடுத்தினார். யுவ்ராஜுக்கு ஸ்கேட்டிங்கில் அபார ஆர்வம்இருந்தது. அதில் சேம்பியனாகி பல கோப்பைகள் வென்றார். ஆனால் இந்த கோப்பைகளை அப்பாஎளிதில் உதாசீனப்படுத்தி யுவ்ராஜின் ஆர்வத்தை திருப்ப முயல்வார். இது அவரைகடுமையாக காயப்படுத்தி இருக்கிறது. சிறுவயதில் அம்மா குடும்பத்தில் இருந்துபிரிந்து வாழ்ந்த காலத்தில் அவருக்கு வேறு எந்த ஆதரவும் இருந்திருக்கவில்லை.அப்போது நடந்த ஒரு சம்பவத்தை யுவ்ராஜ் தனது ஆரம்ப கால பேட்டிகளில் ஒன்றில் நினைவுகூர்கிறார். குடும்ப நண்பரான நவ்ஜோத் சிங் சித்து வீட்டுக்கு வருகிறார். அப்பாஅவரிடம் யுவ்ராஜின் ஸ்கேட்டிங் ஆர்வம் பற்றி புகார் சொல்லி மகனை அறிவுறுத்தும் படிகேட்கிறார். சித்து யுவ்ராஜிடம் இப்படி அறிவுரை சொல்கிறார் "ஸ்கேட்டிங் பெண்களுக்கானது.கிரிக்கெட் தான் ஆண்களின் வீர ஆட்டம். நீ கிரிகெட்டுக்கு வா". மெல்ல மெல்ல யுவ்ராஜ் அப்பாவுக்காக கிரிக்கெட்டில்ஆர்வம் செலுத்தி அதில் தனக்கு அபார திறன் உள்ளதை அறிகிறார். 2000இல் இலங்கையில்நடந்த 19 வயதுக்கு கீழானவருக்கான உலகக் கோப்பை தொடர் ஒரு திருப்பம். அப்போதுஅணித்தலைவராக கேயிப்பும் முக்கிய மட்டையாளராக யுவ்ராஜும் இருந்தார். இறுதிஆட்டத்தில் யுவ்ராஜின் 70 சொச்சம் கோப்பையை இந்தியாவுக்கு வென்று தந்தது. அப்போதுகேயிப் தான் எதிர்கால நட்சத்திரமாக பெரிதும் பேசப்பட்டவர். ஆனால் யுவ்ராக் அவரைமுந்தினார். பெட்டிங் சர்ச்சை காரணமாக சீனியர்கள் விலக்கப்பட கங்குலிக்கு கீழான புதுஇந்திய அணியில் கீழ்மத்திய வரிசையில் இடம் பெற்றார். பின்னர் வந்த புகழும் பணமும்யுவ்ராஜை கிரிக்கெட்டை தனது மார்க்கமாக தேர்வு செய்ய தூண்டியது.

ஆனால் எந்தகலைஞனுக்கும் தனது மார்க்கம் அவனது ஒரே முன்னோக்கிய வழியாக இருக்க கூடாது. பின்னர்தன்னலமும் செயற்கையான பிரயத்தனமும் அவனது இயல்பான திறமைக்கு அதன் களங்கமின்மைக்குஊறாகும். கிரிக்கெட்டை தான் கொண்டாடும் ஒரு கலை வடிவமாக மட்டும் பார்த்தனாலேயேலாரா சச்சினை விட மேலானவராக பலராலும் கருதப்படுகிறார். யுவ்ராஜ் பாதி லாராவில்இருந்து பாதி சச்சினாக மெல்ல மெல்ல மாறினார். யுவ்ராஜ் டெஸ்ட் போட்டிகளில் பாகிஸ்தான்மற்றும் இங்கிலாந்துக்கு எதிராக துணைக்கண்டத்தில் அணியை காப்பாற்றும் சிறப்பான சதங்கள்அடித்திருந்தாலும் மிக மரபான டெஸ்ட் வடிவம் அவருக்கு வரலாற்று படத்துக்காக நாவைசுழற்றி காவிய வசனம் பேச வற்புறுத்தப்படும் நவீன நடிகனின் சங்கடத்தையே அளித்தது.டெஸ்டில் சிறக்க அவர் விரும்பியதற்கு காரணம் அதற்கான தொழில்நுட்பமும் பிறபண்புகளும் அவருக்கு இருந்ததனால் அல்ல. தன்னால் டெஸ்ட் ஆட முடியாது என்று யாரும்சொல்லக் கூடாது என்பதற்காக அல்லது டெஸ்ட் வடிவை ஆகச்சிறந்த உரைகல்லாக காணும் பலமூத்த கிரிக்கெட் பண்டிதர்களின் ஆமோதிப்புக்காக இருக்கலாம். மைக்கெல் பெவன், அஜய்ஜடேஜா, ஹெர்ஷல் கிப்ஸ் போன்று ஒருநாள் வடிவில் அசாத்தியமான திறமை இருந்தும் சிலகாரணங்களுக்காக டெஸ்டில் நிலைக்க முடியாத சில கிளாஸிக் உதாரணங்கள் ஏற்கனவே உண்டு. நேர்மாறாகமைக்கெல் கிளார்க், திராவிட், லெக்‌ஷ்மண், மைக்கெல் வான் என டெஸ்டில் உயர்ந்துஒருநாள் ஆட்டங்களில் முற்றிலும் பொருந்தாமல் போனவர்களின் நீண்ட பட்டியலும் உண்டு. இந்தியர்கள்பொதுவாக மரபானவர்கள் என்பதால் யுவ்ராஜின் டெஸ்ட் சறுக்கல்கள் கடுமையாகவிமர்சிக்கப்பட்டன.

இவ்விசயத்தில் அவருக்கானநியாயங்களும் இருந்தன. அவருக்கு நிரந்தரமான வாய்ப்புகள் டெஸ்ட் அணியில்கிடைக்கவில்லை. அவரது மட்டையாட்டத்தின் மிக உச்சமான காலகட்டத்தில் அவருக்குஅநேகமாக வாய்ப்பே இருக்கவில்லை. முப்பதை எட்டி மெல்ல திறன்கள் மழுங்க துவங்கும்போது உடல்தகுதி தொய்வடையும் போது டெஸ்ட் பாத்திரம் அவர் மீது திணிக்கப்பட்டது.பின்னர் அவர் அடிக்கடி காயமுற்றதும் அவரது முன்னேற்றத்துக்கு உதவவில்லை.

யுவ்ராஜின்பிரச்சனையை மேலும் கூர்மையாக புரிந்து கொள்ள அவரை சேவாகுடன் ஒப்பிடலாம். சேவாக்யுவ்ராஜை விட நல்ல பின்கால் ஆட்டக்காரர் மற்றும் உடல் சமநிலை கொண்டவர். அவர் எந்தஒரு குறிப்பிட்ட ஷாட்டுக்காகவும் முன்கூட்டி தயார்ப்படுத்திக் கொண்டு நிற்பதில்லை.இதனால் யுவ்ராஜை போல் எதிர்பாராமல் திசைமாறும் பந்துக்கு தடுமாறி சுதாரித்துமென்மையான முறையில் அவர் ஆட்டம் இழப்பதில்லை. சந்திக்கும் புள்ளியில் இருந்துபந்தை எங்கே போக வேண்டும் என்பதை சேவாகுக்கு அவரது மட்டை தான் தீர்மானிக்கிறது. அதுவரைஅவர் எந்த திசைமாற்றத்துக்கும் தயாரான ஒரு நிலையில் தன்னை நிறுத்திக் கொள்கிறார். சேவாக்அடிக்கும் பந்தை ஸ்லிப் அல்லது லாங் ஆனில் தான் பிடிக்கலாம். யுவ்ராஜ் தனதுமேற்சொன்ன குறைகளால் தொடர்ந்து உள்வட்டத்துக்குள்ளேயே காட்ச் கொடுத்து வெளியேறுவார்.மேலும் சில குறிப்பிட்ட நீளங்களில் வீசி யுவ்ராஜை கட்டுப்படுத்துவது போல் சேவாகைமுடியாது. குறைந்தது துணைக்கண்ட ஆடுதளங்களில் ஏனும். மேலும் ஒரு துவக்கமட்டையாளராக அப்போதைய அணித்தலைவர் கங்குலி சேவாகுக்கு கொடுத்த பொறுப்பு விரைவாகஓட்டங்கள் எடுத்து எதிரணியை பின்வாங்க வைப்பதே. அவர் முப்பதோ நாற்பதோ எடுத்தாலும்பூஜ்யத்தில் வெளியேறினாலும் ஏற்பே. சதம் அடித்தால் அது உபரி எண்களாக கருதப்பட்டன.சேவாகை பற்றி பேசும் போது யாரும் அவர் அடிக்கும் ஓட்டங்களின் எண்ணிக்கை பற்றிகவலைப்படுவதில்லை. அவர் ஏற்படுத்தும் பாதிப்பு, ஓட்டங்களின் வேகத்தில், எதிரணியின்பந்து வீச்சு அளவுகளில் அவர் செய்யும் மாற்றம், உளவியல் ரீதியாய் ஏற்படுத்தும்பின்னடைவு ஆகியவை தான் முக்கியம். இது "சேவாக் விளைவு" எனப்பட்டது. எதிரணியை நிலைகுலைப்பவர் என்னும் எளியஎதிர்பார்ப்பை மீறி சேவாக் பல டெஸ்ட் சதங்களை உலகெங்கும் அடித்தார். இரு முறைமுன்னூறுக்கு மேல் அடித்தார். சேவாகை அவரது முதல் ஆட்டத்தில் கவனித்த ஆடம்கில்கிறிஸ்ட் தனது பத்திரிகை பத்தி ஒன்றில் "இவர் உலகின் சிறந்த ஒருநாள்மட்டையாளராக வருவார்" என்று கணித்தார். ஆனால் நடந்ததோ நேர்மாறாக. சிறந்தடெஸ்ட் வீரராகவும் சுமாரான ஒருநாள் வீரராகவும் ஆனார். மேலும் சேவாகுக்கு ஒருதலைசிறந்த டெஸ்ட் மட்டையாளனாக வரும் ரகசிய விருப்பம் இருந்துள்ளது. சச்சினை தனதுவழிகாட்டியாக அவர் கருதி தீவிரமாக அவரது அறிவுரைகளை, குறிப்பாக நிலைத்து ஆடுவது,பின்பற்றி வந்துள்ளார். யுவ்ராஜிடம் சேவாகின் மேற்சொன்ன திறன்களோ, ஆட்ட சுதந்திரமோஇருக்கவில்லை. சச்சினை போல் ஆடும் வேட்கையும் இல்லை. இருவரும் அதிரடியானவர்கள்என்றாலும் சேவாகிடம் டெஸ்ட் வடிவில் சிறப்பதற்கான அந்த X-அம்சம் இருந்தது. தனது ஒருநாள் ஆட்டநிலை சுமாராகஇருப்பது சேவாகை அதிகம் பாதித்ததாக தெரியவில்லை. அவர் டெஸ் வடிவத்தில் தான் அதிககவனம் செலுத்தினார். யுவ்ராஜ் ஒருநாள் பிராந்தியத்தை வென்றடக்கிய பின் அலெக்சாண்டர்தத்துவார்த்தமாக உணர்ந்தது போல் ஒரு பிடி மண்ணை பற்றியபடி நிராசையாக நின்றார்.

கங்குலியின்ஓய்வுக்கு பிறகு டெஸ்ட் அணியில் யுவ்ராஜ் தான் வெளியாள் அல்ல எனும் முயற்சியில்தன்னை சுயநிந்தனை செய்வதாகவே தெரிந்தது. அவர் கவலை மிகுந்த முகத்துடன் தனது டெஸ்ட்ஆட்டம் பற்றி அறிக்கைகள் விட்டார், கிடைக்காத வாய்ப்புகள் பற்றி விசனித்தார்,எரிச்சலுற்றார்; இவை அத்தனைக்கும் பின் இருந்தது அவநம்பிக்கையும், இல்லாத ஒன்றும்இருக்கிறது என்று நம்பும் அவரது அப்பாவிடம் இருந்து கைவரப்பெற்ற பிடிவாதமுமே. ஒருவர்அனைத்திலும் வல்லவராக இருக்க கமலஹாசன் ஒன்பது வேடங்களில் நடிக்க மட்டும் காட்டும் முனைப்புவேண்டும். தோனி சமீபத்தில் ஒரு பேட்டியில் சொன்னார் "நான் ஒரு சிறந்த மட்டையாளனோகீப்பரோ அல்ல, நான் ஒரு பயன்மிக்க மட்டையாளன் மற்றும் கீப்பர்". இந்த தெளிவு தான் தோனியின் வலு. சேவாக் எப்படி நல்லஒருநாள் மட்டையாளர் அல்லவோ அது போல் யுவ்ராஜ் சுமாரான டெஸ்ட் வீரராகவும்இருக்கலாம். ஒன்று மேலானதாகவும் மற்றது தாழ்வானதாகவும் கருதப்படுவது பொருட்டல்ல.

2011 உலகக்கோப்பையின் போது யுவ்ராஜின் உடல்தகுதி மோசமாக இருந்தது. பல காரணங்கள்கூறப்பட்டாலும் ஆதாரமான பிரச்சனை அவரது நுரையீரல் புற்றுநோய் தான். தன்னை மீண்டும்நிரூபிக்கும் ஆவேசத்தில் அவர் அவ்விசயத்தில் அதிக அக்கறை காட்டவில்லை. உலகக்கோப்பைமுழுக்க புற்றுநோயுடன் ஆடி அவர் தொடர்நாயகனானது ஒரு அற்புதம் மட்டுமே. மனவலிமையும்தீராத உத்வேகமும் இருந்தால் மனிதனால் நோயின் பாதிப்பில் இருந்து எளிதில்மேலெழுந்து செயல்பட முடியும் என்பதற்கான உதாரணமே அது. ஆனால் ஒரு தீயவிளைவாகயுவ்ராஜின் உடல்நிலை சீரழிந்து கொண்டே வந்தது. உலகக்கோப்பையின் போது அடிக்கடி அவர்வாந்தி எடுத்தார். குறைவாகவே உணவு எடுத்துக் கொண்டார். இது அவரது பதற்றம்காரணமாகவே என்று தோனி உட்பட பலரும் நம்பினர். கோப்பை வென்றபின் யுவ்ராஜ் சிகிச்சைமேற்கொண்டார். ஆரம்பத்தில் தனது நோயை ரகசியமாக வைத்திருந்தார். மே.இ தொடரில்இருந்து தானாகவே விலகினார். பின்னர் அவரது கடப்பாடு குறித்து கேள்வியும் கிண்டலும்எழ அவரது அம்மா வெகுண்டெழுந்து மீடியாவுக்கு உண்மையை தெரிவித்தார். மீடியா வழக்கம்போல் யுவ்ராஜின் டெஸ்ட் தோல்விகளை தற்காலிகமாக மறந்து கண்ணீர் வடித்தது.

அவருக்கு வந்துள்ளதுஒரு அரிய வகை புற்றுநோய். உடலில் தோன்றும் முதல் அணுக்களில் ஏற்படுவது. பொதுவாகபாலுறுப்புகளில் தோன்றுவது. முப்பது வயதினரில் அதிகம் காணப்படும் இந்த நோய் 5 சதம்ஆட்களுக்கு தான் நுரையீரலில் வரும். யுவ்ராஜ் அப்படி ஒருவர். இந்த வகை புற்றுநோய்எளிதில் குணப்படுத்தக் கூடியது என்றொரு கருத்து நிலவுகிறது. ஆரம்பநிலையில்சிகிச்சை மேற்கொண்டிருந்தால் யுவ்ராஜ் இந்நேரம் நன்கு குணமாகி இருப்பார். ஆனால் அவர்சிகிச்சையை தொடர்ந்து தள்ளிப் போட்டுக் கொண்டே வந்தார். தொடர்ந்து கிரிக்கெட் ஆடிதன் மீதுள்ள விமர்சனங்களை பொய்யாக்க விரும்பினார். ஆஸ்திரேலியாவில் நடந்து வரும்ஒருநாள் தொடருக்கான அணியில் பங்கேற்பதற்கான இரண்டு தேர்வு ஆட்டங்கள் பெங்களூரில்நடந்தது. உடல்தகுதி தேறியுள்ளதாக அறிவித்து பிரவீன் குமாருடன் அதில் யுவ்ராஜும்பங்கேற்றார். தான் நல்ல ஆட்டநிலையில் உள்ளதாக மீடியாவுக்கு தெரிவித்தார். ஆனால்தேர்வாளர்கள் அவரை எடுக்க உத்தேசிக்கவில்லை என்று அறிந்ததும் இரண்டாவது ஆட்டம்ஆடாமல் ஊருக்கு திரும்பினார். அணி அறிவிக்கப்படும் முன்னரே போதுமான உடல்தகுதிஇல்லை என்றும், முழுநேர சிகிச்சை தேவையிருப்பதால் தன்னால் ஆட முடியாது என்றும்முன்பின் முரணாக பேட்டி அளித்தார். அப்போது பலருக்கும் எழுந்த கேள்வி அவரை ஒருவேளைதேர்ந்திருந்தால் புற்றுநோயுடன் ஆஸ்திரேலியா சென்று ஆடி தன் உடலை மேலும்சீரழித்திருப்பாரா என்பது.

யுவ்ராஜ் அமெரிக்காவில் கீமோதெரபி சிகிச்சை மேற்கொண்டுவருகிறார்..அவர் மே மாதம் கிரிக்கெட்டுக்கு திரும்புவார் என்று அவரது டாக்டர்கள்அறிவித்துள்ளனர். நோய் என்பது மனிதன் தன்னை உணர்ந்து கொள்வதற்கான இயற்கையின் ஒருமறைமுக சேதியும் தான். தன்னையே கண்ணாடியில் பார்த்துக் கொண்டு சுயமான இருப்பைஏற்றுக் கொள்வதற்கான ஒரு இறுதி அழைப்பு. கீமோதெரபி போன்ற கடுமையாக உடல்வலிமையைசீரழிக்கும் சிகிச்சைகளுக்கு பிறகு அவர் உடனடியாக சூப்பர்மேன் சீருடையில் மீண்டுவர வேண்டியதில்லை. தனது சாவகாசமான இரண்டாம் வரவில் யுவ்ராஜ் இனி சாதிப்பதற்குபெரிதாக ஒன்றும் இல்லை. கடந்த காலத்தில் இளைப்பாறவும் தேவையில்லை. தன்னில் அமைதிகொண்வராக அவர் திரும்பக் வேண்டும். ஒரு விளையாட்டு கலையாக மாறுவது அப்போது தான்.(இந்த மாத அமிர்தாவில் கவர் ஸ்டோரியாக வந்த கட்டுரை)

டிராவிட் இடத்தை யாராலும் நிரப்ப முடியாது: சச்சின்

2012-03-08T09:07:00.000-08:00

இந்திய கிரிக்கெட் அணியின் சுவர் என்று வர்ணிக்கப்பட்ட ராகுல் டிராவிட் சர்வதேச போட்டிகளிலிருந்து ஓய்வு பெறுவதாக தகவல்கள் வெளியாகியுள்ளன. ஏற்கனவே ஒருநாள் போட்டிகளிலிருந்து ஓய்வு பெற்றுவிட்ட டிராவிட் தற்போது டெஸ்ட் போட்டிகளில் மட்டுமே விளையாடி வந்தார். டெஸ்ட் போட்டி என்றாலே நம் நினைவுக்கு வருபவர் டிராவிட்.

இக்கட்டான போட்டிகளில் நிலையான ஆட்டத்தை வெளிப்படுத்தி அணியைக் காக்கும் டிராவிட், எதிரணிகளுக்கு சோதனை அளிப்பதில் கெட்டிக்காரர். 39 வயதான டிராவிட் ஓய்வு பெறுவது, இந்திய அணிக்கு மிகப்பெரிய இழப்பாகும் என நட்சத்திர வீரர் சச்சின் தெண்டுல்கர் கூறியுள்ளார்.

இதுபற்றி சச்சின் கூறும்போது:-

'டிராவிட்டுடன் விளையாடியது சிறந்த அனுபவம். அவரது இடத்தை யாராலும் நிரப்ப முடியாது. என்னைப் பொறுத்த வரையில் ஒரே ஒரு டிராவிட்தான். அவருக்கு யாரும் மாற்று கிடையாது. வீரர்கள் ஓய்வு அறையிலும், மைதானத்திலும் நான் டிராவிட்டை மிகவும் இழப்பதாக உணர்கிறேன்' என்றார்.

மகளுடன் பிளஸ்-2 தேர்வு எழுதிய சாலைப்பணியாளர்

2012-03-08T05:46:00.000-08:00

படிப்பதற்கு வயது ஓரு தடை இல்லை, ஆர்வம் இருந்தால் மட்டும் போதும் என்று சீர்காழியை சேர்ந்த சாலை பணியாளர் ஓருவர் நிரூபித்துள்ளார். இன்று அவர் தனது மகளுடன் பிளஸ்-2 தேர்வை எழுதினார். அதுபற்றிய விவரம் வருமாறு:-

நாகை மாவட்டம் சீர்காழி அருகேயுள்ள வேட்டங்குடி மெயின்ரோட்டை சேர்ந்தவர் மாரிமுத்து (வயது 38). இவர் நெடுஞ்சாலைத்துறை சாலை பணியாளராக வேலை பார்த்து வருகிறார். இவருக்கு 2 மகள்களும், 2 மகன்களும் உள்ளனர். இதில் மூத்த மகள் சுபஸ்ரீ தேவி (17), சீர்காழி சியாமளா பள்ளியில் பிளஸ்-2 படித்து வருகிறார். மாரிமுத்து சிறுவயதில் இருந்தே படிப்பில் உரிய கவனம் செலுத்தாமல் இருந்து வந்துள்ளார்.

அதன் பிறகு ஆண்டுகள் செல்ல, செல்ல அவருக்கு படிப்பின் மீது அதிக ஆர்வம் ஏற்பட்டது. இந்த வயதில் படித்தால் ஏளனமாக பார்ப்பார்களே என்று சிறிதும் கவலைபடாமல் ஆர்வத்துடன் இருந்து வந்தார். அதன் தொடர்ச்சியாக இந்தாண்டு பிளஸ்-2 தனித் தேர்வராக பங்கேற்க படித்து வந்தார். வரலாறு பாடப் பிரிவை எடுத்து ஆர்வமாக தினமும் கடினமாக உழைத்தார்.

மேலும் மகள் சுபஸ்ரீ தேவி, பிளஸ்- 2 பாடங்களை தனது தந்தை மாரிமுத்துவுக்கு மாலை நேரங்களில் சொல்லி கொடுத்து வந்தார். தேர்வு நாள் நெருங்க நெருங்க மகளுடன் சேர்ந்து மாரிமுத்துவும் ஆர்வத்துடன் பாடங்களை படித்தார்.

இன்று பிளஸ்-2 அரசு பொதுதேர்வு தொடங்கியது. இதனால் தேர்வை எழுத மகளுடன் மாரிமுத்து இன்று காலை புறப்பட்டார். வழியில் சீர்காழி ஆபத்து காத்த விநாயகர் கோவிலில் இருவரும் சாமி தரிசனம் செய்து விட்டு தேர்வை எழுத சென்றனர். மகள் சுபஸ்ரீதேவி சீர்காழி பள்ளியிலும், மாரிமுத்து மயிலாடுதுறை செயின்ட் பால்ஸ் பள்ளியிலும் இன்று பிளஸ்-2 தேர்வை எழுதினர். இதுபற்றி மாரிமுத்து கூறியதாவது:-

படிப்பதற்கு வயது தடை கிடையாது. படிப்பை யாரும் பாதியில் விட்டு விட வேண்டாம். இன்றைய இளைஞர்கள் படித்தால் தான் வாழ்க்கையில் உயர்ந்த நிலையை அடையமுடியும். நான் பதவி உயர்வுக்கோ, சம்பள உயர்வுக்கோ படிக்கவில்லை. கல்வி செல்வம் மட்டுமே வாழ்க்கையில் உண்மையான சொத்து ஆகும் என்றார். கடந்த 2010-ம் ஆண்டில் மகளுடன் மாரிமுத்து 10-ம் வகுப்பு தேர்வு எழுதியவர் என்பது குறிப்பிடத்தக்கது.

கூடங்குளம் அணு உலைப் போராட்டத்தின் வரவு செலவுக் கணக்கு இதோ !

2012-03-07T00:07:00.000-08:00

அணுஉலை எதிர்ப்பு போராட்டத்தின் 200 வது நாள் எட்டியதை முன்னிட்டு,

அணுஉலைக்கு எதிரான மக்கள் இயக்கம் தங்கள் பணபரிவர்த்தனைகள்(a statement of accounts) முழுவதுமாக வெளியிட்டது..... வெளியிட்டடதின் காரணம் தங்கள் போராட்டத்திற்கு எந்த வெளிநாட்டு தொண்டுநிறுவனங்கள் உதவி செய்யவில்லை என்பதை நிரூபிக்கவே

அணுஉலைக்கு எதிரான மக்கள் இயக்கம் முப்பது பேர் கொண்ட நிதி குழு ஒன்றை வைத்து தங்களுக்கு வரும் உதவிகளை உரிய முறையில் ஆவண படுத்தியுள்ளது.... அந்த குழு உறுப்பினர் திரு.ஜி.ஸ்டான்லி வெளியிட்ட அறிக்கை இதோ அகத்து(August) 14, 2011 இல் ஆரம்பித்து Feb 26,2012 வரை இந்த இயக்கத்திற்கு வந்த பணம் அதற்க்கான கணக்குகளை சரிபார்க்கும் போது அந்த இயக்கத்திற்கு மொத்த பணஉதவி 2,517,991 (இந்திய ரூபாயில்).... இந்த பணத்தை வைத்து கொண்டு இயக்கப்போரட்டங்களை நடத்த அதிலிருந்து பயன்படுத்தப்பட்ட ருபாய் 1,764,233 நன்கொடையாக வசூளிக்ப்பட்ட பணத்திற்கு உரிய ரசீதுகள் வழங்கப்பட்டுள்ளன .....

அதே போல் ஆரம்பகட்டத்தில் இந்த இயக்கம் ஆரம்பிப்பதற்க்கும், மக்கள் போராட்டத்தை அரசின் கவனத்திற்கும் எடுத்துசெல்ல இடிந்தகரை ஊரில் இருக்கும் ஒவ்வொரு வீட்டிலிருந்தும் ருபாய் 200 வசூலிக்கப்பட்டது பின்னர் இந்த விவகாரம் பெரிய அளவில் இட்டுசெல்லும், அதே போல் மிக நீண்ட நாட்கள் நடக்க வாய்ப்புள்ளது என்பதை அறிந்த குழுவினர் அந்த ஊர் மக்களிடம் வைத்த கோரிக்கை இது தான் "நீங்கள் தினசரி செய்யும் மீன்பிடி தொழிலில் வரும் வருமானத்தில் ஒரு வாரத்திற்கு பத்து சதவிகிதம் நன்கொடையாக தந்தால் போராட்டம் வெற்றிகரமாக இட்டுசெல்ல முடியும் என்பதே அந்த கோரிக்கை" மக்களும் அந்த கோரிக்கைக்கு செவி சாய்த்து தங்கள் ஒரு வார வருமானத்தில் பத்து சதவிகிதத்தை நன்கொடையாக அளித்தனர்...

இந்த நன்கொடைக்கு மேலும் வலுசேர்த்தவர்கள் அந்த ஊரில் உள்ள பீடி தொழிலாளர்கள்...அவர்களும் தங்கள் பங்கிற்கு முடிந்த உதவிகளை செய்தனர் ....

உடனே சில மேதாவிகள் வந்து எல்லாருமே போராட்த்தில் கலந்து கொண்டார்கள் என்றால் யார் மீன்பிடி தொழில் செய்வார்கள் எப்படி அவர்களுக்கு வருமானம் வரும் ??

... ஐயா கனவான்களே .... காலையில் நடக்கும் போராட்டத்தில் பெண்கள் கலந்து கொள்வார்கள் இரவில் ஆண்கள் வந்து கலந்து கொள்வார்கள்.... மேலும் விளக்கம் வேண்டும் என்றால் தினசரி நடுநிலை பத்திரிகைகளை வாசித்து தெரிந்து கொள்ளவும் ....

போரட்டக்காரகள் இந்த போராட்டத்திற்கு வசூலிக்கப்பட்ட நன்கொடையிளிருந்து துளியுன்ட்டும் சுரண்டவில்லை... சுரண்டுவதற்கு அவர்கள் அரசியல் வாதிகள் இல்லையே...

தங்களின் போக்குவரத்து செலவுகள், பயணம் செய்யும் போது வரும் செலவுகள் அனைத்தும் தங்கள் கைகாசை போட்டே சமாளித்து கொண்டனர்...

யார் வேண்டுமானாலும் ரசீதுகள் அடித்து கொள்ளலாம்... இதை ஏற்கமுடியாது என்று கூறுபவர்கள், ஆதாரம் கேட்போர் இடிந்த கரைக்கு சென்று ஒரு ஆடிட்டரை வைத்து சரி பார்த்து கொள்ளவும்.... தப்பாக இருந்தால் முச்சந்தியில் வைத்து என்னை செருப்ப கழட்டி அடிக்கலாம்.... வணங்கி ஏற்றுக்கொள்வேன்....

மாறாக உண்மையாக இருந்தால் உங்கள் பதில்..... ??? அப்போது யாருமே வாயை திறக்கவே மாட்டீர்கள் இது நன்றாகவே தெரியும்...

மதியழகன்

இந்தியாவின் இராணுவ உதவியே இலங்கை தமிழர் அழிவுக்கு காரணம்: தா.பாண்டியன்

2012-03-06T23:33:00.000-08:00

'இலங்கையில் தமிழ் இனம் அழிய இந்தியா அளித்த இராணுவ உதவிதான் காரணம். இலங்கைக்கு எதிரான போர்க் குற்றச்சாட்டுக்களில் இந்தியாவுக்கும் பாதிப் பங்கு உண்டு.இந்நிலையில், இலங்கை ஜனாதிபதி மஹிந்த ராஜபக்ஷ மீது மீது ஐக்கிய நாடுகள் சபை விசாரணை நடத்தினால் இந்தியாவின் பங்கும் தெரிந்துவிடும் என்பதற்காக இலங்கைக்கு எதிரான தீர்மானத்தை ஆதரிக்க இந்தியா தயங்குகிறது' என்று இந்திய கம்யூனிஸ்ட் கட்சியின் பொதுச்செயலாளர் தா.பாண்டியன் தெரிவித்துள்ளார்.

இலங்கைக்கு எதிராக ஐ.நா. மனித உரிமைகள் பேரவையில் முன்வைக்கப்படும் தீர்மானத்தை இந்தியா ஆதரிக்க வேண்டும் என்றும் ஜனாதிபதி மஹிந்த ராஜபக்ஷவை போர்க்குற்றவாளியாக இந்தியா அறிவிக்க வேண்டும் என வலியுறுத்தியும் இந்திய கம்யூனிஸ்ட் கட்சியின் ஏற்பாட்டில் தமிழ்நாடு முழுவதும் இன்று உண்ணாவிரதப் போராட்டம் முன்னெடுக்கப்பட்டுள்ளது.

தாம்பரம் வட்டாட்சியர் அலுவலகம் முன்பு நடைபெற்ற உண்ணாவிரதப் போராட்டத்துக்கு இந்திய கம்யூனிஸ்ட் கட்சியின் பொதுச்செயலாளர் தா.பாண்டியன் தலைமை தாங்கி கருத்து தெரிவித்த போதே அவர் மேற்கண்டவாறு குறிப்பிட்டுள்ளார் என இந்திய செய்திகள் தெரிவிக்கின்றன.

இந்திய பிரதமருக்கு தமிழக முதல்வர் மீண்டும் கடிதம்

2012-03-06T23:26:00.000-08:00

ஐ.நா. மன்றத்தில் கொண்டுவரப்படும் இலங்கைக்கு எதிரான தீர்மானத்திற்கு ஆதரவளிக்குமாறு பிரதமருக்கு முதலமைச்சர் ஜெயலலிதா மீண்டும் கடிதம் எழுதியுள்ளார்.
கடந்த மாதம் 29-ந் திகதி முதலமைச்சர் ஜெயலலிதா பிரதமருக்கு கடிதம் எழுதியிருந்தார். அதில், தமிழர்களை இனப்படுகொலை செய்து போர்க்குற்றம் புரிந்த இலங்கை மீது பொருளாதார தடை விதிக்க வலியுறுத்தி தமிழக சட்டப்பேரவையில் தீர்மானம் நிறைவேற்றப்பட்டது.

இதனை பொருட்படுத்தி, ஐநாவில் கொண்டுவரப்படும் தீர்மானத்திற்கு ஆதரவு தெரிவிக்க வேண்டும் என்று குறிப்பிட்டிருந்தார்.

இந்நிலையில், இன்று (06) மீண்டும் பிரதமருக்கு கடிதம் எழுதியுள்ள முதலமைச்சர் ஜெயலலிதா, தனது முந்தைய கடிதத்திற்கு, இதுவரை எந்தவொரு பதிலும் இல்லாத நிலையில், இலங்கைக்கு ஆதரவளிக்கும் வகையில் இந்திய பிரதிநிதி பேசிருப்பத்தை சுட்டிக்காட்டியுள்ளார்.

மேலும், ஐ.நா. மனித உரிமை க்குழு கூட்டத்தில் கொண்டுவரப்படும் இலங்கைக்கு எதிரான தீர்மானத்தை இந்திய அரசு ஆதரவளிக்க வேண்டும் என்று கேட்டுக்கொண்டுள்ளார்.

இலங்கையை கண்டிக்கும் வகையில் இந்தியா செயல்படும் வேண்டும் என்று கேட்டுக்கொண்டுள்ள முதல்வர், பிரதமரிடமிருந்து சாதகமான பதில் வரும் என எதிர்ப்பார்ப்பதாக கடிதத்தில் குறிப்பிட்டுள்ளார்.

சேலம் கோவிலில் இரவு நேரத்தில் அம்மன் அழும் சத்தத்தால் பரபரப்பு

2012-03-06T22:37:00.001-08:00

சேலம் அம்மாப்பேட்டையில் ஸ்ரீராமலிங்க சவுடேஸ்வரி அம்மன் கோவில் உள்ளது. இந்த கோவிலுக்கு அம்மாப்பேட்டை மற்றும் இதையொட்டி உள்ள பகுதிகளில் வசிப்பவர்கள் சாமியை வணங்கி செல்வார்கள். இந்த கோவிலில் திருப்பணி நடந்து வந்தது. திடீரென இந்த திருப்பணி நடக்கவில்லை. இந்த திருப்பணி நடத்த பல ஏற்பாடுகள் செய்யப்பட்டு வருகிறது. இந்த நிலையில் ஸ்ரீராமலிங்க சவுடேஸ்வரி அம்மன்கோவிலில் இரவு நேரத்தில் அம்மன் அழும் சத்தமும், உர் உர் என்ற சத்தமும் கேட்கிறது.

இதை கேட்டு அக்கம் பக்கம் வசிப்பவர்கள் அதிர்ச்சி அடைந்தனர். பின்னர் அவர்கள் இதுபற்றி கோவில் நிர்வாகிகளிடம் தெரிவித்தனர். அவர்களும் வந்து பார்த்து அதிர்ச்சி அடைந்தனர். நேற்று இரவும் இந்த சத்தம் கேட்டது. இதை அறிந்த திரளான பொதுமக்கள் கோவிலுக்கு வந்து இந்த சத்தத்தை கேட்டனர். பின்னர் அவர்கள் கோவில் முன் கற்பூரம் ஏற்றி சாமியை வணங்கி சென்றனர். கோவிலில் ஏன் இந்த சத்தம் கேட்கிறது என இந்த பகுதியில் வசிக்கும் ராஜன், சாந்தி மற்றும் பொதுமக்கள் பலர் கூறியதாவது:-

இந்த கோவிலை தெலுங்கு தேவாங்கர் சமூகத்தினர் பயன்படுத்தி சாமியை வணங்கி வருகிறார்கள். கோவிலில் ஸ்ரீராமலிங்க சவுடேஸ்வரி அம்மன் உள்ளது. இந்த கோவிலில் கடந்த 8 ஆண்டுக்கு முன் ராஜகோபுரம் கட்டத்தொடங்கினர். பின்னர் இந்த பணி நின்று விட்டது. நின்று போன கோவில் திருப்பணியை கடந்த ஒன்றரை ஆண்டுகளுக்கு முன் மீண்டும் புதிய நிர்வாகிகள் மூலம் திருப்பணி தொடர்ந்து நடந்தது.

கடந்த ஒரு வாரமாக ஏதோ ஒரு காரணத்திற்காக பணிகள் நிறுத்தப்பட்டு விட்டது. இதனால் தான் கோவிலில் அம்மன் அழும் சத்தமும், நீண்ட மூச்சு வாங்குவது போன்ற சத்தமும் கேட்கிறது. சில நேரத்தில் சலங்கை சத்தமும் கேட்கிறது. இந்த சத்தம் கேட்காமல் இருக்க வேண்டும் என்றால் தடைப்பட்டுள்ள திருப்பணி மீண்டும் நடக்க வேண்டும். திருப்பணி தடைப்பட்டதால் தான் அம்மன் ஆவேசப்பட்டு அழுகிறார் என்றும் நாங்கள் நம்புகிறோம். உடனே திருப்பணி தொடங்கி கோவிலில் கும்பாபிசேகம் செய்ய வேண்டும்.

இவ்வாறு அவர்கள் கூறினர்.

சேலம் அம்மாப்பேட்டை ஸ்ரீராமலிங்க சவுடேஸ்வரி அம்மன் கோவிலில் நேற்று இரவு 10 மணி அளவில் சத்தம் கேட்க தொடங்கியது. இதை அறிந்த திரளான பெண்கள் கோவில் முன் திரண்டனர். பின்னர் சிறிது நேரத்தில் இந்த சத்தம் கேட்கவில்லை. இதன் பிறகு ஒரு மணிநேரம் கழித்து சலங்கை சத்தம் கேட்டது. பிறகு சத்தம் கேட்கவில்லை. சத்தம் விட்டு விட்டு கேட்டதால் பொதுமக்களும், பக்தர்களும் கோவில் முன்புறமும், கோவில் பின்புறமும் நின்று சாமியை வணங்கினர்.

திரளான பொதுமக்கள் கோவில் முன் பூ, பழம் வைத்து வணங்கி சென்றனர். நேற்று இரவு கோவிலில் வந்த சத்தத்தை கேட்க பக்தர்கள் விடிய விடிய கோவில் முன் அமர்ந்து இருந்தனர். இதனால் அம்மாப்பேட்டை பகுதியில் பரபரப்பு ஏற்பட்டு இருந்தது. கோவிலில் சத்தம் வரும் சம்பவம் பெரும் பரபரப்பை ஏற்படுத்தி உள்ளது. இரவு நேரத்தில் மட்டும் இந்த சத்தம் வருவதால் கோவிலுக்குள் பறவை ஏதும் இருக்குமோ என எண்ணிய பக்தர்கள் கோவில் முழுவதும் சுற்றி பார்த்தனர்.

ஆனால் பறவை ஏதும் இல்லை. திருப்பணி செய்ய கோவில் முழுவதும் தென்னை மட்டை கட்டப்பட்டுள்ளது. இதில் ஏதும் பறவை இருக்குலாம் என கருதிய பக்தர்கள் தென்னை மட்டைகளை தட்டி பார்த்தனர். இதிலும் எந்த பறவையும் இல்லை. இரவு நேரத்தில்மட்டும் எப்படி சத்தம் வருகிறது என பொதுமக்கள் பரபரப்பாக பேசிக்கொள்கிறார்கள்.

இடைத்தேர்தல்: பொத்து, பொத்துன்னு வாக்காளர்கள் காலில் விழும் வேட்பாளர்கள்

2012-03-06T05:14:00.001-08:00

இடைத்தேர்தலையொட்டி வாக்கு சேகரிப்பில் ஈடுபட்டிருக்கும் தேமுதிக வேட்பாளர் முத்துக்குமார் யாரைப் பார்த்தாலும் தடாலென காலில் விழுந்து வாக்கு கேட்கிறார்.

சங்கரன்கோவில் இடைத்தேர்தல் வரும் 18ம் தேதி நடக்கிறது. இதையொட்டி தி்முக, அதிமுக, தேமுதிக, மதிமுக, பாஜக உள்ளிட்ட அனைத்து கட்சி வேட்பாளர்களும் தீவிர பிரச்சாரத்தில் ஈடுபட்டுள்ளனர். தி்முக, தேமுதிக வேட்பாளர்கள் மின்வெட்டை பிரதானமாக வைத்து பிரச்சாரம் செய்கின்றனர். அதிமுக வேட்பாளர் தமிழக அரசின் இலவச திட்டங்களை எடுத்துக் கூறி வாக்கு கேட்கின்றார்.

பாஜக வேட்பாளர் முருகன் தமிழகத்தில் ஏற்படும் மின்வெட்டை உணர்த்தும் வகையில் கையில் தீப்பந்தத்துடன் சென்று வாக்கு கேட்கிறார். திமுக வேட்பாளர் சூரியகுமார் முதியவர்கள் காலில் விழுந்து வாக்கு சேகரித்து வருகிறார். முன்னாள் அமைச்சர் கருப்பசாமி வயது வித்தியாசமின்றி பார்ப்பவர் காலில் எல்லாம் விழுந்து வாக்கு சேகரிக்கும் பழக்கம் உடையவர். அவர் தேர்தலில் வெற்றி பெற்று அமைச்சராகிய பின்னரும் வாக்காளர்களுக்கு நன்றி தெரிவிக்க செல்லும்போதும் பொதுமக்கள் காலில் விழுந்து நன்றி தெரிவித்தார்.

தற்போது தேமுதிக வேட்பாளர் முத்துகுமார் யாரைப் பார்த்தாலும் தடாலென காலில் விழுந்து ஓட்டு கேட்கிறார். அதிமுக வேட்பாளர் முத்துசெல்வி இதுவரை யார் காலிலும் விழவில்லை. போகிற போக்கில் அவரும் வாக்காளர் காலில் விழுந்தாலும் ஆச்சரியப்படுவதற்கில்லை என்கின்றனர் சங்கரன்கோவில் தொகுதி வாக்களர்கள்.

கர்நாடக சட்டசபையில் மேலும் 15 எம்.எல்.ஏ.க்கள் பிட் படம் பார்த்தனர்

2012-03-06T00:29:00.001-08:00

கர்நாடக சட்டசபை கூட்டம் நடந்து கொண்டு இருந்தபோது அமைச்சர்கள் செல்போனில் ஆபாச படம் பார்த்துக் கொண்டு இருந்தனர். சட்டசபை நிகழ்ச்சியை படம் எடுத்துக் கொண்டு இருந்த தொலைக்காட்சி கேமிராவில் இது பதிவானது.

இந்த விவகாரம் கர்நாடக அரசியலில் பெரும் புயலை கிளப்பியது. இதையடுத்து பாரதீய ஜனதாவைச் சேர்ந்த அமைச்சர்கள் லட்சுமண் சபதி, சி.சி.பாட்டீல், கிருஷ்ண பாளேமர் ஆகியோர் பதவி நீக்கம் செய்யப்பட்டனர்.

இந்த விவகாரம் தொடர்பாக ஸ்ரீசைலப்பா பிதரூர் தலைமையில் விசாரணை குழு அமைக்கப்பட்டது. கடந்த 2 நாட்களாக இக்குழு பத்திரிகையாளர்களிடம் விசாரணை நடத்தியது. இதை தொடர்ந்து குற்றச்சாட்டில் சிக்கிய 3 முன்னாள் அமைச்சர்களிடம் நேரில் விசாரணை நடத்த பேரவை குழு தீர்மானித்தது.

இதற்காக வருகிற 8-ந்தேதி ஆஜராகுமாறு 3 முன்னாள் அமைச்சர்களுக்கும் நோட்டீசு அனுப்பப்பட்டுள்ளது. இதற்கிடையே ஆபாச படத்தை மேலும் 15 எம்.எல்.ஏ.க்கள் சட்டசபையில் பார்த்தது விசாரணையில் அம்பலமாகி உள்ளது.

இது குறித்து பேரவை குழுவில் இடம் பெற்று இருக்கும் பாரதீய ஜனதாவைச் சேர்ந்த எம்.எல்.ஏ. நேரு செலேகர் கூறியதாவது:-

சட்டசபையில் 3 முன்னாள் அமைச்சர்கள் தவிர பாரதீய ஜனதா, காங்கிரஸ், மதசார்பற்ற ஜனதா தளம் ஆகிய கட்சியைச் சேர்ந்த 15 எம்.எல்.ஏ.க்கள் ஆபாச படத்தை பார்த்துள்ளனர். இது எங்கள் விசாரணையில் தெரிய வந்துள்ளது. எங்கள் கடமையை அரசியல் பாரபட்சமின்றி நிறைவேற்றுவோம்.

இவ்வாறு அவர் கூறினார்.

பின்லேடன் படத்தில் ஷபனா ஆஸ்மி

2012-03-06T00:28:00.001-08:00

சர்வதேச பயங்கரவாதி பின்லேடன். அல்கொய்தா தீவிரவாத இயக்க தலைவரான இவரை பாகிஸ்தானில் உள்ள அபோதாபாத்தில் பதுங்கி இருந்தபோது அமெரிக்க ராணுவம் சுட்டுக்கொன்றது.

தற்போது இவரது கதையை காத்ரின் பிஜல்லா சினிமா படமாக தயாரிக்க முடிவு செய்துள்ளார். அதற்கான பணிகள் தீவிரமாக நடைபெற்று வருகின்றன.

இந்த நிலையில் இப்படத்தில் நடிக்க பாகிஸ்தான் நடிகர், நடிகைகள் மறுத்து விட்டனர். எனவே இந்தியாவை சேர்ந்தவர்கள் அதில் நடிக்க உள்ளனர்.

இந்த நிலையில் பாகிஸ்தானியர் கேரக்டரில் இந்தி நடிகை ஷபனா ஆஸ்மி நடிக்க இருப்பதாக தகவல் வெளியாகி உள்ளது. இதுகுறித்து அவரிடம் கேட்டபோது இந்த தகவலை ஷபனா ஆஸ்மி மறுக்கவில்லை. இதுகுறித்து ஏற்கனவே தன்னிடம் பேசப்பட்டதாக அவர் கூறினார்.

அல்போன்சா வீட்டில் காதலர் தற்கொலை

2012-03-05T22:41:00.000-08:00

பிரபல கவர்ச்சி நடிகை அல்போன்சா. இவர் விருகம்பாக்கம், ஆற்காடு ரோட்டில் உள்ள சியாமளா கார்டன் அடுக்குமாடி குடியிருப்பில் வசிக்கிறார். இதேவீட்டில் கல்பாக்கம் புதுப்பட்டனத்aதை சேர்ந்த வினோத்குமார் என்ற வாலிபரும் தங்கி இருந்தார். இவர் சினிமாவில் டான்சராக பணியாற்றினார்.

ஒரு படத்தில் நடிக்கவும் செய்துள்ளார். அப்படம் இன்னும் வெளியாகவில்லை. அல்போன்சாவும், வினோத்குமாரும் ஒருவரை ஒருவர் காதலிக்கின்றனர். எனவே இருவரும ஒரே வீட்டில் குடியிருந்தனர். நேற்று இரவு சாப்பிட்டு முடித்ததும் வினோத்குமார் படுக்கை அறைக்கு சென்றார். சில நிமிடங்கள் கழித்து அந்த அறைக்குள் அல்போன்சா சென்றபோது வினோத்குமார் மின்விசிறியில் தூக்கில் தொங்கினார்.

உடனடியாக பக்கத்து வீட்டில் இருந்த டாக்டரை அழைத்தனர். அவர் பரிசோதித்தபோது வினோத்குமார் இறந்து போனது தெரியவந்தது. இதையடுத்து குடியிருப்பின் காவலாளி விருகம்பாக்கம் போலீசில் புகார் அளித்தார். போலீசார் விரைந்து வந்து பிணத்தை கைப்பற்றி பிரேத பரிசோதனைக்காக ஆஸ்பத்திரிக்கு அனுப்பி வைத்தனர்.

இதனால் நள்ளிரவில் விருகம்பாக்கம் பகுதியில் பரபரப்பு ஏற்பட்டது. அல்போன்சாவிடம் போலீசார் விசாரணை நடத்தினார்கள். அல்போன்சா ஏற்கனவே திருமணம் ஆனவர் என்றும், கணவரை பிரிந்து வாழ்கிறார் என்றும் கூறுப்படுகிறது.

அல்போன்சாவிடம் தன்னை திருமணம் செய்து கொள்ளும்படி வினோத்குமார் அடிக்கடி வற்புறுத்தி வந்தாராம். ஆனால் திருமணத்துக்கு அல்போன்சா சம்மதிக்கவில்லை. இதனால் மனம் உடைந்து தற்கொலை செய்து கொண்டதாக போலீஸ் வட்டாரத்தில் தெரிவிக்கப்பட்டது. தொடர்ந்து விசாரணை நடக்கிறது.

சட்டத்தை ஏய்க்கும் சட்டமன்ற உறுப்பினர்கள்..!

2012-03-05T21:18:00.001-08:00

இந்தியாவில் உள்ள சட்டசபை மற்றும் நாடாளுமன்ற உறுப்பினர்களுக்கு ஊதியம் வழங்கப்படும்போது அவர்கள் செலுத்த வேண்டிய வருமான வரிப் பிடித்தம் செய்யப்படவில்லை என்றும் எனவே அவர்கள் செலுத்த வேண்டிய வருமான வரியை பிடித்தம் செய்ய வேண்டும் என்றும் கோரி ஒரு வழக்கு சென்னை உயர் நீதிமன்றத்தில் சமீபத்தில் தாக்கல் செய்யப்பட்டுள்ளது.

இந்தியாவில் வருமான வர வரம்புக்கு மேல் ஊதியம் பெறுவோருக்கு – சம்பளம் கொடுக்கப்படும் முன் – அவர்கள் செலுத்த வேண்டிய வரிப் பணத்தை பிடித்தம் செய்த பிறகே சம்பளத்தை கொடுக்க வேண்டும் என்ற நடைமுறை அரசுத் துறைகளிலும் தனியார் நிறுவனங்களிலும் கடைபிடிக்கப்படுகிறது.இது போன்ற சட்டம் நமது மக்கள் பிரதிநிதிகளுக்கு எந்த வித கட்டுபாடும் இல்லை.அவர்கள் வருமானவரி கட்டுவதில்லை.அவர்கள் கிட்டதட்ட 50 ஆயிரம் ஊதியமாக பெற்றாலும் அவர்கள் சம்மளத்தில் வருமான வரி கழிக்கப்படுவதில்லை.அவர்கள் அரசு ஊழியர் ஊதிய ஒதுக்கீடு நிதியில் இருந்துதான் ஊதியம் பெறுகிறார்கள்.ஆனால் அரசு ஊழியர்கள் பெப்ரவரி மாதம் வருமான வரி கணக்கை தாக்கல் செய்தால்தான் அம்மாத சம்பளம் வழங்கப்படும்.இன்று வருமான வரை,சேவை வரி, தொழில் வரி ஒழுங்காக செலுத்துபவர்கள் அரசு ஊழியர்கள் மட்டும்தான்.[வேறு வழி ?]
இப்போது மக்களுக்கு சேவை செய்வதாக பதவிக்கு வந்து அதன் பின் ஆயிரக்கணக்கில் தங்களுக்கு ஊதியம் ஏற்றத்தை மட்டும் கட்சி வேறுபாடின்றி சட்டசபையில் குரல் கொடுத்து பெற்றுக்கொள்ளும் சட்டமன்ற,நாடாளுமன்ற உறுப்பினர்கள் வருமான வரி கட்டுவது தொடர்பாக ஊழல் எதிர்ப்பு இயக்கத்தைச்சேர்ந்த சி.செல்வராஜ் என்பவர் வழக்கு தொடர்ந்துள்ளார்.
தேர்தலில் போட்டியிலும் வேட்பாளர்கள் தேர்தல் ஆணையத்திடம் அளித்த வருமான வரி விபரங்கள் தொடர்பான செய்திகளை ஆதாரமாக முன்வைத்து இந்த வழக்கை அவர் தொடர்நதுள்ளார்.

தமிழக சட்டசபை உறுப்பினர்களில் எட்டு பேர் வருமான வரித்துறை அளிக்கும் நிரந்தர அடையாள எண் அட்டை தம்மிடம் இல்லை என்று தெரிவித்துள்ளதாகவும், இந்த அட்டை இருக்கிறது, ஆனால் வரி செலுத்தும் அளவுக்கு தமக்கு வருமானம் இல்லை என்று ஆறு பேர் தெரிவித்துள்ளதாகவும் இந்த வழக்கைத் தொடுத்துள்ள வெளிப்படை மற்றும் ஊழல் ஒழிப்பு இயக்கத்தின் தலைவர் சி செல்வராஜ் கூறினார்.

தமிழக சட்டமன்ற உறுப்பினர்களுக்கு சம்பளம் மற்றும் பல்வேறு படிகள் என மாதம் 50 ஆயிரம் ரூபாய்களுக்கு மேல் ஊதியம் பெற்றுவருவதாகத் தெரிவித்த செல்வராஜ்,ஆனாலும் 47 சட்டமன்றஉறுப்பினர்கள் தமது வருமானத்தை குறைத்துக் காட்டி அரசி ஏமாற்றுவதாகவும் அவர் கூறியுள்ளார்.

அவர்கள் மட்டுமல்ல சில நாடாளுமன்ற உறுப்பினர்களும் தமது வருமானத்தை குறைத்துக் காட்டியுள்ளதாக அவர் கூறுகிறார்.

ஒரு அரசிடம் இருந்து பெறும் ஊதியத்தையே அதே அரசுக்கு குறைத்துக்காட்டி வருமானவரி துறையையும்,அரசையுமே ஏமாற்றும் இவர்களுக்கு தங்களுக்கு வாக்களித்த மக்களை ஏமாற்றுவது பெரிய காரியமா?
இதை கண்டு கொள்ளாமல் இருக்கும் வருமானவரித்துறையும்,அரசும் நடுத்தர மக்கள்.அரசு ஊழியர்களிடம் மட்டும் வரியை கசக்கிப்பிழிந்து பெறுவது சரியா?
தமக்கு கொடுக்கப்படும் சம்பளம் என்பது வருமான வரி வரம்புக்கு கீழாகவே இருப்பதாகவும், படியாக கொடுக்கப்படும் பணம் குறிப்பிட்ட தேவைகளுக்காக செலவிடப்படுவதால் தாம் வரிகட்டத் தேவையில்லை என்ற புரிதலில் இருப்பதாக மார்க்சிஸ்ட் கட்சியின் சட்டமன்றக் குழுத் தலைவர் பாலபாரதி கூறியுள்ளார்.இவரைப்போன்ற கம்யூனிஸ்ட் கட்சி சட்டமன்ற உறுப்பினர்கள் நிலமையே வேறு.இவர்கள் பெறும் ஊதியத்தை அப்படியே கட்சியிடம் ஒப்படைத்து விட வேண்டும்.கட்சியில் இருந்து இவர்களைப்போன்ற முழு நேர ஊழியர்களுக்கு என்று நிர்ணயிக்கப்பட்ட ஊதியத்தை தான் இவர்கள் பெற்று வாழ வேண்டும்.அது காலத்தின்[கட்சியின்]கட்டாயம்.அதற்காக வருமானவரியை கட்சியில் இருந்து வாங்கிக்கொடுக்க வேண்டும் இவரைப்போன்ற கம்யூனிஸ்ட் ச.ம.உ,க்கள்.
ஆனால் மற்றைய கட்சிசட்டமன்ற உறுப்பினர்களுக்கு பயணக்கட்டணம், தொலைபேசிக் கட்டணம், வாகனம்,உதவியாளர். போன்ற அனைத்துக்கும் படிகள்அளிக்கப்படுகிறதுமுன்பு ஐந்தாண்டுகள் முழுமையாக பத்வி வகித்தால்தான் ஓய்வூதியம் உண்டு.ஆனால் தற்போது பதவி ஏற்று சில நாட்களே ஆனாலும் அவர்களுக்கும் ஓய்வூதியம் உண்டு.மேலும் அவர்களுக்கு குடும்ப ஓய்வூதியமும் உண்டு.அரசு ஊழியர்கள் போல் அவர்கள் இறந்தால் கட்சி மூலம் அவர்கள் குடும்பத்தில் ஒருவருக்கு வாரிசு வேலை போல் போட்டியிடவும் வாய்ப்பளிக்கப்படுகிறது.ஆக வாக்களித்தவன்தான் வக்கற்றவனாகிறான்.
சட்டத்தை ஏய்க்கும் சட்டமன்ற உறுப்பினர்களுக்கு நமது சட்டம் என்ன சொல்லப்போகிறதோ?

___________________________________________________________________________________________________________

உணவுக்கான போராட்டம்?
------------------------------------------------------------------------------------------------------------------------------------------------------------------
மவுனம் ஏன் அம்மா?
________________________
கேட்கிறது தினமலர்.
____________________________________

தமிழக அரசு நியமித்த நிபுணர் குழு, "கூடங்குளம் அணு மின் நிலையம் பாதுகாப்பானது' என, தனது அறிக்கையை அளித்து ஒரு வாரமாகியும், இந்த விவகாரத்தில் முடிவு எடுக்காமல், தமிழக அரசு மவுனம் காத்து வருகிறது. நேற்று, அவசர அவசரமாக நடந்த தமிழக அமைச்சரவைக் கூட்டத்திலும், கூடங்குளம் விவகாரம் பற்றி விவாதிக்கப்படவில்லை.மின் வெட்டு கடுமையாக நீடிக்கும் நிலையில், கூடங்குளம் விவகாரத்தில் தமிழக அரசு எந்த நடவடிக்கையும் எடுக்காததால், மின் வெட்டின் அவதி இன்னும் அதிகமாகும். தேர்தலில் தி.மு.க., தோல்வியடைவதற்கு, மின் வெட்டு பிரச்னையும், முக்கிய காரணமாக இருந்தது. தேர்தல் பிரசாரத்தின் போது, "தமிழகத்தில் மின் பற்றாக்குறையை போக்குவோம்' என்ற வாக்குறுதியை, அ.தி.மு.க., அளித்தது. தேர்தலில் வெற்றி பெற்று ஆட்சி அமைத்த நிலையில், மின் பற்றாக்குறையை போக்க, உடனடி தீர்வாக கூடங்குளம் அணு மின் நிலையம் தான் இருந்தது.ஆனால், அந்த அணு மின் நிலையத்தை மூட வேண்டுமென சிலர் போராட்டத்தில் ஈடுபட்டு வருகின்றனர்.

இதனால், கடந்த ஜூலை மாதம் முதல், கூடங்குளம் மின் நிலையப் பணி நிறுத்தி வைக்கப்பட்டது.கூடங்குளம் பகுதி மக்களின் அச்ச உணர்வு போக்கப்படும் வரை, அணு மின் நிலையப் பணியை நிறுத்தி வைக்க வேண்டும் என, தமிழக அமைச்சரவை, தீர்மானம் நிறைவேற்றியது. மத்திய அரசும் பணிகளை நிறுத்தியது; அதன் பின்பும் போராட்டங்கள் தொடர்ந்தன; அவர்கள் மீது எந்த நடவடிக்கையும்தமிழக அரசு எடுக்கவில்லை. கடந்த ஜனவரி மாத இறுதியில், மின் பற்றாக்குறை அதிகமாகி, மின் வெட்டும் அதிகமானதால், மக்கள் மத்தியில், அ.தி.மு.க., அரசு மீது கடும் அதிருப்தி ஏற்படத் துவங்கியது. தற்போதைக்கு, மின் பற்றாக்குறையை சமாளிக்க, வேறு உடனடித் திட்டங்கள் இல்லாததால், கூடங்குளம் அணு மின் நிலைய பாதுகாப்பு குறித்து ஆராய, நிபுணர் குழுவை தமிழக அரசே அமைத்தது.பிப்ரவரி மாத துவக்கத்தில் அமைக்கப்பட்ட இக்குழு, கூடங்குளம் அணு மின் நிலையத்தை நேரில் ஆய்வு செய்து, தங்களது அறிக்கையை முதல்வரிடம் கடந்த வாரம் அளித்தது. அந்த அறிக்கையில், அணு மின் நிலையம் பாதுகாப்பாக உள்ளதாக தெரிவிக்கப்பட்டிருப்பதாக கூறப்படுகிறது. அப்படியிருந்தும், அந்த அறிக்கை மீது முடிவு எடுக்காமல், போராட்டக்காரர்களை அழைத்து முதல்வர் பேசினார். அப்போது, அவர்கள் தரப்பில் ஒரு அறிக்கை அளிக்கப்பட்டது. அப்போதும் கூட, போராட்டக்காரர்களிடம், தமிழக அரசின் நிலை குறித்து எவ்வித கருத்தையும் முதல்வர் தெரிவிக்கவில்லை என, அவர்கள் கூறுகின்றனர்.

இந்நிலையில், தமிழக அமைச்சரவைக் கூட்டம், நேற்று அவசரமாக கூடியது. நிபுணர் குழு அறிக்கை அளித்து ஒரு வாரம் ஆவதால், அதுபற்றி இக்கூட்டத்தில் விவாதித்து முடிவு எடுக்கப்படும் என எதிர்பார்க்கப்பட்டது. இக்கூட்டத்துக்காக, சங்கரன்கோவில் தேர்தல் பிரசாரத்தில் ஈடுபட்டிருந்த அமைச்சர்கள் அனைவரும், அரசியல் நோக்கர்களின் கணிப்பாக உள்ளது.-

மதுரையிலிருந்து, விமானம் மூலம் சென்னை வந்து, கூட்டத்தில் கலந்து கொண்டனர். இக்கூட்டத்தில், கூடங்குளம் அணு மின் நிலைய பிரச்னை பற்றி எந்த விவாதமும் நடக்கவில்லை என, தலைமைச் செயலக வட்டாரத்தில் கூறப்பட்டது. சங்கரன்கோவில் இடைத்தேர்தல் நடப்பதால், அதுவரை இவ்விஷயத்தில் மவுனம் காக்க அரசு திட்டமிட்டிருப்பதாகவும் கூறப்படுகிறது. நேற்று நடந்த அமைச்சரவைக் கூட்டத்தில், பட்ஜெட் தொடர்பாக துறைவாரியாக மேற்கொள்ள உள்ள திட்டங்கள் குறித்து விவாதிக்கப்பட்டது. குறிப்பாக, தமிழக அரசு தயாரித்து வரும், "தொலைநோக்குத் திட்டம் - 2025' தொடர்பாக, இக்கூட்டத்தில் விவாதிக்கப்பட்டதாக கூறப்படுகிறது.கூடங்குளம் பகுதியை சுற்றியுள்ள சிலரும், போராட்டக்காரர்கள் சிலரும் என, தமிழகம் முழுவதும் சில ஆயிரம் பேர் தான், கூடங்குளம் திட்டத்துக்கு எதிராக உள்ளனர். சங்கரன்கோவில் தொகுதி மக்கள் உட்பட, தமிழகம் முழுவதும் உள்ள மக்கள், கூடங்குளம் அணு மின் நிலையத்துக்கு ஆதரவாகத் தான் உள்ளனர்.அப்படி இருந்தும், தமிழக அரசு இப்பிரச்னையில் எந்த முடிவும் எடுக்காமல், மூச்சு விடாமல்மவுனம் காப்பது, மின் வெட்டால் பாதிக்கப்பட்டுள்ள மக்களிடையே அதிருப்தியை ஏற்படுத்தியுள்ளது.

தொழில் துறை, விவசாயத் துறை, பொதுமக்கள் என, அனைத்துத் தரப்பினரும், மின் வெட்டு பிரச்னையால் சிக்கித் தவிக்கும் நிலையில், கூடங்குளம் அணு மின் நிலையம் தொடர்பாக, அரசு தனது முடிவை விரைவில் அறிவிக்க வேண்டும் என்ற எதிர்பார்ப்பு மக்களிடையே உள்ளது. தமிழக அரசின் இந்த மவுனத்தால், மின் வெட்டு நிலைமை இன்னும் மோசமாகும். ஏற்கனவே, பல சிறுதொழில் நிறுவனங்கள் மூடும் நிலைக்குச் சென்று, கடன் வாங்கி தொழில் செய்வோரும், அவர்களிடம் பணிபுரிந்தோரும் நடுத்தெருவுக்கு வந்து, செய்வதறியாது, கடும் வெறுப்பிலும், கோபத்திலும், ஆத்திரத்திலும் உள்ளனர்; மின் வெட்டு மோசமாகும் சூழ்நிலையில், மக்களின் அவதியும், கோபமும் மேலும் அதிகமாகும்.

தினமலரே இப்படி எழுத ஆரம்பித்து விட்டது.அதனாலும் ஜெனரேட்டரில் பத்திரிகை வேலை பார்த்து கட்டுப்படியாக வில்லை .போல் தெரிகிறது.அம்மா

மீதும் அவரின் ஆட்சியீன் மீதும் குற்றம் இல்லை.எனக்கூறி வரும் தினமலரையும் மின் வெட்டு இப்படி பேச வைத்து விட்டது.ஆட்சிக்கே ஆபத்து சங்கரன் கோவிலில் .ஆப்பு வைத்துவிடும் மின் வெட்டு என்ற பயம்தான் காரணமா?.

_________________________________________________________________________________

கென்யா ஆதிவாசிகள் திருவிழா.புத்தர் சிலைமுன் ஒரு ஆட்டம்.

_________________________________________________________________________________

சென்னை மாநகர போலீஸ் கமிஷனர் உத்தரவு

2012-03-05T06:55:00.001-08:00

சென்னையில் வாடகைக்கு குடியிருப்பவர்களின் விவரத்தை போலீசாருக்கு அளிக்க வேண்டும் என்று சென்னை மாநகர போலீஸ் கமிஷனர் திரிபாதி தெரிவித்துள்ளார். இது குறித்து அவர் வெயிட்டுள்ள அறிவிப்பில் கூறியுள்ளதாவது

சென்னை பல்வேறு குடியிருப்பு பகுதிகளில் வாடகை தாரர்கள் என்ற பெயரில் சமூக விரோதிகள் குடியிருந்து வருவதாகவும், அவர்களால் பொது ஒழுங்கு மற்றும் பொது அமைதிக்கு பாதிப்பு ஏற்படலாம் என்று கூறியுள்ளார்.

மேலும் இங்கு தீவிரவாதிகள் மற்றும் சமூக விரோதிகளும் புகலிடம் தேடி குடியேற வாய்ப்பிருப்பதும் தகவல்களில் தெரியவந்துள்ளது. எனவே இதனை கருத்தில் கொண்டு குடியிருப்புகளில் வாடகைக்கு குடியிருப்போர் குறித்த விவரம் அல்லது வேறு நபருக்கு தங்குவதற்காக அனுமதி வழங்கியிருந்தால் அது தொடர்பான விவரங்களை சம்பந்தப்பட்ட காவல் நிலைய அதிகாரிக்கு வாடகைதாரர் புகைப்படத்துடன் கூடிய உரிய படிவம் வாயிலாக வீட்டு உரிமையாளர்கள் தெரியப்படுத்த வேண்டும் என்று ஆணை பிறப்பிக்கப்பட்டுள்ளது. இதனை மீறுவோர் போலீசாரின் தண்டணைக்குள்ளாவர் என்றும் அதில் குறிப்பிடப்பட்டுள்ளது.

விபத்தில் இருந்து உயிர் தப்பினார் வித்யா பாலன்

2012-03-04T17:55:00.000-08:00

கோல்கட்டா ரயில் நிலையத்தில் நடந்த படப்பிடிப்பின் போது, பிரபல இந்தி நடிகை வித்யா பாலன் அதிர்ஷ்டவசமாக விபத்தில் இருந்து தப்பினார். இந்தி படவுலகில் வளர்ந்து வரும் நடிகை வித்யா பாலன். இவர் சமீபத்தில் வெளியான, "டர்ட்டி பிக்சர் படத்தில், மறைந்த நடிகை சில்க் ஸ்மிதா போல் நடித்திருந்தார். அந்த படத்திற்கு பிறகு, அவர் தற்போது, "கஹானி என்ற இந்திப் படத்தில், கர்ப்பிணிப் பெண்ணாக நடித்து வருகிறார். இதற்கான படப்பிடிப்பு, கோல்கட்டா மெட்ரோ ரயில் நிலையத்தில் நேற்று காலை நடந்தது.

அதில், நடிகை வித்யா பாலன் பிளாட்பாரத்தில் பின்னோக்கி செல்வது போன்ற காட்சி படமாக்கப்பட்டது. அப்போது, யாரும் எதிர்பாராத வகையில், பிளாட்பாரத்தில் வைக்கப்பட்டிருந்த எடை பார்க்கும் மெஷினில் மோதினார். இதனால், நிலை தடுமாறிய அவர், பிளாட்பாரத்தில் இருந்து, கீழே இருந்த ரயில் பாதையில் விழப் போனார்.
அவருக்கு அருகிலேயே, கேமராவுக்கு பின் இருந்து இதை பார்த்துக் கொண்டிருந்த, இயக்குனர் சுஜோய் கோஷ், வேகமாக ஓடிச் சென்று, கீழே விழாமல் வித்யாவை தாங்கிப் பிடித்தார். இதனால், வித்யா பாலன் அதிர்ஷ்டவசமாக உயிர் தப்பினார். ரயில் பாதையில் விழுந்திருந்தால், அவர் தலையில் பலத்த அடிபட்டு, உயிருக்கே ஆபத்து ஏற்பட்டிருக்கும் அல்லது அந்த நேரத்தில் ரயில் வந்திருந்தாலும், விபரீதம் ஏற்பட்டிருக்கும்.

ஆதரிக்க மாட்டோம் - இந்தியா

2012-03-04T17:52:00.000-08:00

ஐக்கிய நாடுகள் மனித உரிமைப் பேரவையில் இலங்கைக்கு எதிராக தீர்மானம் நிறைவேற்றப்பட்டால் அதனை ஆதரிக்கப் போவதில்லை என இந்தியா அறிவித்துள்ளது.

குறிப்பிட்ட நாடுகளுக்கு எதிராக நிறைவேற்றப்படும் தீர்மானங்கள் ஐக்கிய நாடுகள் மனித உரிமைப் பேரவையை பலவீனப்படுத்தும் என இந்தியா சுட்டிக்காட்டியுள்ளது.

ஐக்கிய நாடுகள் மனித உரிமைப் பேரவையின் இணைய தளத்தில் இந்தியா வெளியிட்டுள்ள விசேட ஊடக அறிக்கையில் இந்த விடயம் குறிப்பிடப்பட்டுள்ளது.

ஐக்கிய நாடுகள் மனித உரிமைப் பேரவையில் நான்கு ஆண்டுகளுக்கு ஒரு முறை மேற்கொள்ளப்படும் சர்வதேச கால மதிப்பீட்டின் போது மனித உரிமை மீறல்களில் ஈடுபடும் நாடுகளுக்கு எதிராக நடவடிக்கை எடுக்க முடியும் என இந்தியா சுட்டிக்காட்டியுள்ளது.

மாறாக தனிப்பட்ட ரீதியில் நாடுகளுக்கு எதிராக நடவடிக்கை எடுப்பது பொருத்தமாக அமையாது என இந்தியாவின் அறிக்கையில் தெரிவிக்கப்பட்டுள்ளது.

இணையத்தில் சம்பாதிக்கலாம் வாங்க ( BEST CPM PAYOUTS )

2012-03-03T23:57:00.000-08:00

சம்பாதிக்கலாம்

ப்ளாக்கரில் சம்பாதிக்க இங்கே கிளிக் செய்யவும்

நீங்களும் இணையத்தில் சம்பாதிக்கலாம். அதற்கு உங்களுக்கு ஒரு பிளாக்கர் கணக்கு மற்றும் edomz.com அக்கௌன்ட் இருந்தால் போதும்

தினமும் ரூபாய் 300 to ரூபாய் 1000 வரை நீங்கள் சம்பாதிக்கலாம் .

edomz.com அக்கௌன்ட் பெற இந்த லிங்கை கிளிக் செய்யவும்

உங்கள் பிளாக்கர் கணக்கில் HTML SCRIPT ல் edomz ஸ்க்ரிப்டை add செய்யவும்
இதன் மூலம் நீங்கள் வீட்டில் இருந்தபடியே இணையத்தில் சம்பாதிக்கலாம்

உதாரணத்திற்கு என்னோட அக்கௌன்ட் பாருங்கள்

எமது உரிமைகளை வென்றெடுக்க ஓருமித்த குரல் கொடுப்போம் – புலிகளின்குரல் (பாடல்கள் இனைப்பு)

2012-03-03T23:36:00.000-08:00

எமது உரிமைகளை வென்றெடுக்க ஓருமித்த குரல் கொடுக்கும் நேரம் இது. எமது அனைத்து வேற்றுமைகளையும் கழைந்து, அனைவரும் ஒன்றாக அணிதிரண்டு, உலகத்தின் கண்களையும் காதுகளையும் எங்கள் பக்கம் திருப்புவோம்.
எமது போராட்டத்தின் முக்கியமான கால கட்டத்தில் இப்போது நாம் நிற்கின்றோம். பல பரிமாணங்களை கடந்து, இன்று உலகவாழ் தமிழர்களின் பலத்தை ஒன்றுதிரட்டி, சிறிலங்கா அரசாங்கத்தின் கொலையாட்சியை அடியோடு அழித்தொழிக்கும் கடமை புலம்பெயர் சமூகத்திடம் கையளிக்கப்பட்டுள்ளது அனைவரும் அறிந்ததே.

இன்றைய எமது பணியின் முக்கியத்துவத்தை நன்றாக உணர்ந்து ஐ.நா முன்றலில் நாம் ஒரு மாபெரும் சக்தியாக ஒன்று திரண்டு எமது மக்களுக்காக நீதி கேட்டு ஒங்கி எழுவோம்.
எமது எழிச்சி எதிரியின் வீழ்ச்சியாக அமையட்டும் !

புலிகளின்குரல் நிறுவனம்
03.03.2012.

"நீதி தேடி ஐ.நா நோக்கி" நிகழ்வுக்காக புலிகளின்குரல் நிறுவனத்தினால் தயாரிக்கப்பட்ட இரு பாடல்கள் .

படை படை படை இது புலிப்படை
வெற்றி என்பது வெளிப்படை

நட நட நீ நட கட கட தடை கட
எழ எழ நீ எழ விழ விழ பகை விழ

எழுந்திரு எழுந்திரு ஈழம் எமது எழுந்திரு
நீயும் நானும் ஒன்றாய் சேர்ந்தால் எதிர்ப்புகள்
எல்லாம் தவிடாகும்.

போர் குற்றம்.. ஜெனீவா நெருக்கடி: இலங்கையை காப்பாற்ற இந்தியா முடிவு!

2012-03-03T23:35:00.000-08:00

போர் என்ற பெயரில் பல்லாயிரம் தமிழர்களைக் கொன்று குவித்த இலங்கைக்கு எதிராக அமெரிக்கா கொண்டுவரும் மனித உரிமை மீறல் தீர்மானத்தை இந்தியா ஆதரிக்காது என்பது கிட்டத்தட்ட உறுதியாகிவிட்டது.

'குறிப்பிட்ட ஒரு நாட்டுக்கு' எதிராக ஐ.நா. மனித உரிமைக் குழுவில் கொண்டு வரப்படும் தீர்மானங்களை ஆதரிக்க மாட்டோம் என்று இந்தியா தெரிவித்திருப்பதன் மூலம், இலங்கையைக் காக்க இந்தியா முடிவு செய்திருப்பது தெரியவந்துள்ளது.

எனவே போர்க்குற்றங்கள், மனித உரிமை மீறல்கள் தொடர்பாக இலங்கைக்கு எதிராக தீர்மானம் கொண்டு வரப்பட்டால் அதை இந்தியா ஆதரிக்காது என்ற தைரியம் இலங்கைக்கு வந்திருக்கிறது.

ஐ.நா. மனித உரிமைக் குழுவின் 19வது கூட்டம் பிப்ரவரி 27-ம் தேதி தொடங்கி நடந்து வருகிறது. விடுதலைப் புலிகளுக்கு எதிரான போரின்போது இலங்கை ராணுவத்தினர் புரிந்த போர்குற்றம் தொடர்பாக இதில் விவாதிக்கப்பட உள்ளது.

போர்க் குற்றங்கள் உள்ளிட்டவை தொடர்பாக இலங்கைக்கு எதிரான தீர்மானத்தை அமெரிக்கா முன்மொழியும் என்றும் எதிர்பார்க்கப்படுகிறது.

இந்நிலையில், வியாழக்கிழமை நடந்த மனித உரிமைக் குழுக் கூட்டத்தின்போது, இந்தியா சார்பில் வாசிக்கப்பட்ட அறிக்கையில், "குறிப்பிட்ட ஒரு நாட்டுக்கு எதிரான தீர்மானங்கள், மனித உரிமைக் குழுவின் ஆக்கப்பூர்வமான பேச்சுகளையும் அனைத்துத் தரப்புகளின் ஒத்துழைப்புடனான அணுகுமுறையையும் வலுவிழக்கச் செய்யும்' என்று குறிப்பிடப்பட்டிருந்தது.

"நோக்கம் சார்ந்த, வெளிப்படைத் தன்மை கொண்ட, அரசியல் கலவாத, மோதல்களை ஆதரிக்காத கொள்கைகளில்தான் மனித உரிமைக் குழுவின் வலிமை அடங்கியிருக்கிறது. இந்தப் பண்புகளைக் காக்க வேண்டுமென்றால், அனைவரையும் அரவணைத்துச் செல்லும் தன்மை, உறுதியான பேச்சுகள், ஒத்துழைப்பு ஆகியவற்றை உறுதி செய்ய வேண்டும்" என்று இந்தியா கூறியிருக்கிறது.

இந்தியாவின் இந்த அறிக்கை மனித உரிமைக் குழுவின் இணையதளத்திலேயே வெளியிடப்பட்டுள்ளது.

'இப்போது அவசியமில்லை!'

ஒரு குறிப்பிட்ட நாட்டின் மனித உரிமை நிலை பற்றி விவாதம் நடத்துவது அவசியம் வேண்டும் என்றால், வழக்கமாக நடக்கும் உலகம் முழுவதுமான ஆய்வின்போது அதைச் செய்யலாம். இப்போது அதற்கான அவசியம் இல்லை, என்று இந்தியா கருதுவது இந்த அறிக்கையின் மூலம் தெரியவந்துள்ளது.

உலகம் முழுவதுமான ஆய்வின்கீழ் ஒவ்வொரு நாட்டிலுள்ள நிலைமையும் மனித உரிமைக் குழுவில் பரிசீலிக்கப்படும். அந்த வகையில், இலங்கையின் மனித உரிமை நிலைமை பற்றிய முன்மொழிவு வரும் அக்டோபரில்தான் வரவிருக்கிறது.

எல்எல்ஆர்சி எனப்படும் போர்ப் படிப்பினைகள் மற்றும் நல்லிணக்க ஆணையம் அளித்திருக்கும் பரிந்துரைகளை அமல்படுத்துவதற்கு, அதுவரை தங்களுக்கு கால அவகாசம் அளிக்க வேண்டும் என்று இலங்கை ஏற்கெனவே கோரியிருக்கிறது.

இந்தக் கோரிக்கைக்கு இந்தியாவும் ஆதரவளித்துள்ளது. இப்போது இந்தியாவின் ஆதரவு முழுவதுமாக இருப்பது இலங்கைக்குப் புரிந்துவிட்டதால், நெருக்கடி தீர்ந்த மகிழ்ச்சியில் அறிக்கை வெளியிட ஆரம்பித்துள்ளனர்!

சுளையாக இருநூறு டொலர்கள்

2012-03-03T10:05:00.000-08:00

மனைவி வீட்டில் தனியாக இருந்தாள்.

யாரோ கதவின் அழைப்பு மணியை அழுத்தினார்கள்.

அவள் கதவைத் திறந்தாள். அவள் கணவனின் நண்பன் டேவிட் வெளியே நின்றிருந்தான்.

ஹாய்! ரொம் வீட்டில் நிற்கிறாரா?

இல்லை!. கடைக்குப் போயிருக்கின்றார். உங்களுக்கு அவசரமென்றால் அவருக்காக நீங்கள் இங்கே காத்திருக்கலாம். இன்னும் அரை மணி நேரத்தில் வந்துவிடுவார்.

நன்றி சொல்லிவிட்டு அவன் வரவேற்பறையிலிருந்த சோபாவில் உட்கார்ந்து கொண்டான்.

சில நிமிடங்கள் மௌனமாகக் கழிந்தன.

ஒரு முறை செருமியபடி சாரா.. என்றான் அவளது கணவனின் நண்பன்.

சாரா அவனை நிமிர்ந்து பார்த்தாள்.

உனது மார்பகங்கள் மிக மிக அழகாக இருக்கின்றன…

அவள் கூச்சத்தோடு தன் இருக்கையில் நெளிந்தாள்.

நீ உன் மார்பகங்களில் ஒன்றைக் காட்டினால் 100 டாலர்கள் தருகின்றேன் என்றான் அவன்.

அட இதென்ன தொல்லையாக இருக்கின்றது. மார்பைக் காட்டட்டுமாம். 100 டாலர் தருகிறானாம்.

அவளுக்குள் சபலம் தட்டியது. ஒரு தடவை காட்டினால் என்ன நஷ்டம் வந்துவிடப்போகின்றது? 100 டாலர் இலாபந்தானே.?

ஒரு கணம் தயங்கியவள் மறு கணம் தன் மேலாடையை விலக்கி தன் மார்பகங்களில் ஒன்றைக் காட்டினாள். ஆசை தீர அவன் பார்த்துவிட்டு மேசையில் 100 டாலர் நோட்டு ஒன்றை வைத்தான். தன் மேலாடையைச் சரிசெய்து கொண்ட அவள் ஆவலோடு அந்த 100 டாலர் தாளை எடுத்துக் கொண்டாள்.

அழகே அழகுதான். ஒன்றைப் பார்த்த எனக்கு மற்றையதையும் பார்க்காவிட்டால் பைத்தியம் பிடித்து விடும் போலிருக்கின்றது. இரண்டாவதையும் நீங்கள் காட்டினால் இன்னொரு 100 டாலர் தருகின்றேன் என்றான் அவன்.

எந்த நரி முகத்தில் இன்று நான் விழித்தேன்? இன்னொரு 100 டாலரா?

ஆசை யாரைத்தான் விட்டது? கையில் கிடைத்த 100 டாலரின் ருசி வெட்கத்தை ஓரத்தில் தள்ள தன் மேலாடையை அகற்றி தன் இரு மார்பகங்களையும் அவனுக்குக் காட்டினாள் அவள்.

அடடா அற்புத அழகு.. அவன் கண்கள் அவள் மார்பகங்களில் மொய்த்தன. ஆசை தீரப் பார்த்து விட்டு அடுத்த 100 டாலர் தாளை அவளிடம் நீட்டினான்.

அவன் எழுந்தான். எனக்கு நேரமாகின்றது. இன்னொரு தினம் ரொம்மிடம் வருகின்றேன். கேட்டதாகச் சொல்லுங்கள்.

அவசரமாக எழுந்து அவன் போய்விட்டான். இருநூறு டாலர் சம்பாத்தியத்தில் மெய்மறந்து போயிருந்த அவள் அவசரம் அவசரமாக தன் உடைகளைச் சரிசெய்து கொண்டாள். 200 டாலரை மெல்ல தன் உட் சட்டைக்குள் செருகிக் கொண்டாள்.

பத்து நிமிடங்கள் கழித்து அவள் கணவன் வந்தான். வந்ததும் வராததுமாக

டேவிட் வந்தானா சாரா? என்று கேட்டான் ரொம்.

வந்தார். ஆனால் சில நிமிடங்கள் காத்திருந்து விட்டு பிறகு வருவதாகக் கூறி விட்டுப் போய்விட்டார் என்றாள் அவள்.

நான் கடனாகக் கொடுத்த 200 டாலர் பணத்தைக் கொண்டு வந்து உன்னிடம் கொடுப்பதாகக் கூறினான். தந்தானா ? என்று கோபத்தோடு வெடித்தான் ரொம்.

சிபிசிஐடி யாக வரும் சீமான்

2012-03-03T05:04:00.000-08:00

சீமான், முரளி, ஐஸ்வர்யா தேவன் ஆகியோர் இணைந்து நடிக்கும் புதிய படம் கண்டுபிடி கண்டுபிடி. முரளி-ஐஸ்வர்யா தேவன் இருவருக்கும் நடக்கும் திருமணத்தை தொடர்ந்து ஏற்படும் திகில் நிறைந்த புதிர்கள் அதனை சிபிசிஐடி யாக வரும் சீமான் புலனாய்வு செய்வது தான் படத்தின் விறு விறுப்பான திரைக்கதை.

தமிழ் சினிமாவில் எத்தனையோ புலனாய்வுப் படங்கள் வந்திருந்தாலும் ஒரு யதார்த்தமான அதே நேரம் புலனாய்வு அதிகாரிகளின் புலனாய்வுத் தந்திரங்கள், அதற்காக அவர்கள் மெனக்கெடுதல்கள் என புதிதாகச் சொல்லும் படமாக KPKP இருக்கும்.

இப்படி ஒரு அமைப்பு இயங்குகிறதா, சத்தமில்லாமல் தங்கள் பணியினைப் புலனாய்வு அதிகாரிகள் ஆற்றிக் கொண்டிருப்பதன் மூலம் சமுதாத்திற்கு ஏற்படும் அச்சுருத்தல்கள் எவ்வாறு முறியடிக்கப்படுகிறது என்பதைச் சொல்லும் படமாக KPKP இருக்கும்.

அந்த அளவிற்கு சீமானும் சிறப்பாக நடித்திருக்கிறார். அவரது புலனாய்வு அதிகாரி வேடத்தை KPKP இல் பார்த்து ரசிக்கும் ஒவ்வொரு ரசிகருக்குள்ளும் அந்தத் துறையின் மீது பெரிய மரியாதை ஏற்படும் என்பதில் சந்தேகமில்லை.

இந்தப் படத்தின் இன்னொரு சிறப்பம்சமாக சமுதாய நோக்கோடு அமைக்கப்பட்ட காட்சி ஒரு பசுமைப் புரட்சிக்கே வித்திடப்போகிறது என்றால் அது மிகயல்ல. ஆம் முரளி – ஐஸ்வர்யா தேவன் திருமணத்திற்கு அவர்களை வாழ்த்த வரும் உறபினர்கள் நண்பர்களுக்கு தாம்பூலப் பையில் மரக்கன்றுகளைக் கொடுத்து அனுப்புவதுபோல் அந்தக் காட்சியினை அமைத்திருக்கிறார் இயக்குனர் ராம் சுப்புராமன்.

அத்துடன் அதிக அளவில் மரம் நடவேண்டிய அவசியத்தை வலியுறுத்தும் வசனங்களும் இடம்பெற்றிருக்கின்றன. இதைப் பற்றி இயக்குனர் ராம் சுப்பராமன் கூறும்போது, "எனது நண்பர் ஒருவர் திருமணத்திற்குச் சென்றிருந்த போது சாதாரணமாக பழம், தேங்காய், வெத்திலை பாக்குடன் கொடுக்கப்படும் தாம்பூலப்பைக்குப் பதிலாக மரக்கன்றுகளைக் கொடுத்தார்கள்".

எனக்கு பெரிதும் வியப்பாக இருந்தது. தொடர்ந்து அதிகரித்துக் கொண்டுவரும் புவிவெப்பமயமாதலைத் தடுத்து அதனால் ஏற்படும் வறட்சி, இயற்கைச் சீற்றங்களில் இருந்து புவியைக் காத்து நமது அடுத்த தலைமுறைக்குப் பத்திரமாக விட்டுச் செல்லவேண்டுமானால் அதற்கு ஒரே வழி அதிக அளவில் மரம் நடுதலே என்பது புரிந்தது. சமூதாயத்தில் அங்கொன்றும் இங்கொன்றுமாக நடந்து கொண்டிருக்கும்.

இந்த புனிதமான விஷயத்தை சக்தி வாய்ந்த திரைப்படத்தின் மூலம் சொல்லும் போது அனைத்து மக்களையும் சென்றடையும். அதன் மூலம் இந்த உலகசமுதாயத்திற்கு திரைப்படங்கள் மூலம் நன்மை விளைந்த மாதிரியும் இருக்கட்டுமே என்று அந்தக் காட்சியை மிகவும் நேர்த்தியாகப் படமாக்கியிருக்கிறோம் என்றார்.

படப்பிடிப்பின் போது சுற்றுவட்டாரக் கிராமங்களில் இருந்து நடிக்க வந்தவர்களுக்கு சம்பளத்துடன் மரக்கன்றுகளும் கொடுத்து அனுப்பியிருக்கின்றனர். படப்பிடிப்பின் போது பேசிய வசனங்களைத் தமக்காகவே பேசப்பட்டது போல் உணர்ந்த மக்கள் தாங்கள் வாங்கிச் சென்ற மரக்கன்றுகளை ஆர்வமாக தகுந்த இடங்களில் நட்டு வளர்த்து வருகின்றனர் என்பது கூடுதல் தகவல்.

மூவி பஜார் என்ற நிறுவனத்தின் சார்பில் கல்கி யுவாவும் மாயாண்டி குடும்பத்தார் படத்தை தயாரித்த சாமு சிவராஜும் இணைந்து தயாரிக்கும் கண்டுபிடி கண்டுபிடி படத்தின் இசை விரைவில் வெளியாக இருக்கிறது.

கூடங்குளம் போராட்டத்துக்கு பணம் அளிக்கவில்லை - மன்மோகனுக்கு அமெரிக்க மறுப்பு

2012-03-02T21:34:00.000-08:00

கூடங்குளம் அணுமின்திட்டத்தை எதிர்க்கும் தொண்டு நிறுவனங்களுக்கு அமெரிக்க தொண்டு நிறுவனங்கள் நிதி அளிக்கிறது என்ற பிரதமர் மன்மோகன் சிங் குற்றச்சாட்டுக்கு மறுப்பு தெரிவித்துள்ளது அமெரிக்கா.

பிரதமர் மன்மோகன் சிங், சமீபத்தில் அமெரிக்காவில் இருந்து வெளி வருகிற 'சயின்ஸ்' பத்திரிகைக்கு பேட்டி அளித்தார். அந்தப் பேட்டியில் அவர், இந்தியா வளர்ச்சி குறித்த சவால்களை எதிர்கொண்டிருக்கிற நிலையில், அதற்கு எதிராக அமெரிக்கா உள்ளிட்ட வெளிநாடுகளில் இருந்து நிதி உதவிகளைப் பெறுகிற தொண்டு நிறுவனங்கள் செயல்படுவதாகவும், கூடங்குளம் அணுமின் திட்டத்தை நிறைவேற்றுவதில் இடைïறுகள் எழுந்து இருப்பதாகவும், இதற்கு பெரும்பாலும் அமெரிக்காவில் செயல்பட்டு வருகிற இத்தகைய தொண்டு நிறுவனங்கள்தான் காரணம் எனவும் கூறியிருந்தார்.

அமெரிக்க தொண்டு நிறுவனங்களுக்கு அமெரிக்காவில் இருந்து நிதி உதவி வருவதாக பிரதமர் அலுவலக இணை மந்திரி நாராயணசாமியும் உறுதி செய்தார். ஆனால் பிரதமரும் சரி, அமைச்சரும் சரி பணம் வந்ததற்கான எந்த ஆதாரத்தையும் வெளிப்படையாக தெரிவி்க்கவில்லை.

அதைத் தொடர்ந்து தேச நலனுக்கு எதிராக செயல்படுவதாக சந்தேகத்துக்கு ஆளாகியுள்ள 77 தொண்டு நிறுவனங்களின் செயல்பாடுகள் பற்றி மத்திய அரசின் உள்துறை ஆராய்ந்து வருகிறது. மேலும் 4 தொண்டு நிறுவனங்கள் மீது வழக்கும் பதிவு செய்யப்பட்டுள்ளது.

அமெரிக்கா மறுப்பு

இந்த நிலையில் அமெரிக்க வெளியுறவுத்துறை செய்தித் தொடர்பாளர் விக்டோரியா நுலாண்ட், வாஷிங்டனில் நேற்று நிருபர்களுக்கு பேட்டி அளித்தார். அப்போது பிரதமர் மன்மோகன் சிங்கின் கருத்து குறித்து நிருபர்கள் கேள்வி எழுப்பினர்.

அதற்கு அவர் கூறுகையில், "பிரதமர் மன்மோகன்சிங் சமீபத்தில் சயின்ஸ் பத்திரிகைக்கு அளித்த பேட்டியில் என்ன கூறினார் என்பது பற்றி எனக்கு தெரியாது. அதே நேரத்தில் அணு மின் சக்தித்துறையில் இந்தியாவின் முதலீட்டுக்கு நாங்கள் ஆதரவாக இருப்பதை நீங்கள் (நிருபர்கள்) அறிவீர்கள்.

இந்திய அரசு மேற்கொண்டு வருகிற சிவில் அணுசக்தி திட்டத்துக்கு நாங்கள் ஆதரவானவர்கள். நாங்கள் நிதி உதவி அளிக்கிற தொண்டு நிறுவனங்களும்கூட மக்களாட்சி சார்ந்த திட்டங்கள் உள்ளிட்டவற்றில்தான் ஈடுபடுகின்றன.

(கூடங்குளம் உள்ளிட்ட) இந்திய அணுமின்சக்தி திட்டத்துக்கு எதிரான தொண்டு நிறுவனங்களுக்கு நாங்கள் சாதகமாக செயல்படுவதில்லை (நிதி அளிப்பதில்லை). தொண்டு நிறுவனங்களுக்கான எங்கள் ஆதரவு எல்லாம் வளர்ச்சிக்கானது, ஜனநாயக ரீதியிலான திட்டங்களுக்கானதுதான்," என்றார்.

ஸ்டாலின் பிறந்தநாளுக்கு பேனர் வைத்த விஜய் மக்கள் இயக்க தலைவர் பலி

2012-03-02T04:15:00.001-08:00

திமுக பொருளாளர் மு.க. ஸ்டாலினின் பிறந்தநாளுக்கு பிளெக்ஸ் போர்டு வைத்தபோது மின்சாரம் தாக்கி விஜய் மக்கள் இயக்க தலைவர் பலியானார், இன்னொருவர் படுகாயமடைந்தார்.

திமுக பொருளாளர் மு.க. ஸ்டாலின் தனது 60வது பிறந்தநாளை நேற்று கொண்டாடினார். அவரது பிறந்த நாளையொட்டி பொள்ளாச்சி-கோவை சாலைபி.எஸ்.என்.எல். அலுவலகத்தையொட்டி உள்ள காலி இடத்தில் பொள்ளாச்சி நகர திமுக சார்பில் 30 அடி நீளம், 8 அடி அகலம் கொண்ட பிளெக்ஸ் போர்டு வைக்க முடிவு செய்யப்பட்டது.

அதன்படி தனியார் பிளெக்ஸ் நிறுவனத்தில் வேலை பார்க்கும் சூளேஸ்வரன் பட்டியைச் சேர்ந்த திலக் குமார் (21),அலெக்ஸ் பாண்டியன், அழகப்பா காலனியைச் சேர்ந்த ஆபித் ரகுமான், குமரன் நகர் முருகேசன், சுல்தான் ஆகியோர் 5 பேர் பிளக்ஸ் போர்டு வைக்க அந்த இடத்திற்கு சென்றனர். அப்போது திலக்குமார், அபித் ரகுமான் ஆகியோர் அந்த போர்டை வைக்க நடப்பட்டிருந்த மரக்கம்பின் உச்சிக்கு சென்று போர்டை நேராக வைத்துக் கொண்டிருந்தனர்.

அப்போது பிளெக்ஸ் போர்டில் இருந்த இரும்புக் குழாய் அருகில் இருந்த டிரான்ஸ்பார்மரின் மின் கம்பியில் பட்டது. இரும்புக் குழாயில் மின்சாரம் பாய்ந்ததில் திலக் குமாரும், ஆபித் ரகுமானும் தூக்கி வீசப்பட்டனர். இதில் திலக் குமார் சம்பவ இடத்திலேயே உயிர் இழந்தார். படுகாயமடைந்த ஆபித் ரகுமான் சிகிச்சைக்காக பொள்ளாச்சியில் உள்ள தனியார் மருத்துவமனையில் அனுமதிக்கப்பட்டுள்ளார். இறந்த திலக் குமார் நடிகர் விஜயின் மகக்ள் இயக்கத் தலைவர் என்பது குறிப்பிடத்தக்கது.

இது குறித்து தகவல் அறிந்த விஜய் ரசிகர் மன்றத்தினர் பொள்ளாச்சி அரசு மருத்துவமனை முன்பு கூடினர். இந்த சம்பவம் குறித்து போலீசார் வழக்குப் பதிவு செய்து விசாரணை நடத்தி வருகின்றனர்

கோவை அ.தி.மு.க பிரமுகர் தயாரிப்பில் சிறுவாணி: முத்த காட்சியில் 30 டேக் வாங்கிய நடிகை

2012-03-02T04:14:00.001-08:00

கோவை ரேஸ்கோர்ஸ் பகுதி அ.தி.மு.க. இணை செயலாளர் ரகுநாத். இவர் தனது சொந்த தயாரிப்பில் இயக்கும் படம் `சிறுவாணி' படத்தின் படப்பிடிப்பு விறுவிறுப்பாக நடந்து வருகிறது. சிறுவாணி அணை மற்றும் காட்டுப்பகுதியில் படப்பிடிப்பை நடத்த திட்டமிட்டுள்ள ரேஸ்கோர்ஸ் ரகுநாத், மாலைமலர் நிருபரிடம் கூறியதாவது :-சிறுவாணி' கோவை மக்களின் தாகத்தை தீர்ப்பதை போல எனது சிறுவாணி படம் ரசிகர்கள் எதிர்பார்க்கும் அனைத்து அம்சங்களுடன் பரபரப்பாக தயாராகி வருகிறது. 1980 களில் வெளிவந்த ஊமை விழிகள், சமீபத்தில் வெளி வந்த `மைனா' போன்ற அருமையான கதையம்சம் கொண்ட படம்.

பிரபல நாவலாசிரியர் ராஜேஸ்குமார் கதைக்கு திரைக்கதை அமைத்து படத்தை நானே இயக்குகிறேன். படத்தில் 5 பாடல்கள் மெல்லிய மெலடி, குத்துப்பாட்டு, ரம்மியமான பாடல் என்று ஒவ்வொன்றும் ஒவ்வொரு விதமாக காதிற்கு இனிமையான பாடல்களை இசையமைப்பாளர் தேவா தந்துள்ளார். படத்தின் இரண்டாம் கட்ட படப்பிடிப்பிற்காக அந்தமான் சென்று வந்தோம். அங்கு கடலில் கதாநாயன் சஞ்சயும், கதாநாயகி ஐஸ்வரியாவும் இணைந்து பாடல் காட்சியின் போது முதுலை வந்த போது பெரும் பரபரப்பு ஏற்பட்டது. கதாநாயகியை பத்திரமாக மீட்டோம்.

தொடர்ந்து ஏனடா…! ஏனடா…! கண்ணிலே மின்சாரம் என்ற பாடல்காட்சியை 350 ஆண்டுகள் பழமை வாய்ந்த சர்ஜ் பகுதியில் படமாக்கினோம். அப்போது கதாநாயகன் சஞ்சய் ஐஸ்வரியாவின் கையை பிடித்து மெதுவாக இழுத்து இதழில் முத்தமிடுவது போல் காட்சி அமைத்திருந்தேன். ஐஸ்வர்யா குறுப்புக்கார பெண் என்பதால் இந்த முத்த காட்சியில் நடிக்க 30 டேக் வரை திரும்ப திரும்ப வாங்கினார். நேரம் வேறு இருட்டிக் கொண்டிருந்தது. பின்னர் தனது தவறை உணர்ந்து முத்த காட்சியை சிறப்பாக நடித்துக் கொடுத்தார்.

ஒருவருக்கொருவர் -குடும்பமாய் இருந்து சிறப்பான முறையில் படப்பிடிப்பை முடித்து விட்டு திரும்பினோம். தற்போது சிறுவாணி அணைப் பகுதியில் இறுதிகட்ட படப்பிடிப்புக்கான லொக்கேசனை தேர்வு செய்து வருகிறோம்.இவ்வாறு அவர் கூறினார்.

நிச்சயம் சூப்பர் ஸ்டாரிணி அந்தஸ்தைப் பெறுவேன் - தன்ஷிகா

2012-03-01T22:20:00.001-08:00

சினிமா கதாநாயகிகள் திரையில் காட்டும் நடிப்பை விட, நிஜத்தில் போடும் வேஷமும் நடிப்பும் அபாரமாய் இருக்கும்.
நான் டாக்டராகியிருப்பேன்… சினிமாவுக்கு வந்தது விபத்து என்றும், டூப்பே போடாமல் சாகஸக் காட்சிகளில் நடித்தேன் என்றும் அவர்கள் சொல்லும்போது முன்பெல்லாம் நம்புவது போலவே ஒரிஜினலாக இருக்கும். இப்போது ரசிகர்கள் தெளிவாகிவிட்டார்கள்.

பேராண்மையில் ஐந்தில் ஒரு ஹீரோயினாக வந்து, இப்போது அரவானில் சோலோவாகிவிட்ட தன்ஷிகா பிழைக்கத் தெரிந்தவர். வாய் ரொம்பவே அதிகம். வாய்க்கு வந்ததை அடித்துவிடுவதில் இவர் பேராண்மை மிக்கவர்தான்.

நாளை ரிலீசாக இருக்கும் அரவானில் நடித்தது குறித்து நிருபர்களிடம் அவர் பேசும்போது, வசந்தபாலனை ஏகத்துக்கும் புகழ்ந்து தள்ளினார். வசந்தபாலன் டைரக்ஷனில் ஒரே ஒரு படத்தில் நடித்தால் போதும். விருது வாங்கிடலாம் என்றார். (அடுத்த படத்துக்கும் சேர்த்து ஒப்பந்தம் செய்துவிட்டார் போலிருக்கிறது)

அடுத்து அவர் சொன்னதெல்லாம் அரவானில் காமெடி குறைவாக இருக்குமோ என எண்ணத் தூண்டியது.

இதோ ஒரு சாம்பிள்: "அரவான் படத்தில் நான் பல சவாலான காட்சிகளில், துணிச்சலுடன் நடித்தேன். 30 அடி உயரத்தில் இருந்து குதித்து இருக்கிறேன். ஒகேனக்கல் மலையில் இருந்து கீழே ஓடிக்கொண்டிருக்கும் ஆற்றில் குதித்து `டூப்' போடாமல் குதித்திருக்கிறேன்… இந்த மாதிரி வேடங்களில் நடிக்கவே ஆசை. நிச்சயம் சூப்பர் ஸ்டாரிணி அந்தஸ்தைப் பெறுவேன்…," என அருள் வராத குறையாக ஆவேசப்பட்டார் அம்மணி!

சரத்குமார் சினேகாவின் விடியல்

2012-03-01T22:07:00.001-08:00

தென்காசி, அம்பாசமுத்திரம் பகுதிகளில் சமக தலைவரும், தென்காசி தொகுதி எம்.எல்.ஏ.வுமான சரத்குமார் நடிக்கும் விடியல் படத்தின் ஷூட்டிங் நடந்து வருகிறது.

தென்காசி எம்.எல்.ஏ.வும், நடிகருமான சரத்குமார் விடியல் என்ற படத்தில் கதாநாயகனாக நடிக்கிறார். அவருக்கு ஜோடியாக புன்னகை அரசி சினேகா நடிக்கிறார். இதில் என்ன ஸ்பெஷல் என்றால் நம்ம நாட்டாமை 3 வேடங்களில் வருகிறார். இந்த படத்தின் ஷூட்டிங் தென்காசி, அம்பாசமுத்திரம், கடையம், விக்கிரமசிங்கபுரம், சுரண்டை, செங்கோட்டை, புளியரை ஆகிய பகுதிகளில் நடக்கிறது.

நேற்று முன்தினம் இப்பகுதியில் ஷூட்டிங் துவங்கியது. கோட்டாரங்குளம் பகுதியில் சரத்குமார், சினேகா நடித்த காட்சிகள் படமாக்கப்பட்டன.

தொடர்ந்து தென்காசி, அம்பாசமுத்திரம் பகுதிகளில் வரும் 15ம் தேதி வரை ஷூட்டிங் நடக்கிறது. இப்படத்தில் நடிகர்கள் ராதாரவி, கஞ்சா கருப்பு, சார்லி, வாகை சந்திரசேகர், நடிகை மல்லிகா, பாத்திமா பாபு மற்றும் பலர் நடிக்கின்றனர். சுந்தரேசன் மேற்பார்வையில் ஆர்ஆர்ஆர் நிறுவனத்தினர் இப்படத்தினை தயாரிக்கின்றனர்.

என்கவுன்டர் கிளப்பும் கேள்விகள் - 'திருதிரு' போலீஸ்...!

2012-03-01T04:42:00.001-08:00

வேளச்சேரியில் ஐந்து பேரை என்கவுண்டரில் காலி செய்து விட்ட சென்னை போலீஸார் தற்போது அது தொடர்பாக எழுந்து வரும் பிரச்சினைகளிலிருந்து எப்படித் தப்புவது என்ற பெரும் யோசனையில் உள்ளனராம்.

வங்கிக் கொள்ளையில் தொடர்புடையதாகக் கருதப்பட்ட ஐவரை போலீசார் சுட்டுக் கொன்ற என்கவுன்டர் சம்பவத்தில், சென்னை போலீசுக்கு அடுத்தடுத்து பின்னடைவு ஏற்பட்டு வருகிறது.

ஆரம்பத்தில் போலீசுக்கு ஆதரவாக கருத்துத் தெரிவித்து வந்த பொதுமக்களில் கணிசமானோர், என்கவுன்டரில் எழுந்துள்ள சந்தேகங்கள் காரணமாக, போலீசார் அவசரப்பட்டு விட்டனர். உயிருடன் பிடித்து அதிகபட்ச தண்டனை வாங்கிக் கொடுத்திருக்கலாம் என கருத்து தெரிவித்து வருகின்றனர்.

இந்த என்கவுன்டர் நடந்தது எப்படி என்பது குறித்து போலீஸ் தரப்பிலேயே இப்போது சில உண்மைகளை கசியவிட்டுள்ளனர்.

வேளச்சேரியிலிருந்து கொள்ளையர் குறித்த தகவல் வந்ததுமே, சாதாரண உடை அணிந்த போலீஸ் டீம், வினோத் குமார் தங்கியிருக்கும் வீட்டை அடையாளம் கண்டு தீவிரமாகக் கண்காணித்தது. அதே சமயம் அந்தப் பகுதி முழுக்க இரவு 9 மணியிலிருந்தே போலீசார் அங்கங்கே குவிக்கப்பட்டிருந்தனர்.

பத்துமணிவாக்கில், அந்தப் பகுதி பொதுமக்கள், வீட்டை விட்டு வெளியே வரக்கூடாது. கதவு, ஜன்னல்களைத் திறக்கக் கூடாது என வெளிப்படையாக எச்சரிக்கப்பட்டனர். சாலை, தெருக்களில் தடுப்புகள் வைக்கப்பட்டு பொதுமக்கள் நடமாட்டமும் அங்கே முற்றாக நிறுத்தப்பட்டது.

11 மணியளவில் உயரதிகாரிகள் தலைமையில் ஆயுதம் தாங்கிய போலீஸ்சம்பவ இடத்துக்கு வந்துள்ளது. ஒருசில நிமிட ஆலோசனைக்குப் பின், போலீஸ் டீம் அந்த மாடி வீட்டின் கீழ்போர்ஷன் கதவைத் தட்டியுள்ளது.

போலீஸை எதிர்பார்க்காத இளைஞர்கள் கதவைத் திறந்தனர். சடசடவென உள்ளே புகுந்த போலீஸ் துப்பாக்கி முனையில் அவர்களை வளைத்துள்ளது. அதிர்ச்சியில் இருந்து விலகாத அவர்களிடம், வங்கிக் கொள்ளையில் அவர்களின் பங்கு பற்றி சில கேள்விகள் கேட்டது போலீஸ்.

அடுத்த நொடியே அவர்களில் ஒருவனை சட்டையைக் கழற்ற வைத்து அவனது கைகளும் மற் றொருவனின் சட்டையால் அவனது கால்களும் கட்டப்பட, அவன் தரையில் உருட்டப்பட்டான். படபடவென துப்பாக்கி குண்டுகள் மூலம் அவன் என்கவுன்டர் செய்யப்பட்டான். கண்ணெதிரில் தங்கள் ஆள் சுடப்பட்டு சாவதைப் பார்த்து மற்றவர்கள் உறைந்து நின்றனராம்.

அடுத்து ஒரு அதிகாரி வெளியே சென்று செல்போனில் 7 நிமிடம் பேசினாராம். போனில் வந்த உத்தரவுப்படி, கிடுகிடுவென மற்ற 4 பேரும் அதே பாணியில் கை, கால்கள் கட்டப்பட்டு தரையில் உருட்டப்பட்டனர். கீழே கிடந்தவர்கள், விட்டுவிடும்படி எவ்வளவோ கெஞ்சியும், அவர்களுக்கு அவகாசமே கொடுக்காமல் வரிசையாக பட்பட்டென்று சுட்டு முடித்துவிட்டனராம். 15 நிமிடத்துக்குள் மொத்தமும் முடிந்துவிட்டதாம்.

சிறிய ரக கைத்துப்பாக்கியால் போலீசார் இந்த என்கவுன்டரை நடத்தியுள்ளனராம். இந்த ரக துப்பாகிகளால் மிக அருகில் வைத்துதான் சுட்டுக் கொல்ல முடியும். எதிரிகளை ஜன்னல் வழியாக சுடுவது என்றால் ரைபிளால்தான் சுட முடியும். அப்போதுதான் அது ஜன்னலைக் கூட துளைத்துக்கொண்டு பாயும். போலீஸ் அப்படி ரைபிளால் சுட்டிருந்தால் சுவரெல்லாம் ரத்தம் சிதறியிருக்கும். அவர்களை கயிறுக்கு பதில் துணியால் கை, காலைக் கட்டியதற்கு காரணம் கட்டிப்போட்டு சுட்ட தடயங்கள் உடம்பில் இருக்காது என்பதற்குத்தான் என்கிறார்கள்.

அதேநேரம் அந்த இளைஞர்கள் போலீசாரை திருப்பிச் சுடவில்லை என்றும் அப்படி சுட்டிருந்தால், சுடப்பட்டவர்களின் உடம்பில் துகள்கள் படிந்திருக்கும், படிந்த இடம் கருகிப்போயிருக்கும். ஒருவர் துப்பாக்கியால் சுடப்பட்டாரா இல்லையா என்பதை ஜி.எஸ்.ஆர். என்கிற டெஸ்ட் மூலம் கண்டுபிடித்துவிடலாம், என்று தகவல்கள் வெளியாகியுள்ளன.

கண்டுபிடிப்பார்களா, காவல்துறைக்கு மேலும் சிக்கல்கள் வருமா என்பதை பொறுத்திருந்துதான் பார்க்க வேண்டும்...

இலங்கைக்கு எதிரான தீர்மானம்: எதிர்க்கட்சிகள் சட்டமன்ற அவசரக் கூட்டத்தை கூட்டவேண்டும்; ஹிண்ட்ராப்

2012-02-29T23:15:00.001-08:00

இலங்கை அரசின் அரக்க குணத்தை அப்பாவி தமிழர்களின் மீது ஏவிவிட்டதின் பலனாக ஆயிரமாயிரம் தமிழின இளைஞர்களின் பிணக்குவியல்களில் தம் கணவனையும், தந்தையையும், தமையனையும் தேடிய தமிழ் பெண்களின் கண்ணீருக்குப் பதில் சொல்ல வேண்டிய தருணம் வெகு அண்மையில் கண்ணுக்கெட்டும் தூரத்தில் தெரிகிறது என்கிறார் ஹிண்ட்ராப் மக்கள் சக்தியின் தேசிய ஆலோசகர் திரு.நா.கணேசன்.

இலங்கைத் தமிழர் படுகொலை குறித்து இலங்கைக்கு எதிராக அமெரிக்காவால் கொண்டு வரப்படவுள்ள தீர்மானம் 47 நாடுகளை உறுப்பினர்களாக கொண்ட ஐக்கிய நாட்டு சபையின் மனித உரிமைகள் சபையில் தாக்கல் செய்யப்படவிருக்கிறது. இந்த தீர்மானத்தை ஆதரித்து 25-க்கும் அதிகமான நாடுகள் இதுவரை தம்முடைய ஆதரவை தெரிவித்துள்ளன.

ஆனால் துரதிஷ்டவசமாக, இலங்கைக்கு எதிரான தீர்மானத்தை மலேசியா ஆதரிக்கப் போவதில்லை என்ற செய்திகள் இப்போது நம் காதுகளுக்கு எட்டுகின்றன! இந்த முடிவிற்கு பின்னால் இருக்கும் நியாயம்தான் நமக்கு புரியவில்லை.

கண் முன்னே நடந்த ஒரு இன படுகொலையை, அப்பட்டமான மனித உரிமை மீறல்களை, வலுவிழந்த சிறுபான்மையினர் மீது பெரும்பான்மை மக்களை பிரதிநிதிக்கும் அரசின் அடாவடி தனத்தை மலேசியா கண்டிக்க முன்வராததை எவ்வகையில் நியாயம் கற்பிக்க முயல்கிறார்கள் என்று அவர் கேள்வி எழுப்பினார்.

இலங்கைக்கு சாதகமாக நடந்து கொள்வதால் தமிழர்களை கொன்று குவித்த சிங்கள இலங்கை அரசின் இனவாதத்தை அம்னோ தலைமையிலான பாரிசான் கூட்டணி அரசாங்கம் அமோதிப்பதாக நாம் அர்த்தம் கொள்வதை தவிர வேறு வழி இல்லை. ஒருவேளை அம்னோ அரசாங்கம் இங்குள்ள தமிழர்களின் மீது மேற்கொள்ளும் இன ரீதியான பாகுபாட்டினை நியாயபடுத்த சிங்கள அரசின் தயவை பெரும் நோக்கில் இந்த முடிவை எடுத்திருப்பார்களோ என்றும் அவர் தமது ஆதங்கத்தை வெளிபடுத்தினார்.

இவ்விவகாரத்தில் மலேசியத் தமிழர்களுக்கு துணையாக, அதாவது பாரிசன் அரசுக்கு நெருக்குதல் அளிக்க எதிர்கட்சிகள் முன்வரேவேண்டும். எதிர்கட்சித் தலைவர்கள் நமக்கு ஆதரவாக குரல் கொடுப்பதோடு மாத்திரம் நின்று விடாமல் தங்கள் கை வசம் இருக்கும் நான்கு மாநில சட்டமன்றங்களையும் அவசரமாக கூட்ட வேண்டும். அந்த அவசர கூட்டத்தில் இலங்கைக்கு எதிராக கொண்டுவரப்படும் தீர்மானத்தை அங்கீகரித்து ஏற்று கொண்டு ஆதரவு தெரிவிக்க வேண்டும். அதோடு ஜெனிவாவில் இலங்கைக்கு எதிரான தீர்மானத்தை மலேசிய அரசு ஆதரிக்க வேண்டும் என்ற தீர்மானத்தை அந்த சட்ட மன்ற அவசர கூட்டத்தில் நிறைவேற்ற வேண்டும் என்றும் அவர் ஆலோசனை அளித்தார்.

இந்தியா, இலங்கைக்கு அடுத்து உலகில் அதிகமான தமிழர்கள் வாழும் நாடு மலேசியா என்ற நிலையில் இந்த தீர்மானம் குறித்து இந்நாட்டு அரசு எடுக்கும் முடிவை மலேசிய தமிழர்கள் வெகு கூர்மையாக கவனித்து கொண்டிருகிறார்கள் என்று தமது ஊடக அறிக்கையில் திரு. கணேசன் தெரிவித்தார்.

இலங்கை அரசுக்கு எதிரான தீர்மானத்தை மலேசிய அரசு ஆதரிக்கும் வகையில் இந்நாட்டு தமிழர்கள் ஒன்று திரண்டு நெருக்குதல் அளிக்க முற்படவேண்டும். அந்த நோக்கதிற்காக நடத்தப்படும் நிகழ்வுகளுக்கு ஹிண்ட்ராப் தமது ஆதரவை நல்கும் என்றும் அவர் கூறினார்.

இது இலங்கையின் உள்நாட்டு விவகாரம் என்றோ, வெறும் தமிழர்களின் பிரச்சனை என்றோ சாக்கு போக்கு சொல்லாமல் செயலில் இறங்கி இலங்கை தமிழர்களுக்கு நம் ஆதரவை தெரிவிக்கும் நேரம் இது.

ஒரு குறிப்பிட்ட இனத்தின் பிரச்சனையாக, குறுகிய மனப்போக்கோடு இந்த விவகாரத்தை மலேசிய அரசாங்கம் அணுகாமல், மனிதாபிமானத்திற்கு எதிரான, அப்பாவி சிறுபான்மையினருக்கு எதிரான, சத்தியம், நியாயம் தர்மத்திற்கு எதிரான ஒரு காட்டுமிராண்டி தனமான அரசின் போக்கை கண்டிக்கும் பொறுப்புமிக்க ஒரு நாட்டின் முடிவாக அது அமையவேண்டும் என்பது ஹிண்ட்ராபின் எதிர்பார்ப்பாகும் என்றார் கணேசன்.

கிளிநொச்சியில் மாணவிகளை காதலித்து பாலியல் துஸ்பிரயோகம் செய்த படைச் சிப்பாய்!

2012-02-29T22:45:00.001-08:00

கிளிநொச்சியில் மாணவி மீது பாலியல் துஷ்பிரயோகத்தில் ஈடுபட்ட படைச் சிப்பாய் மீது பொலிஸார் எந்தவித நடவடிக்கையையும் எடுக்கவில்லை என்று துறைசார் அதிகாரிகள் விசனம் தெரிவித்துள்ளனர்.இது குறித்து மேலும் தெரியவருவதாவது, கிளிநொச்சி நகரில் கடைமையாற்றும் சிப்பாய் ஒருவர் 16 வயதான மாணவி ஒருவரை காதலிப்பதாக கூறி அவரை மதவாச்சிக்கு அழைத்துச் சென்றுள்ளார். தமது மகளைக் காணாத பெற்றோர் பொலிஸ் நிலையத்தில் முறைப்பாடு செய்தனர்.

எனினும் அடுத்த நாள் காலை மதவாச்சியில் குறித்த மாணவியை கைவிட்டு தலைமறைவாகிவிட்டார் சிப்பாய். பின்னர் பொலிஸார் குறித்த மாணவியை மீட்டு பெற்றோரிடம் ஒப்படைத்தனர்.

எனினும் மாணவியை துஸ்பிரயோகத்திற்கு ஆளாக்கிய படைவீரர் மீது எந்த நடவடிக்கையையும் பொலிஸார் எடுக்கவில்லை. 16 வயதுக்குட்பட்ட பெண்களை அவர்களது சம்மதத்துடன் திருமணம் செய்தாலும் கூட அவர்கள் மீது சட்ட நடவடிக்கை எடுக்கப்படுவது வழமை. எனினும் இந்தச் சிப்பாய் மீது பொலிஸார் இதுவரை நடவடிக்கை எதுவும் எடுக்காமல் இருப்பது குறித்து துறைசார் அதிகாரிகள் விசனம் தெரிவித்துள்ளனர்.

இதேவேளை குறித்த சிப்பாய் இந்த மாணவி தவிர்ந்த மேலும் மூன்று மாணவிகளை காதலித்து வந்தார் என்றும் கூறப்படுகிறது.

பண பரிமாற்றம்.

2012-02-29T21:06:00.001-08:00

2 ஜி வழக்கின் பெரும்பாலான பணபரிமாற்றம் மத்திய அமைச்சர் சிதம்பரத்தின் மகன் கார்த்தி சிதம்பரம் மூலம் நடைபெற்றதாக பரபரப்பு குற்றம் சாட்டிய சுப்பிரமணியசாமி கார்த்தி சிதம்பரம் சேர்மனாக உள்ள 12 கம்பெனிகள் பட்டியலையும் வெளியிட்டார். இதுபற்றி செய்தியாளர்களிடம் சுப்பிரமணியசாமி கூறியதாவது 2 ஜி வழக்கு விசாரணையில் தி.மு.க வை சேர்ந்த அமைச்சர் பழனி மாணிக்கம் தலையிடுகிறார். இவர் தலையீடு குறித்து சிபிஐ மத்திய விஜிலன்ஸ் கமிட்டியிடம் புகார் அளித்துள்ளது.2 ஜி சம்பந்தமாக தமிழ்நாடு குற்றவாளிகளின் சொத்து பற்றி கணக்கெடுப்பு பற்றி திருச்சியை சேர்ந்த ஆல்பர்ட் மனோகரன் என்பவரை நியமித்துள்ளனர்.ஆனால் இதுபற்றி எந்த விசாரணையும் இதுவரை நடைபெறவில்லை இதுபற்றி விசாரணைக்கு இடையூராக இருக்கும் மத்திய இணை அமைச்சர் பழனிமாணிக்கத்தை நீக்க வேண்டும் அல்லது வேறு துறைக்கு மாற்ற வேண்டும் என்று பிரதமருக்கு தான் கடிதம் எழுதியதாக தெரிவித்தார்.மேலும் கூடங்குளம் அணுஉலை விவகாரத்தில் வெளிநாட்டு சக்திகள் உதவி வருகின்றனர் என்றும் இதுபற்றி தான் கூறிய கருத்தையே பிரதமர் மன்மோகன் சிங்கும் தற்போது கூறியுள்ளார். கிளர்ச்சியாளர்களை தேசிய பாதுகாப்பு சட்டத்தில் கைது செய்ய வேண்டும் கூடங்குளம் அணுமின்நிலையம் செயல்படாததால் கூடுதல் மின் உற்பத்தி வெகுவாக பாதிக்கப்பட்டுள்ளது. கிளர்ச்சியாளர்கள் கிளர்ச்சி நடத்தும் அமைப்புகளுக்கு எதிராக மத்திய முதன்மை வழக்கறிஞர் (அட்டர்னி ஜெனரல்) ரூ2100 கோடி நஷ்ட ஈடு கேட்டு வழக்கு தொடர வேண்டும். இவ்வாறு சுப்பிரமணியசாமி கூறினார். மேலும் 2 ஜி வழக்கில் சிதம்பரத்தை தாம் விடப்போவதில்லை என்றும் மேலும் பல ஆதாரங்களை வரும் மார்ச் 16 அன்று உச்சநீதிமன்றத்தில் தாக்கல் செய்ய உள்ளதாகவும் கூறினார்.டில்லி உயர்நீதிமன்றத்தில் தனது வாதத்தை ஏற்றுக் கொண்ட நீதிபதி தனது தீர்ப்பில் 70 பத்திகளில் 68 பத்திகளை தனக்கு ஆதரவாக எழுதிவிட்டு 2 பத்திகளை சிதம்பரத்திற்கு ஆதரவாக எழுதியுள்ளார்.என்னுடைய வாதங்களை ஏற்றுக்கொண்ட நீதிபதி சிதம்பரம் 2ஜி வழக்கில் ராசாவுடன் ஈடுபாடு உண்டு நான் கூறிய ஆதாரங்களை நீதிபதி உண்மை என்று கூறிவிட்டு சிதம்பரம் கிரிமினல் மனப்பான்மையோடு செயல்படவில்லை என்று கூறி ரத்து செய்தது ஏற்புடையதல்ல.

ஊழல் விவகாரத்தில் பதவியை துஷ்பிரயோகம் செய்தால் மட்டும் போதாது கிரிமினல் மனப்பானமையோடு செயல்பட்டாரா இல்லையா என்பதை வழக்கு விசாரணை தான் முடிவு செய்ய வேண்டும்.சிதம்பரம் கார்த்தி சிதம்பரம் மூலம் தான் எல்லா பணப் பரிமாற்றங்களும் நடந்தது 12 கம்பெனி மூலமாக அவர் எல்லா பணத்தையும் முதலீடு செய்துள்ளார். சிதம்பரம் கர்நாடகத்தில் உள்ள 25 சதவிகித இடங்களுக்கு முதலாளி. இந்த வழக்கில் கார்த்தி சிதம்பரத்தையும் குற்றவாளிகளை சேர்க்கலாமா என்று யோசிக்கிறேன்.என்று கூறி கார்த்தி சிதம்பரம் சேர்மனாக உள்ள 12 கம்பெனிகளின் பெயர் பட்டியலையும் சுப்பிரமணியசாமி வெளியிட்டார்.12 கம்பெனிகளுக்கும் கார்த்தி சிதம்பரம் சேர்மனாக இருப்பதாக கூறினார். அதில் 2 கம்பெனிகளுக்கு 2ஜி பணம் பெருமளவில் முதலீடு செய்யப்பட்டுள்ளதாகவும் அவை பற்றி விரைவில் ஆதாரத்தோடு வெளியிடுவேன் என்று கூறினார்.

காய்மக்கடு எஸ்டேட் லிமிடெட், கபாலீஸ்வரர் எஸ்டேட் பிரைவேட் லிமிடெட் ஆகியவை கார்த்தியின் சில கம்பெனிகள் ஆகும்.

========================================================================

இவர்களுக்கு எதற்கு இவை எல்லாம்?
====================================

இந்தியாவின் மூன்றாம் நிலை அணுமின் நிலையத் திட்டத்தை முறியடிக்கவே கூடங்குளம் அணுமின் எதிர்ப்புப் போராட்டம் நடைபெறுகிறது என இந்திய உயர் அணுமின் திட்ட நிபுணர்கூறியுள்ளார்.

ஹைதராபாத்தில் அணு எரிபொருள் தரக்கட்டுப் பாடு வகை குறித்த மாநாடு திங்களன்று நடைபெற்றது. இதில் பங்கேற்ற இந்திய அணுமின் கழக நிறுவனத் தலைவர் மற்றும் நிர்வாக இயக்குநர் எஸ்.கே.ஜெயின், அணுசக்தி ஆணையத் தலைவர் (ஏஇசி) ஸ்ரீகுமார் பானர்ஜி செய்தியாளர்களி டம் கூறுகையில், அணுமின் நிலையம் தொடர்பான பாதுகாப்பு, தரம், சுகாதா ரம் குறித்த கேள்விகளுக்கு பதிலளித்த போதும் எரி பொருள் மறுசுழற்சி குறித்து கேள்வி எழுப்பு கிறார்கள் என்றனர்.

டாக்டர் ஜெயின் பேசும்போது", கூடங்குளம் அணு மின்நிலையக் கட்டுமானம் 2002ம் ஆண்டு மார்ச் 31ம் தேதி முதல் உள்ளூர் மக்கள் ஒற்றுமையுடன், சுமூகமாக கட்டப்பட்டுள்ளது. கடந்த ஆண்டு மார்ச் மாதம் புகு ஷிமா (ஜப்பான்) அணுமின் நிலைய விபத்து குறித்து எழுந்த அச்சம் குறித்து கூடங்குளம் மக்களுக்கு விளக்கப்பட்டு சுமூகநிலை ஏற்பட்டது. ஆறு மாதத் திற்கு பின்னர் செப்டம்பர் மாதம் மீண்டும் புகுஷிமாபற்றிய பய உண்ரவு யாரால்அங்கு மக்களிடையேபுகுத்தப்பட்டு தலைதூக் கியது எப்படி?

அணுமின்நிலைய பாது காப்பு குறித்து துவங்கிய போராட்டம், தற்போது அணு மின்நிலையமே தேவை யில்லை என்கிற தீவிரவாதத் துடன் நடக்கிறது .

இப்போது போராட்டக்காரர்கள் அணுமின் நிலைய பாது காப்பு குறித்து கேட்கப்பட வில்லை. அணுமின் திட்டத் தில் மறுசுழற்சி மற்றும் இரண்டாவது நிலை குறித்தே உள்ள. அதிவேக ஈனூலைக்கு புளூட்டோனி யம் எங்கே தயாரிக்கப்ப டும்? என கேள்விக் கேட் கிறார்கள்.அணு உலை இயக்க,அணு உலை கட்டமைப்பு வரைபடங்கள் கேட்கிறார்கள்.இது அணு உலை பற்றி தெரியாத நிபுணர்களுக்கே குளப்பம்தரும் வரைபடங்கள்.நாட்டின் ரகசிய ஆவண்ங்கள்.அது இவர்களுக்கு எதற்கு?

இது இந்திய அணுமின் திட்டத்தின் மீதான தாக்குதல்.சாதாரண மக்கள் இப்படி அறிவியல் பூர்வமாகக் கேட்கமாட்டார்கள்.உள்நாட்டு ரகசியங்களை இப்படிகேட்பது எதற்காக யாருக்காக என்ற கேள்விகள் எழும்புகிறது.அதனால்தான் அந்நிய நாட்டின் கைகள் இந்த போராட்டத்தின் ப்ன்னணியில் இருப்பதாக உணரப்படுகிறது. அணு தொழில்நுட்பத்தில் உலகின் தலைமையாக, தோரியம் அணு உலை திட்டத்திற்குச் செல்ல விரும்புகிறது என்றும் அவர் தெரிவித்தார்.

கூடங்குளத்தில் மறு சுழற்சி ஆலை இல்லை. இந்த நிலையில், மறுசுழற்சி பற்றி கேள்வி எழுப்புவது ஏன்? என்றும் அவர் கேள்வி எழுப்பினார். 2032ம் ஆண்டு காலகட்டத்தில் இந்திய அணுமின் உற்பத்தியை 63 ஆயிரம் மெகாவாட்டாக உயர்த்த இலக்கு உள்ளது. இதில் இறக்குமதி செய்யப் படும் அணு உலைகள் மூலம் 35 ஆயிரம் - 40 ஆயிரம் மெகாவாட் மின்உற்பத்தி செய்யப்பட உள்ளது என ஜெயின் கூறினார்.
--------------------------------------------------------------------------------------------